VOV4.Jarai- Tui hăng jŭ yap mơng gơnong bruă mă, tơhan rơka hăng mơnuih mơnam tơring čar Daklak, mơng akŏ thun truh lơ 20/5 laih rơgao, amăng tơring čar hơmâo 23 čô čơđai djai yua ia ƀlung. Ră anai, tơring čar Daklak glăk amăng bơyan hơjan, ia ƀơi ia krông čroh hnoh glăk dơlăm. Laih dong, anai lĕ kual ngă đang hmua amăng đang hmua lêng kơ hơmâo dơnao pơkŏng ia pioh pruih kơphê, tiu… mơnuih ƀon sang pơkŏng ia ngă hŭi rơhyưt brơi ƀing čơđai anet. Anai ăt lĕ hrơi blan ƀing čơđai pơdơi sang hră yua anun juăt ƀuh lu ƀiă mă bruă čơđai ia ƀlung. Tui hăng Gơnong bruă pơtô hrăm tơring čar Daklak, čơđai ia ƀlung juăt ƀuh lu biă amăng amăng bơyan cơđai pơdơi sang hră, yua anun hlâo kơ pơƀut hĭ thun hrăm 2020-2021, gơnong bruă hơmâo git gai djop anom bruă bơdjơ̆ nao pơtô pơblang tơl amĭ ama hăng ƀing čơđai kiăng kơ wai lăng ƀing čơđai, črâo brơi hơdôm anih hŭi rơhyưt kiăng kơ plai ƀiă hơmâo tơlơi truh sat.

Siu Đoan: Pơblang