VOV4.Jarai - Mơguah tom brơi (19/3), ƀơi tal jơnum tui akô̆ bruă, Jơnum min pơ ala mơnuih ƀôn sang tơring čar Daklak tal 9, rơwang bruă 2016-2021 hmâo ngă tui laih glông bruă pơdơi bruă, ruah pơhrua nao Kơ-iăng Khua Jơnum min pơ ala mơnuih ƀôn sang tơring čar, Ding kơna Jơnum min mơnuih ƀôn sang tơring čar Daklak tal 9, rơwang bruă 2016-2021.

Kiăo tui anun, Jơnum min pơ ala mơnuih ƀôn sang tơring čar Daklak hmâo pơsit pơdơi bruă ding kơna Jơnum min mơnuih ƀôn sang tơring čar tal 9, rơwang bruă 2016-2021 hăng Thiếu tướng Lê Văn Tuyến – khua hơđăp Kông ang tơring čar yua kơ hmâo bruă apăn pơkon. Hrom hăng anun ruah pơhrua nao ding kơna Jơnum min mơnuih ƀôn sang tơring čar Daklak tal 9, rơwang bruă 2016-2021 hăng Đại tá Lê Vinh Quy, Khua Kông ang tơring čar Daklak. Ăt amăng tal jơnum anai mơn, ƀing khua pơ ala hmâo tŭ ư ruah Y Vinh Tơr – Ding kơna pơhlôm hlâo Ping gah dêh čar ta, ding kơna Grŭp apăn bruă Ping gah tơring čar, Khua git gai Ping gah plơi prong Buôn Hồ ngă Kơ-iăng Khua Jơnum min pơ ala mơnuih ƀôn sang tơring čar Daklak tal 9, rơwang bruă 2016-2021, hăng abih bang hră plĕ tŭ ư./.

Siu H’ Prăk: Pô pơblang