VOV4.Jarai - Do\ kơnong giăm sa wo\t hrơi tơjuh ha mơkrah yơh truh hrơi No-el, ră anai hơdôm anih s^ mơdrô gơnam tam, sang s^ hơdrôm hră amăng plơi prong Buôn Ma Thuột, tơring c\ar Daklak glăk pơdă s^ lu gơnam pioh tol yol dr^ dră lăng hiam, gơnam pơyơr tơdruă pơhưc\ lu mơnuih blơi, pơgôp ngă dik dak mơ-ak amăng bơyan no-el anai.

Rơbat hyu kơtuai jơlan glông amăng sang c\ơ tong krah plơi prong Buôn Ma Thuột anun le\: jơlan Lý Thường Kiệt, Quang Trung, Y Jút, Hai Ba Trưng …[uh lu gơnam pioh tol yol dr^ dră amăng bơyan No-el hơmâo arăng pơdă s^ mơdrô lăng hiam hlic\ hlac\ hăng hơmâo djop mơta. Mơnuih [on sang glăk dik dak nao blơi. Amai Trần Thị Minh Hoa, do\ [ơi phường Thắng Lợi, plơi prong Buôn Ma Thuột brơi thâo:

Mơnuih [on sang dik dak nao blơi gơnam ba glăi tol yol amăng sang ano\

Sang ano\ gơmơi tui đăo kho\p yua anun truh bơyan No-el kâo juăt rai pơ anai blơi gơnam ba glăi tol yol kiăng kơ ngă hiam amăng sang ano\ laih dong kiăng kơ bơyan no-el anai mơ-ak mơ-ai. Phun hngo hăng hruh dưm ană nge khua yang ăt [u kơ[ah lơi.

Tơlơi bơwih [ong huă ăt bơbec\ sat mơn mơng klin Covid-19 samơ\ amăng bơyan No-el kho\m prap rơmet, sang ano\ gơmơi amra blơi phun hngo anet pơdong amăng sang, blơi gơnam aset [iă. C|ang rơmang No-el thun anai amra hơmâo lu tơlơi mơ-ak hăng pơđao amăng pran jua tơdơi kơ ha thun tơnap tap.

Tui hăng [ing mơnuih s^ mơdrô gơnam tam, bơyan No-el mơnuih [on sang jai hrơi kiăng lu gơnam tol yol amăng sang ano\, yua anun mơng ako\ blan 12, lu anom bruă, anom bơwih [ong s^ mơdrô hơmâo rơkâo blơi hlâo phun hngo pơprong ba glăi pơdong amăng sang, bơ amăng hơdôm hrơi anai mơnuih [on sang kơnong blơi gơnam ba glăi tol yol đôc\.

{ơi sa, dua anih s^ mơdrô …hơdôm phun hngo arăng pơdong lăng hiam hlic\ hlac\, jing anih ngui ph^n rup amăng bơyan No-el

Pơhmu hăng thun hlâo, gơnam s^ mơdrô amăng bơyan No-el thun anai hơmâo lu mơta, lăng hiam hăng nua bơkơnar hăng r^m thun yua anun s^ amu` biă mă.

Kiăng kơ djơ\ hăng pran hor kơ abih bang mơnuih, ră anai [ơi hơdôm anih anom s^ mơdrô hơmâo lu gơnam pioh tol yol, gơnam pơyơr tơdruă hăng nua s^ phara, mơng hơdôm gơnam nua hơdôm rơbâo anun le\: asar boh châu, asar ju\ mơ`^, bơnga pler, hre\ tol dr^ dră truh pơ phun hngo, rup man am^ khua yang hơmâo nua hơdôm klăk prăk …

Yă Lê Thị Thu Na, mơnuih s^ mơdrô gơnam No-el [ơi plơi prong Buôn Ma Thuột brơi thâo:

Thun anai [uh arăng rai blơi gơnam tol yol amăng sang ano\ lu biă mă. Kar kăi hăng r^m thun gơnam arăng juăt blơi le\ mơnuih pler, ơi tha No-el, gơnam kuar hơbun hrup hlô mơnong, phun hngo hăng guang bơnga.

Ră anai phun hngo anet hơmâo nua mơng 80.000 truh pơ 200.000 prăk/ phun, phun gap [rô mơng 500.000 truh pơ 700.000 prăk/phun, guang bơnga (vòng nguyệt quế) hơmâo nua mơng 130.000 -250.000. Laih dong, hră c\ih pơpu\ amăng bơyan No-el ăt le\ gơnam hơmâo lu mơnuih tơ`a blơi, nua mơng 10.000 truh 50.000 prăk.

Thun anai, yua bơbec\ mơng klin Covid-19 lu mơnuih [ơi plơi prong Buôn Ma Thuột, tơring c\ar Daklak brơi thâo amra c\ơkă hrơi khua yang tơkeng rai amăng sang ano\. Yua anun [uh lu mơnuih nao blơi gơnam tam ba glăi tol yol amăng sang ano\ kiăng kơ pơdah sa bơyan No-el bă blai tơlơi khăp, yâo mơ-ak amăng abih bang mơnuih [on sang.

Siu Đoan: Pơblang