VOV4.Jarai-Phrâo anai, khul khoa moa pel e\p mơng Jơnum min gah bruă Mơnuih mơnam Anom bruă Khoa GGWLPA m[s dêh ]ar ta, yua kơ Kơ-iăng khoa jơnum min ơi Đỗ Mạnh Hùng, ngă khoa khul nao mă bruă hăng khoa moa tơring ]ar Daklak kơ tơlơi ngă tui Tơlơi phiăn wai lăng mơnuih tha rơma hăng Mơnuih [u klă drơi jăn  [ơi tơring ]ar Daklak.

Tui hăng tơlơi lăi pơthâo amăng mông mă bruă, [ơi tơring ]ar Daklak ră anai hơmâo năng ai `u 78 rơbâo 500 ]ô mơnuih rơwen rơwo,  [u klă drơi jăn, amăng anun 11.171 ]ô tu\ mă prak djru hrim blan, hơmâo 7 boh anom bruă wai lăng, pơgang ba pơjrao brơi 541 ]ô mơnuih rơwen rơwo [u klă drơi jăn.

Tơdơi kơ Tơlơi phiăn wai lăng mơnuih rơwen  rơwo [u klă drơi jăn dưi hơmâo khoa moa GGWLPA m[s dêh ]ar ta hơtal XIII, jơnum lok 7 pơs^t h^, tơring ]ar Daklak hơmâo pok pơhai djop jơlan hơdră wai pơgang ba tơlơi suaih pral, pơtô hrăm, pơtô bruă mă,  pơgang ba tơlơi dưi kơ mơnuih rơwen rơwo [u klă drơi jăn. Rơđah biă `u, djop să, phường, tơring kual amăng tơring ]ar hơmâo ako\ pơjing khul pơtong glăi hơnong tơlơi rơwen rơwo [u klă drơi jăn mơng [ing mơnuih rơwen rơwo jo găng. Truh abih blan 6 thun 2015, hơmâo rơbêh 16 rơbâo ]ô mơnuih rơwen rơwo [u klă drơi jăn dưi pơs^t hơnong rơwen rơwo. Truh ră anai, rơbêh kơ 24 rơbâo 400 ]ô mơnuih [u klă drơi jăn, rơwen rơwo anun arăng ngă hră pioh thâo krăo lăng, pơgang brơi tơlơi suaih pral, pơtô brơi hơdră pơhlôm tơlơi duăm ruă, pơjrao duăm ruă laih anun gơ`u pơgang mă drơi jăn pô; giăm 10 rơbâo 500 ]ô mơnuih [u klă drơi jăn, boh nik `u [ing glăk hơmâo tơlơi djru ba mơng anom bruă djru mơnuih mơnam tơnap tap tơring ]ar, tu\ mă tơlơi djru hrim blan,  arăng [ơk brơi hră pơjrao tơlơi duăm ruă huăi apah prak. Hrom hăng anun, mơnuih rơwen rơwo arăng ngă gêh  gal brơi hrăm hră, hrăm bruă, ngui ngor mơak, e\p  brơi bruă mă, gum hrom tơlơi ngui ngor adoh soang, pơrơguăt drơi jăn, djru ba tơlơi phiăn…

Kơ bruă ngă tui Tơlơi phiăn wai lăng mơnuih tha rơma laih anun Hơdră dêh ]ar ta pơtrun pơgang ba mơnuih tha rơma Việt Nam mơng thun 2012-2020, tơring ]ar Daklak hăng djop gơnong bruă amăng tơring ]ar hơmâo pok pơhai ngă tui. Đơ đam tơring ]ar hơmâo 121.500 ]ô mơnuih tha rơma, amăng anun rơbêh 41 rơbâo ]ô ngă hră krăo lăng pơjrao tơlơi duăm ruă; 43 rơbâo 600 ]ô dưi brơi pơkă lăng hrim blan, hrim wo\t sa thun sa wo\t boh [iă `u, mơnuih tha rơma arăng nao ]uă re se [ơk pha gơnam tam amăng hrơi ngă yang prong, ngă lơphet mơak kơ dêh ]ar, pơpu\ thun truh tơnu\k, hơdip sui thun. Amăng tơring ]ar hơmâo 459 khul gum hơb^t wai lăng ba mơnuih tha rơma, pơhư] truh 12 rơbâo 350 ]ô mơnuih gum hrom, dưi ngă gêh gal pơphun brơi bruă  djru mơnuih tha rơma ngui ngor mơak, suaih pral, djru hrom pơđ^ kyar tơlơi bơwih  [ong huă, pơdong sang ano\ rơguăt, ngă hrom bruă mơnuih mơnam...

{ơi mông mă bruă, tơring ]ar Daklak ăt rơkâo đ^, brơi djru Keh prak pioh kơ mơnuih rơwen rơwo ; hơmâo lu jơlan hơdră djru hloh dong kiăng  pơtă kơ djop anom bruă bơwih brơi kơ bruă s^ mơdrô prong tu\ jum mơnuih rơwen rơwo mă bruă tui hăng tơlơi thâo laih hrăm bruă mơng [ing gơ\; pơđ^ tui hơnong djru prak kơ mơnuih mă bruă amăng anih anom lăng ba mơnuih [u klă drơi jăn; djru prak lăng ba mơnuih tha rơma amăng  đơ đam tơring ]ar.

Pơhiăp [ơi mông jơnum, Kơ-iăng Khoa jơnum min wai lăng gah bruă djru mơnuih mơnam mơng Anom bruă khoa GGWLPA m[s dêh ]ar ta, ơi Đỗ Mạnh Hùng bơni biă mă bruă ngă tui Tơlơi phiăn wai lăng mơnuih tha rơma mơng tơring ]ar Daklak. Laih dong, rơkâo thun blan pơ anăp anai, djop anom bruă amăng tơring ]ar khom kơtưn hloh  ngă hrom, lăi pơthâo pok pơhai 2 mơta  tơlơi phiăn anun; pơphun  pơkă lăng tơlơi suaih pral kơ [ing tha rơma hăng mơnuih rơwen rơwo [u klă drơi jăn, kơtưn djru gơnam yua kơ tơlơi mă bruă, rơdêh pơgiăng tuai pioh kơ [ing tha rơma hăng mơnuih rơwen rơwo rô nao rai amăng jơlan glông, đuăi hyu ngui [udah hyu kơ bruă mơnuă; ngă klă pơtrun noa we\ đ^ rơdêh kơ mơnuih tha rơma hăng mơnuih [u klă drơi jăn; gleng nao kơ bruă pơkă lăng, pơđ^ kyar tơlơi pơtô hrăm, pơtô bruă kơ mơnuih rơwen rơwo, ngă gêh gal kơ bruă  ako\ pơdong, ako\ pơjing keh prak djru mơnuih tha rơma, pơđ^ tui mrô mơnuih tha rơma hăng mơnuih [u klă drơi jăn dưi tu\ mă hră pơjrao tơlơi duăm ruă huăi apah prak…

            Pơblang hăng pôr : Nay Jek