VOV4.Jarai-Tơlơi ]rih ]ruai mơnuih mơnam mut tơma tơl sang ano\ go\ uă amăng plơi Giang Đông, să Ea Đah, tơring glông Krông Năng, tơring ]ar Daklak.

 

Ma túy, hot jrao sat ngă kơ tơlơi do\ dong [ong huă mơnuih [on sang răm [ăm, lu sang ano\ pơ]lah ]lap, ngă rơngiă tơlơi hơđong, rơnuk rơnua amăng plơi pla.

 

Amăng sang pơdong sô tơ\i rơ\i laih, hing hong, [u hơmâo dram gơnam dơ\ng tah, ơi Sùng Giống Lù ră ruai kơ tơlơi soh sat tơ]ô `u ngă, tơ]ô `u anăn Sùng A Châu.

 

Lơ\m phrâo buă 18 thun, Châu ngă soh tư\ go\ đah kơmơi dra, arăng phat kơđi krư\ amăng sang mơnă 10 thun.

 

Yua kơ gưt hiăp arăng lơ\m do\ amăng sang mơnă, anun A Châu dưi pơhro\ thun krư\ do\ 4 thun.

 

Laih tơbiă mơ\ng sang mơnă, [u gir mă bruă bơwih [ong huă ôh, A Châu hơduah glăi [ing go\p do\ amăng sang mơnă, gơ` hot jrao ma túy.

 

Ơi Sùng Giống Lù do\ [ơi sang sô Sũng A Châu

 

Kiăng hơmâo prăk blơi hot jrao, A Châu tu\ mă hot jrao ma túy, s^ glăi kơ [ing pơko\n blơi. Abih bang dram gơnam amăng sang ano\ s^ abih, laih anun hyu dop gơnam sang ano\ ieo gah dơ\ng:

 

‘’Amăng sang ano\ am^ ama hơmâo hơge\t le\ `u mă ba abih laih. Prăk kăk, gơnam tam amăng sang am^ ama `u pioh glăi mă abih. Sang ơi tha anai, ăt rơngiă abih mơn gơnam yua kơ Châu mă đuăi’’.

 

Bơ ayong Phàng A Là, tơkeng thun 1981 hăng bơnai `u anăn Cứ Thị Nô, tơkeng thun 1982 jing h^ mơnuih gơ` hot jrao, lơ\m abih dua rơkơi bơnai `u mă yua ma túy pơjrao tơlơi ruă.

 

Tui hăng tơlơi ră ruai mơ\ng ayong Là, bơnai `u bơbrah jơlan hruh ană, `u le\ ruă hlung asơi. Hmư\ arăng lăi, mă yua hot jrao kiăng plai [iă ruă, rơkơi bơnai `u s^ rơmô, s^ un blơi ma túy djup, hrip.

 

Rơgao 3 thun pơjrao hăng am túy, tơlơi ruă [u hlao ôh, asăp hot jrao tơpung ko#, hlong lun [ong abih 3 ektar hmua, 3 ar hmua pơdai ia, 2 drơi rơmô hăng 2 drơi kơbao sang ano\.

 

Phàng A Là  do\ đih amăng sang duih kơ `u

 

Ră anai, bơnai `u glăk do\ amăng sang pơjrao gơ`, bơ `u tơrơhiư` rơwang gro` do\ pơ sang hơjăn:

 

‘’Lơ\m gơ` hot jrao kâo jai kraih duăm ruă, kâo ră anai [u hơmâo dram gơnam dơ\ng tah, kiăng lui, kiăng a` samơ\ [u anăm tơnap đơi.

 

Sang ano\ ]lah ]lap, kiăng hơmâo hmăi hrup hlâo [u dưi dơ\ng tah. Kiăng biă, ngă hiư\m pă dưi lui ta`, huăi đôm glăi hăng `u dơ\ng’’.

 

Ma túy ăt ngă rơngiă tơlơi hyuk hyiak mơak klă sang ano\ amai Sùng Thị Chay, yua rơkơi `u gơ` kraih đơi.

 

Laih mă yua ma túy, rơkơi `u hmua [u gưt ngă, bruă [u pơđing ôh. Sang ano\ hơmâo 5 ar lo\n hmua, kơnuk kơna [ơk brơi, rơkơi `u s^ blơi lui, pioh djup hot jrao ma túy.

