VOV4.Jarai- Thun 2014, hơdôm rơtuh ]ô mơnuih [on sang [ơi să Nâm N’Jang, tơring glông Dak Song, tơring ]ar Daknông hơmâo pơ]ruh rơbêh 450 klăk prăk pioh ]uk pơkra jơlan glông nao rai pơ plơi pla. Khă hnun, truh ră anai ring bruă anun aka [u tơgu\ mă bruă mơn. Mơnuih [on sang đing đăo hơmâo tơlơi ngă [u rơđah rơđong ôh amăng bruă mă yua prăk mơnuih [on sang pơ]ruh pioh pơkra jơlan glông nao rai.

          Thun 2014, ngă tui hơdră ]uk pơkra jơlan amăng plơi pla, Jơnum min mơnuih [on sang să Nâm N’Jang, tơring glông Dak Song, tơring ]ar Daknông hơmâo pơtô lăi, jak iâu, pơtô brơi mơnuih [on sang hơdră pơ]ruh prăk kăk pioh ]uk pơkra jơlan glông nao rai amăng plơi pla tui hăng  ano\ ngă “Kơnuk kơna hăng mơnuih [on sang ngă hrom”.

            Tơdơi kơ jơnum bưp nao rai pơ]rông sai h^ tong ten, lu sang ano\ mơnuih [on sang ruah Khul mă bruă pơkra jơlan hơmâo 3 ]ô laih anun tu\ ư h^ blung a sa boh sang ano\ pơ]ruh 3 klăk prăk. Laih jơlan pơkra giong le\, tui hluai đơ đam lo\n hmua mơng djop sang ano\ ngă, anet [udah prong le\ pha ra sang ano\ pơ]ruh [iă lu ăt pha ra mơn. Kơnong amăng [iă hrơi blan đô], djop sang ano\ plơi thôn 10 [ơi să hơmâo pơ]ruh laih 450 klăk prăk pioh djru hrom hăng kơnuk kơna tuh pơ alin ]uk pơkra jơlan nao rai amăng plơi pla. Samơ\ truh ră anai, dua ]răn jơlan anun ăt aka [u tơgu\ mă bruă pơkra glăi ôh, nao rai tơnap tap biă mă. Ơi Hoàng Quốc Hùng do\ pơ să Nâm N’Jang, tơring glông Dak Song, tơring ]ar Daknông hil biă `u lăi:

            Pơ]ruh sui thun laih tui anun mơ\, ră anai prăk kăk gơmơi [u thâo pơpă `u nao, pơpă `u do\ ôh. Jơlan nao rai ăt do\ dơlut, tơnap tap rô nao rai kah hăng anai. Kâo kơnong ]ang rơmang ngă hiư\m pă gong gai kơnuk kơna khom pơsir brơi kơ gơmơi, tơdah hơmâo prăk kơnuk kơna le\, gơmơi ăt pơ]ruh hrom kơnuk kơna mơn pioh pơkra jơlan nao rai. Tơdah [u hơmâo ôh le\, brơi mơnuih [on sang rơkâo glăi prăk pơ]ruh, pioh gơmơi pơ]ruh glăi dong hăng pơkra mă pô.

            Tui hăng ako\ bruă  dưi hơmâo jơnum min mơnuih [on sang să Nâm N’Jang pơsit dong mơng thun 2012, ring bruă pơkra jơlan nao rai amăng plơi pla thôn 10 hăng thôn 11 abih tih ano\ glông ataih 2,2 Km; prăk tuh pơ alin abih tih le\ 3 klai 400 klăk prăk, amăng anun, kơnuk kơna djru 65%, do\ glăi mơnuih [on sang djru prăk hăng pran jua mă bruă. Yua prăk kơnuk kơna aka [u pơpha trun, anun ring bruă ăt do\ aka [u mă bruă.

            Tui hăng mơnuih [on sang pơhing lăi, mrô prăk anun yua mơnuih [on sang pơ]ruh, arăng mă yua soh glăi hăng ano\ kiăng laih. Bơ tơlơi pơsit mơng anom bruă hơduah e\p mơng tơring glông Dak Song le\ brơi [uh: kơplah wah thun 2014 mrô prăk mơnuih [on sang pơ]ruh 450 klăk prăk hơmâo ba glăi pơ să Nâm N’Jang laih, samơ\ truh abih thun 2015, să phrâo nao nôp giăm 270 klăk prăk kơ rơnoh prăk mơit pơ anih sang bruă prăk gah đang hmua hăng plơi pla tơring glông Dak Song. 200 klăk prăk do\ glăi, să Nâm N’Jang jao kơ anom bruă Kông ty tuh pơ alin Vạn Tín Phát do\ pơ Buôn Ma Thuôt, tơring ]ar Daklak ]an mă hlâo dong mơng blan 5 thun 2014, lơ\m anun hră pơkôl mă bruă aka [u k^ ôh. Samơ\ ơi Nguyễn Văn Phò, Kơ-iăng khoa tơring glông Dak Song, tơring ]ar Daknông ăt lăi le\:

            Laih nao e\p lăng bruă wai lăng rơnoh prăk mơng mơnuih [on sang pơ]ruh, să nao nôp pơ sang bruă hơjai prăk kơnuk kơna. Pơ anăp anai, Jơnum min mơnuih [on sang tơring ]ar pơpha rơnoh prăk le\ amra djru kơ plơi thôn 10 hăng thôn 11 să Nâm N’Jang pioh kơ mơnuih [on sang ngă hrom bruă pơkra jơlan glông nao rai [ơi plơi pla anai.

            Tui anun yơh, mrô prăk 450 klăk prăk yua mơnuih [on sang să Nâm N’Jang, tơring glông Dak Song pơ]ruh rơbêh 2 thun hăng anai dưi mă yua hiư\m pă “Bruă jơnum min mơnuih [on sang să Nâm N’jang jao brơi kơ anom bruă tuh pơ alin mă bruă ]an tu\ hlâo 200 klăk prăk lơ\m aka [u k^ hră pơkôl mă bruă djơ\ hă soh”? Hơdôm tơlơi lu\k pu\k aka [u rơđah rơđong anai kiăng hơmâo djop anom bruă kơnuk kơna hơmâo tơlơi dưi tơring ]ar Daknông khom hơduah e\p ngă pơ rơđah h^ ta`.

             Nay Jek: ]ih hăng pôr