VOV4.Jarai-Ngă tui Tơlơi pơtrun mrô 06/2010/QĐ-TTg, lơ 25/1/2010 mơng Khoa dêh ]ar ta kơ bruă man pơdong, wai lăng, mă yua hip hră tơlơi phiăn juăt, amăng 5 thun rơgao, plơi prong {uôn Hô, tơring ]ar Daklak, hơmâo gleng nao kơ bruă pơdong hip hră  tơlơi phiăn juăt pơ djo\p să, plơi pla, kiăng djru hrom pơtô lăi kơ jơlan hơdră mơng Ping gah, kơnuk kơna, djru pơđ^ tui [ơ [rư\ tơlơi thâo hluh kjăp kơ abih bang mơnuih mă bruă khom ngă tui tơlơi phiăn phun hăng tơlơi phiăn juăt dêh ]ar pơtrun kơ mơnuih [uôn sang.

Phường Đạt Hiếu jing sa boh phường ba jơlan hlâo amăng bruă pơtô lăi, pôr pơthâo tơlơi phiăn juăt kơnuk kơna kơ mơnuih apăn bruă ]ar hăng mơnuih [uôn sang amăng phường hăng lu hơdră pơtô pơhrăm kah hăng:  pơphun hrơi pioh kơ bruă e\p lăng tơlơi phiăn juăt,  pơphun lu mông pơtô lăi, pơblang brơi tơlơi phiăn juăt [ơi djo\p plơi pla, [on lan, [ut mơnuih [on sang do\ amăng plơi prong, ako\ pơdong hip hră tơlơi phiăn juăt. Hip hră tơlơi phiăn juăt phường Đạt Hiếu, dưi dưm [ơi gru\p mă bruă pơsir hră pơar sa anih, yua kơ  [ing apăn bruă gah tơlơi phiăn mơtam pô wai lăng hơmâo truh 200 po\k hơdrôm hră, phường pok pơhai anih pioh pơđok hră, anih do\ rơhaih rơhong,  rơ-ơ\ rơ-iom, gêh găl kơ mơnuih [on sang nao pơđok [udah rơkâo mă lăng pơđok hră. Ơi Đỗ Viết Lâm, khoa gru\p [ut plơi Đạt Hiếu 2 brơi thâo: “Dong mơ\ng hơmâo hip hră tơlơi phiăn anun, kâo rai rơkâo mă lăng na nao hơdrôm hră tơlơi phiăn juăt kơnuk kơna ba glăi e\p lăng hơdôm tơlơi phiăn  pơdjơ\ nao kơ bruă ta mă hrim hrơi kah hăng Hơdrôm hră Tơlơi phiăn pơdo\ rơkơi bơnai hăng sang ano\, tơlơi phiăn lo\n mơnai…. Bruă pơđok hră hăng pơđ^ tơlơi thâo kơ ta pô, kiăng thâo hroaih kơ tơlơi phiăn kơnuk kơna hơmâo djru kâo dưi pơsir lu tơlơi amăng mơnuih [on sang [ơi plơi pla, boh nik `u bruă pơsir kơđi tơlơi mơnuih [on sang tu\ yua hloh”. {u djơ\ kơnong kơ phường Đạt Hiếu đu] ôh, ră anai hơdrôm hră tơlơi phiăn hơmâo pok pơhai  truh pơ lu anih anom amăng 12 boh să, phường, djo\p anom bruă, sang hră amăng plơi prong, hơmâo 22 boh  hip hră tơlơi phiăn, rơbêh 1.500 pok hơdrôm hră. Hrim thun, rơngiao kơ anom bruă wai lăng gah tơlơi phiăn  hơmâo [ơk hăng djru brơi hơdrôm hră tơlơi phiăn; sang bruă djo\p să, phường ăt lêng kơ pioh [iă prak blơi prăp hơdrôm hră tơlơi phiăn juăt, kiăng dưi djo\p hră tơlơi phiăn pioh kơ mơnuih apăn bruă hăng mơnuih [on sang e\p lăng. Hro\m hăng bruă pơbuă tui hơdrôm hră le\, djo\p să, phường kơtưn pơtô lăi, kiăng mơnuih [on sang thâo hăng hor e\p lăng tơlơi phiăn kơnuk kơna ta, djru pơtô pơhrăm wo\t mơnuih apăn bruă kơnuk kơna hăng mơnuih [on sang nao pơđok hră tơlơi phiăn. Dong mơ\ng bruă anun,  lu mơnuih apăn bruă thâo ta` kơ tơlơi phiăn, ngă tui djơ\ tơlơi pơtrun mơng ping gah hăng kơnuk kơna, plai [iă ngă soh glăi tơlơi phiăn dêh ]ar, kah hăng amăng tơlơi soh sat, tơlơi pơdo\ rơkơi bơnai hăng sang ano\, kơđi amăng mơnuih [on sang, tơlơi phiăn jơlan glông nao rai….hơdôm tơlơi ]rih ]roai amăng mơnuih mơnam, tơlơi juăt sat  răm, tơlơi among soh sat  hro\ tui,  pơjing h^ tơlơi juăt, tơlơi hor among kơ bruă hơduah e\p lăng tơlơi phiăn jai hrơi lu tui. Ơi Nguyễn Kỷ Trung, mơnuih [on sang thôn 2, să Bình Thuận lăi: “Kâo thun tha rơma laih, anun [u thâo ôh mă yua măi komputơr e\p tơlơi pơhing ta` kah hăng [ing ]ơđai e\p  lăng internet. Rim wo\t hơmâo bruă kiăng nao pơ sang să, kâo hne] mă mông wăn, rơkâo e\p hơdrôm hră tơlơi phiăn juăt ba glăi pơđok, mơng anun kâo thâo [iă tơlơi phiăn pơkă kơ bruă mă  hrim hrơi amăng tơlơi hơdip mơda laih anun glăi pơtô kơ ană bă,  ană tơ]ô ngă tui djơ\ tơlơi pơtrun mơng kơnuk kơna pơkă”.