 

Ană bơnai hyu mă bruă apah kiăng hơmâo prăk blơi braih huă, rơkơi dop mă braih s^ blơi hot jrao.

 

Amai Sũng Thị Chay hyu kiă kơbao arăng apah e\p prăk

 

Tăp năng gơ` hot jrao, rơkâo prăk bơnai [u hơmâo, rơkơi hơdui tu\ mă taih ]om. Pă ]ô ană bă gơ\ pơdơi hrăm hră hyu mă bruă apah mơ\ng arăng:

 

‘’Ană bơnai hyu mă bruă apah, blơi braih huă glăi pơ sang `u mă braih s^ blơi ma túy. Kơnuk kơna djru prăk sang ano\ [un rin ăt `u mă abih mơn.

 

Tơdah hă `u taih ]om [u thâo ano\ kơnang ôh’’.

 

Ơi Sùng A Thọ, Khua git gai ping gah plơi Giang Đông brơi thâo: plơi gơ`u hơmâo 168 boh sang ano\, kơnong 4 boh sang ano\ đô] huăi [un.

 

Mơnuih [on sang mơ\ng kual gah kơdư adih nao do\ pơ plơi anai, djă ba tơlơi răm [ăm hot jrao laih anun ngă kơ lu mơnuih gơ` hrom, gơ`u s^ mơdrô ma túy.

 

Ră anai, amăng plơi hơmâo na nao hơdôm pluh ]ô gơ` hot jrao, [ing anun yơh juăt hyu dop kưp, ngă rung răng plơi pla.

 

Amăng thun anai, kông ang să hơmâo mă 4 wơ\t s^ módrô ma túy mơ\ng 2 hruh truh 1 rơbâo hruh:

 

‘’Tơlơi hot jrao ma túy [u djơ\ lăi phrâo ôh, ngă kơ mơnuih [on sang mơ\ng kual gah kơdư adih, anun yơh nao do\ pơ plơi phrâo gơ`u ăt dop djup, glăi pơ plơi pla hơđăp blơi ba.

 

Ră anai, să hơmâo mă lu mơnuih samơ\ aka [u dưi pơsir khut khăt ôh’’.

 

Ea Đah le\, să kual ataih tơring glông Krông Năng, tơring ]ar Daklak. Hơnong pơhrui r^m thun sa ]ô mơnuih kơnong 25 klăk prăk.

 

Rơbêh 1/3 mrô sang ano\ amăng să jing [un rin. Ơi Đinh Xuân Hạnh, Khua să Ea Đah brơi thâo, tơlơi soh sat ma túy jing ngă kơ lu khua mua ruă ako\ hlao, ngă rung răng hăng na truh tơlơi sat kơ mơnuih mơnam.

 

Khua mua kơnuk kơna hăng lu anom bruă pơtô lăi na nao mơn, jak iâu [ing soh anăm yua hot jrao dơ\ng tah, anăm s^ mơdrô, djup hot jrao ma túy ôh, samơ\ aka tu\ yua ôh:

 

‘’Tơlơi ]rih ]ruai mơnuih mơnam amăng plơi, s^ mơdrô ma túy ]a ]ot ngă sat kơ tơlơi suaih pral, drơi jăn pran jua lu sang ano\, rơkơi bơnai bơdjơ\ sao, ană bă [u dưi nao hrăm hră.

 

Khua mua gong gai kơnuk kơna [uh laih mơn tơlơi anun, gơmơi ăt kơtưn pơtô lăi tơlơi pơglăi sat mơ\ng ma túy ngă.

 

Kông ang hyu tir, e\p lăng, gơmơi ngă hrom hyu pơtô pơblang, jak iâu tăp năng mă pơkong [ing ngă soh’’.

 

Tơlơi sat ‘’kơthel ma túy’’ pưh nao pơ plơi Giang Đông, să Ea Đah, tơring glông Krông Năng, tơring ]ar Daklak, jing h^ plơi pla sat răm.

 

Abih bang mrô sang ano\ amăng plơi jing sang ano\ [un rin, lu sang ano\ ]lah ]lap, mut mơnă, tơbiă ngă soh yua ma túy.

Hơdră pơtô pơblang, jak iâu kah hăng [u ba glăi ano\ hơge\t tu\ yua ôh. Yua kơ anun, ia jrao pơpă djru kơ plơi gơ` ma túy Giang Đông anai kiăng bơblih phrâo ta`?

 

 

 

Nay Jek: Pô ]ih hăng pôr