VOV4- Tom brơi (24/3), Khul apăn bruă Ping gah tơring čar Daklak pơphun jơnum hrăm, kơsem min, khut khăt pok pơhai, ngă tui tơlơi pơsit mơng Jơnum ruah khua Ping gah tơring čar tal XVII (rơwang thun 2020-2025).

Amăng mông jơnum, ƀing khua mua, khua git gai amăng tơring čar hăng ƀing khua mua ƀơi ƀon lan đing nao hrăm, kơsem min, khut khăt ngă tui 5 mơta boh tơhnal anun lĕ: Hơdôm boh tơhnal akŏ phun lăi pơthâo bruă kơđi čar hăng tơlơi pơsit mơng Jơnum ruah khua Ping gah tơring čar tal XVII, rơwang thun 2020-2025; hrưn đĭ bruă git gai mơng Ping gah hơđong kjăp bruă kơđi čar, tơlơi pơmĭn, pơphun hăng hơdip hiam klă; pơjing anih anom kơđi čar, pran gum pơgôp mơng djop djuai ania; djă pioh tơlơi dưi, tơlơi gal amăng pơđĭ kyar tơlơi bơwih ƀong huă - mơnuih mơnam tañ, hơđong kjăp; pơhlôm rơnuk rơnua, pok prong hăng klă dong amăng bruă pơtom hiăp. Đĭ pơhiăp amăng mông jơnum, Kơ-iăng khua git gai Ping gah tơring čar Daklak Phạm Minh Tấn lăi pơtong: Jơnum lĕ kiăng lăng glăi bruă mă, kiăng ngă pơgiong tơlơi pơsit mơng Jơnum ruah khua Ping gah tơring čar tal XVII, rơwang thun 2020-2025.

Siu Đoan: Pơblang