VOV4.Jarai-Prăp lui tơlơi jơnum lok 6, khua mua pơ ala mơnuih [on sang dêh ]ar ta tal XIV, thun blan rơgao, grup khua mua pơ ala mơnuih [on sang dêh ]ar [ơi lu tơring ]ar (Khua pơ ala [ơi tơring ]ar), pơphun nao bưp mơnuih [on sang hlâo kơ nao jơnum kiăng ]ih pioh tơlơi pơgôp hiăp mơ\ng mơnuih [on sang hăng lăi pơthâo amăng mông jơnum prong.

{ơi tơring ]ar Daklak, grup khua mua pơ ala nao bưp mơnuih [on sang hlâo kơ jơnum, pơphun bưp [ơi lu tơring glông kah hăng Ea Hleo, Krông {u\k, Mdrak, Ea Kar, Krông Năng, Lăk, plơi prong {uôn Hô hăng tơring glông }ư\ Kuin.

{ơi anih anom bưp mơnuih [on sang, Grup khua mua pơ ala mơnuih [on sang dêh ]ar lăi pơthâo tơlơi pơhing pơđ^ kyar bơwih [ong huă mơnuih mơnam dêh ]ar ta mơ\ng ako\ thun truh ră anai hăng lăi pơthâo hlâo hơdră mă bruă amăng mông jơnum lok 6 mơ\ng khua mua pơ ala tal XIV;

laih dơ\ng, ]ih pioh hơdôm tơlơi pơgôp hiăp mơ\ng mơnuih [on sang, rơkâo đ^ hăng kơnuk kơna pơdjơ\ nao kơ tơlơi bơwih [ong huă mơnuih mơnam, tơlơi hơdip mơda mơnuih [on sang dêh ]ar ta hăng [ơi tơring ]ar hnun mơn.

Mơnuih [on sang ơi Phạm Đình Kiệm, do\ pơ să Ea Wy, tơring glông Ea Hleo lăi pơthâo tơlơi `u kiăng amăng bruă pơtô pơjuăt ră anai, biă mă `u tơlơi bơblih hơdrôm hră tơ]oh pơtô gưl sa.

 Jơnum bưp mơnuih [on sang [ơi să Ea Tam, tơring glông Krông Năng, Daklak

Mơnuih [on sang lăi le\, [u tơnap ôh thâo krăn hơdrôm hră hrăm hră tơ]oh pơtô ]ơđai sang hră gưl sa, hơmâo ]ih pơkra, in hơdrôm hră kah hăng hơdrôm hră hrăm lăi glăi pơblang tơlơi tơ`a hla, anun yơh [u brơi ]ơđai ]ih amăng hơdrôm hră dơ\ng tah laih anun khom djă pioh hơdrôm hră brơi hiam na nao pioh mă yua lu wơ\t, ngă tui anun le\ [u gal đơi ôh.

Yua kơ anun, mơnuih [on sang ơi Kiệm rơkâo hăng Ding jum Pơtô pơjuăt khom hơmâo hơdră pơko\n be\ h^ tơlơi phăk phai hua] prăk kăk amăng bruă mă yua hơdrôm hră pơdôk, hră hrăm kơ ]ơđai sang hră.

      Mơnuih [on sang să }ư\ Amung, Ea Hleo rơkâo đ^ hăng [ing khua mua pơ ala mơnuih [on sang dêh ]ar

‘’Hơdrôm hră pơđok hră tơ]oh kơnong mă ha wơ\t ba truh tơlơi r^m thun ]ơđai sang hră ăt blơi na nao đô] hơdrôm hră hrăm, tơlơi anai ngă kơ am^ ama ]ơđai sang hră hua] prăk laih anun hua] mơnuih mă bruă kơnuk kơna.

Biă mă `u, bruă djru ba ]ơđai sang hră mơnuih djuai ania [iă do\ [ơi kual tơnap tap [u hơmâo prăk blơi hơdrôm hră hrăm.

Yua kơ anun, [ing ta khom e\p glăi jơlan hơdră, pơsir kơ bruă in pơkra hơdrôm hră hrăm dưi mă yua lu wơ\t, lu gưl tơdơi kiăng huăi hua] prăk kơnuk kơna.

Sa bruă mă dơ\ng kiăng pơtong glăi lơ\m nai pơtô, khua mua sang hră pơtô ]ơđai sang hră thâo pơkrem sit mơn bruă glăk ngă ră rai ngă hua] prăk kăk, dram gơnam laih anun ngă tơnap kơ bruă pơtô pơjuăt kiăng ba tơlơi thâo kơ ]ơđai sang hră mơ\ng boh pơhiăp truh kơ bruă mă aka sa hơnong ôh’’.

Mơnuih [on sang gleng nao kơ bruă bơwih [ong huă amăng tơring ]ar kah hăng: djru prăk ]uk pơkra jơlan nao rai amăng plơi pla, man pơdong bơnư\ ako\ tli, king hmua kơ mơnuih [on sang [ơi anih ia thu, tuh pơ alin man pơdong ring bruă gru grua, pơsir bruă ngă hră yua lo\n kơ mơnuih [on sang.

