VOV4.Jarai - Jơnum min mơnuih ƀôn sang tơring čar Daklak phrâo mă yua kơčăo bruă pok pơhai ngă tui bruă ruah mă gơnam pơkra hăng măi mok klă hloh ƀơi plơi pla thun 2021. Bruă ruah anai kiăng thâo hăng pơpŭ hơdôm gơnam măi mok klă hloh mơng plơi pla, nua mă yua prong, hmâo tơhnal pơđĭ kyar pioh hmâo kơčăo bruă djru pơđĭ kyar bruă bơwih ƀong, lăi pơhưč gơnam tam hăng pơtrut sĭ mdrô, djru pơtrut pơđĭ kyar măi mok plơi pla. Gơnam gum hrom ruah ƀu ngă soh tơlơi pơkă kơ tơlơi dưi yua bôh thâo, tơlơi dưi yua măi mok, dưi ngă rai hơdôm mơta gơnam tam hăng mrô ñu lu, djop brơi arăng blơi yua hăng ƀu djơ̆ gơnam kơƀah. Thun 2020, đơ đam tơring čar hmâo 14 mơta gơnam măi mok plơi pla klă hloh gah gưl tơring čar hăng 5 mơta gơnam dưi pơpŭ anăn păn gưl kual Tŏng Krah dêh čar – Dăp Kơdư./.  

Siu H’ Prăk: Pô pơblang