VOV4.Jarai - Hơdôm thun giăm anai, lu sang ano\ [ơi [ut plơi 2 hăng 3 să C|ư\ Êbuôr, plơi prong Buôn Ma Thuột (Daklak), do\ hơdip hro\m hăng ayuh hyiăng hơ[ak jrak mơ\ng drông war rông un, mơnu\ bip amăng să.

Mơnuih [on sang ăt lu wo\t yơh lăi pơthâo kơ hơdôm anom bruă bơdjơ\ nao amăng să, samơ\ bruă anai ăt aka [u pơsir khut khăt.

{ơi kual kơplah wah [ut plơi 2 hăng 3 să C|ư\ Êbuôr, plơi prong Buôn Ma Thuột [âo bơbru\ kleng klăng, tơbiă mơ\ng drông war rông un, mơnu\... hơmâo man pơdo\ng giăm plơi pla mơnuih [on sang.

Ơi Nguyễn Thế Hưng, sang `u ataih mơ\ng drông war anai giăm 100 met brơi thâo, drông war rông hlô mơnong [ơi anai jai hrơi pok prong tui, mrô hlô mơnong truh pơ hơdôm rơtuh drơi un hăng hơdôm rơbâo drơi mơnu\.

Hơdôm dơnao ia c\roh hnoh bă kơ eh, ia mơ-a`ă un, mơnu\ giăm jơlan nao rai ngă hơ[ak jrak

Samơ\ bruă pơđoh đuăi ia djah djâo, eh un, mơnu\ răm [ăm, [u pơm^n nao ôh amra bơbec\ sat nao tơlơi suaih pral kơ mơnuih [on sang hơdip jum dar:

Truh ră anai [u anăm e` do\ng tah, Biă `u le\ lơ\m glăi mơ\ng đang hmua kiăng pơdơi pran, sang ano\ [ong huă kho\m krư\ bah amăng kho\p mơtăm yơh.

Yua kơ [âo đơi [u anăm e` ôh. Bruă arăng rông un [u pơhlôm agaih hơdjă, pơđoh đuăi răm băm eh, ia mơ-a`ă trun c\roh hnoh, bơnao ia giăm anun .. ia ju\ ngơ nguc\ mơtăm yơh.

Să C|ư\ Êbuôr le\ să plơi pla phrâo ăt hơmâo rơkâo e\p hơdră hiưm pă kiăng kơ neh met wa dưi hơdip hơđong…

 Ia djah djâo mơ\ng drông war rông un rô hyu răm [ăm pơ gah rơngiao

Bơ ơi Nguyễn Văn Minh, sang [ơi rơnuc\ [ut plơi 2, să C|ư\ Êbuôr brơi thâo:

Ayuh hyiăng hơ[ak jrak jai hrơi kơtang tui, biă mă `u amăng bơyan không phang [âo bru\ kleng klăng. Laih do\ng truh mơmo\t mlam pit đih kho\m krư\ bah amăng kho\p mơtăm yơh [udah gom [ô| lơ\m pit đih.

Lơ\m nao khăm pơjrao tơlơi ruă ơi ia jrao hơmâo lăi mơ\n yua kơ hơ[ak jrak. {ing c\ơđai anet ăt [uh tơlơi ruă tui jơlan suă pran mơ\n....

Ơi Bùi Ngọc Toàn, sa c\ô mơnuih rông hlô mơnong [ơi anai brơi thâo, hơdôm pluh thun giăm anai, lu sang ano\ tuh pơ alin man pơdo\ng drông war rông un, mơnu\ hăng brơi djah djâo rô trun c\roh hnoh jum dar hmua kiăng kơ pioh ngă kmơk pruai phun pla.

Ơi Toàn brơi thâo, drông war kơ sang ano\ `u hơmâo arăng phak duh prăk hăng [uăn [u ngă hơ[ak jrak ayuh hyiăng do\ng tah.

Samơ\, ơi Toàn lăi do\ng, gong gai [on lan kiăng pơkă brơi anih rông hlô pơ[ut kah mơ\ng dưi pơsir h^ abih bruă hơ[ak jrak anai.

Drông war rông hơdôm rơbâo drơi mơnu\, jê| giăm sang do\ kơ mơnuih [on sang samơ\ [u pơgăn sir ôh

Kâo rông hlô sui thun laih, lơ\m hơmâo mơnuih lăi pơthâo yua kơ [âo sat gong gai să amra phak 2,5 klăk prăk, kâo ăt ngă tui mơ\n, laih do\ng ngă hră [uăn.

{ing gơmơi ăt kiăng mơ\n tơdah să kah hăng kơnuk kơna pơkă brơi anih rông pơ[ut [ing gơmơi amra ba nao rông [ơi anih pơkă rông pơ[ut anun.

Tui hăng yă H’Luanh Êban, Kơ-iăng Khoa jơnum min mơnuih [on sang să C|ư\ Êbuôr, [ơi [ut plơi 2 hăng 3 să C|ư\ Êbuôr hơmâo giăm 47 boh drông war rông hlô mơnong, hơmâo giăm 430 rơbâo drơi mơnu\ hăng rơbêh kơ 7.300 drơi un.

Hơdôm drông war rông hlô anai ngă hơ[ak jrak amăng sui thun laih ngă bơngô|t kơ mơnuih [on sang. Kiăng kơ pơsir h^ mơ\ng anai pơ anăp, gong gai să amra pơphun ba đuăi hơdôm drông war anai ataih mơ\ng plơi pla.

Pơ anăp anai, gong gai să amra gum hro\m hăng Anom bruă pơgang ayuh hyiăng rơhuông adai.

Tơhan pôlih wai pơgang ayuh hyiăng amăng plơi prong, khut khăt do\ng kiăng pơsir h^ abih hơdôm anih rông hlô ngă hơ[ak jrak. Ba đuăi hơdôm sang ano\ rông hlô mơnong nao pơ anih rônng pơ[ut.

Blan 4 thun 2018, să C|ư\ Êbuôr le\ să tal 8 amăng plơi prong Buôn Ma Thuột hơmâo tu\ yap tui hơnong pơkă man pơdo\ng plơi pla phrâo samơ\ do\ kơ[ah tơlơi pơkă ayuh hyiăng agaih hơdjă.

Tui hăng hơduah e\p, hlâo anun, Jơnum min mơnuih [on sang să C|ư\ Êbuôr hơmâo pơkă brơi laih anih rông hlô mơnong pơ[ut le\ 82 ektar [ơi kual lo\n rơnuc\ [ut plơi 8,giăm hăng să Ea Bar tơring glông Buôn Đôn.

Samơ\ yua kơ[ah tuh pơ alin man pơdo\ng drông war, truh ră anai, [ơi anai ăt aka [u hơmâo mơnuih nao do\. Kơ[ah hơnong pơkă ayuh hyiăng agaih hơdjă amăng să plơi pla phrâo ăt aka [u thâo truh hơbin dưi ngă, kiăng mơnuih [on sang hơdip plai [iă hơ[ak jrak.

Siu Đoan: Pô pơblang hăng pôr