Boh nik `u mơnuih [on sang do\ pơ kual ataih kiăng [ing khua mua hơmâo tơlơi dưi gleng nao kơ bruă rah anah pơjeh pla, kmơ\k pruai pioh kơ mơnuih ngă hmua hơđong [iă pran jua ngă hmua. Mơnuih [on sang, Triệu Văn Cường, do\ pơ să }ư\ Amung, tơring glông Ea Hleo, rơkâo đ^:

‘’Kmơ\k pruai ră anai hăng mơnuih ngă hmua [ing gơmơi, gơmơi [uh [u thâo krăn ôh pơpă kmơ\k sit pơpă kmơ\k ngă mă ]a.

Gơmơi kơnong thâo sang s^ mơdrô đô] pô, tơdah hơmâo prăk gơmơi nao blơi, [u hơmâo prăk le\ ]an pơ sang s^ mơdrô mơn.

Samơ\ ano\ klă hăng [u klă kâo pô [u thâo ôh lăi tơpă mơtam. Yua kơ anun, rơkâo hăng khua mua pơ ala mơnuih [on sang khom e\p lăng, pơtong glăi djop sang s^ mơdrô anun, kmơ\k pruai hăng ia jrao hlăt kiăng kơ mơnuih [on sang ngă hmua blơi le\ djơ\ gơnam sit, gơnam klă ba glăi boh tu\ yua hloh’’.

{ơi mông bưp mơnuih [on sang, mơnuih [on sang tơring glông Krông Năng ]ang rơmang kơnuk kơna djru apui lơtrik laih anun ia hơdjă yua brơi mơnuih [on sang do\ pơ kual ataih;

rơkâo djop gưl kơnuk kơna khom e\p lăng rơđah, bơtơhmal djơ\ tơlơi phiăn, tơlơi răm [ăm mơnuih mơnam kiăng mơnuih [on sang hơđong mă bruă, ngă hmua. Mơnuih [on sang Vũ Chí Quyền, plơi Tam Đồng, să Ea Tam, tơring glông Krông Năng, Daklak lăi:

‘’Tơlơi  mơnuih [on sang na] biă mă le\ tơlơi ]rih ]ruai mơnuih mơnam, [inh soh sat ngă rơgao đơi. Mơnuih ngă hmua le\ pla pơjing, phun kơphê, phun boh [ơr, tiu, sầu riêng.

Sang ano\ gơmơi hơmâo 50 phun boh sầu riêng khom ngă atông tong krah hmua, kơnong rơkut mă [iă đô] rơngiă mơtam.

Kâo rơkâo hăng kơnuk kơna khom hơmâo hơdră ngă kơtang hloh kơ [ing dop kưp gơnam arăng, tơdah lui hnun le\, mơnuih [on sang hu\i gơ`u, laih anun [u hơđong ôh bơwih [ong huă’’.

Hrom hăng anun, tơlơi ngă hơ[ak jrak ayuh hyiăng, jơlan răm, tơlơi pơsir bruă mă kơ [ing hrăm giong gưl prong glăi [u hơmâo bruă mă, djru rơnoh prăk nua gơnam mơ\ng đang hmua ăt sa tơlơi mơnuih [on sang rơkâo đ^ hăng khua mua pơ ala mơnuih [on sang dêh ]ar [ơi Daklak.

Mơnuih [on sang Trần Thị Vững, să Ea Tam, tơring glông Krông Năng, tơring ]ar Daklak rơkâo đ^:

‘’Ră anai mơnuih [on sang gơmơi abih ha thun kơnong sa bơyan pe\ kơphê, tiu hăng boh troh pơko\n, samơ\ nua trun đơi, mơnuih [on sang [u hơmâo kơmlai ôh, lơ\m anun nua kmơ\k pruai, ia jrao hlăt le\ đ^ yom, ia săng, ia jâo pơmă anun  yơh ngă hmua tơnap biă mă.

Kâo rơkâo hăng [ing pơ ala ngă hiư\m pă pơđ^ nua boh troh đang hmua kiăng mơnuih [on sang plai [iă tơnap tap’’.

Tơdơi kơ hmư\ tơlơi pơgôp hiăp mơ\ng mơnuih [on sang, [ing pơ ala mơnuih [on sang dêh ]ar hơmâo lăi glăi laih hơge\t tơlơi dưi mơ\ng [ing gơ`u.

Hơdôm tơlơi rơkâo rơgao hăng tơlơi dưi le\, [ing khua mua ]ih pioh, pơ[ut pioh lăi pơthâo amăng mông jơnum prong khua mua pơ ala mơnuih [on sang dêh ]ar pơ anăp sem glăi hăng pơsir.

Nay Jek: Pô ]ih hăng pôr