Bruă djă pioh sa hơnong hip hră tơlơi phiăn tu\ yua prong biă mă hăng mơnuih [on sang, mơnuih mă bruă kơnuk kơna, kiăng  thâo hluh kơ tơlơi phiăn juăt laih anun pơsir bruă, kơđi tơlơi djơ\ hloh. Amăng 5 thun laih rơgao, rơngiao kơ prak mơng plơi prong djru giăm 97 klak prak, djo\p să phường ăt tuh pơ alin rơbêh 7 klak prak pioh pơdong hip hră tơlơi phiăn, hơmâo kơnong 642 wo\t mơnuih nao e\p lom sa thun, rơkâo pơđok [ơi anun [udah rơkâo ba glăi pơđok pơ sang. Amai Nguyễn Thị Hiếu, mơnuih apăn bruă gah tơlơi phiăn   phường Đạt Hiếu brơi thâo: “Lu hip hră tơlơi phiăn dưm [ơi anih ngă hră pơar sa hơnong mơtam, aka [u pơdong anih hơjăn pioh pơđok hră, anun mơnuih [on sang alah mơn nao rơkâo pơđok hră. Hrom hăng anun, lu mơnuih [on sang, boh nik `u [ing hlak ai aka [u gleng nao ôh kơ bruă hơduah e\p tơlơi phiăn juăt kơnuk kơna. Bơ ayong Cao Văn Sang, mơnuih apăn bruă  gah tơlơi phiăn  phường Đoàn Kết lăi: Hơdrôm hră mơng phường do\ kơ[ah, anun yơh bơbe] truh kơ tơlơi kiăng e\p hơdrôm hră tơlơi phiăn juăt pioh pơđok mơng mơnuih [on sang. Mơnuih wai lăng hip hră le\, ngă lu bruă, [u hơmâo [ong prak pơko\n dong ôh đjru hrom, anun yơh hip hră tơlơi phiăn aka [u ba glăi đơi boh tu\ yua kah hăng ano\ kiăng”.

Ơi Nguyễn Văn Huynh, Khoa anom bruă Tơlơi phiăn plơi prong {uôn Hô, Daklak lăi : “Thun blan pơ anăp, plơi prong amra kơtưn bruă pơtô lăi, pioh pơjing tơlơi hor, juăt hơduah e\p lăng kiăng thâo hluh tơlơi phiăn juăt, kơđi mơng mơnuih [on sang hăng lu hơdră; Pơtô lăi mơnuih [on sang  bruă pơko\n, hlo\ng pơtô kơ tơlơi phiăn, pơphun lu gru\p jơnum bơkơtoai nao rai, hơduah e\p lăng hơdôm mơta tơlơi pơkă amăng tơlơi phiăn….laih dong rơkâo đ^ pơdlông djru ba hơdrôm hră tơlơi phiăn, ba dưm amăng hip hră tơlơi phiăn jai hrơi lu tui. Ngă hnun kah, hơdrôm hră tơlơi phiăn amra jing bruă ngă tui, ba glăi boh tu\ yua amăng bruă pơtô lăi, pôr pơthâo tơlơi phiăn kơnuk kơna truh pơ djo\p mơnuih [on sang”.

Nay Jek : Pô ]ih hăng pôr