VOV4.Jarai - Tơdơi kơ 3 blan pok pơhai bruă hyu tir wai lăng, pơhlôm hơđong [ơi jơlan glông, rơnuk rơnua mơnuih mơnam amăng tơring c\ar Daknông hơmâo pơplih klă tui; tơlơi truh [ơi jơlan glông plai [iă hăng hro\ trun rơbêh 40%.

Bruă blung hlâo hăng na nao amăng 3 blan pok pơhai hyu tir wai lăng, pơhlôm hơđong [ơi jơlan glông, rơnuk rơnua mơnuih mơnam amăng tơring c\ar Daknông le\ pơtrut kơtang bruă pôr pơhing, pơtô pơblang tơlơi phiăn pơhlôm [ơi jơlan glông brơi abih bang mơnuih.

Gah rơngiao kơ mông hyu pơtô ba lơ\m pơ[ut ană plơi pla, tơhan pôlih pơgang jơlan glông hơmâo nao tơl sang, truh pơ plơi pla hro\m hăng tha plơi, mơnuih arăng đăo gơnang hyu ba hră pơ-ar hăng pơtô pơblang tơlơi phiăn pơhlôm [ơi jơlan glông.

Tui hăng Thượng uý Trương Đình Linh, gru\p tơhan pôlih pơgang jơlan glông gah Kông ang tơring glông Dak Glong, tơring c\ar Daknông, bruă hyu pơtô pơblang kiăng jê| hăng plơi pla laih dơ\ng tơlơi thâo hluh mơ\ng ană plơi pla.

‘’Đing nao bruă hrưn đ^ tơlơi thâo hluh brơi mơnuih [on sang, [iă mă `u le\ mơnuih djuai ania [iă. Tơlơi bơwih [ong huă kơ mơnuih [on sang amăng tơring c\ar do\ tơnap tap, yua anun yơh bruă pơtô pơblang hăng bruă hyu tir wai lăng pơhrua hro\m hăng pơtô ba hơmâo gru\p tơhan pôlih pơgang jơlan glông đing nao.

Yua anun yơh boh than ba glăi amăng bruă ngă hơđong [ơi jơlan glông [ơi tơring glông amăng hrơi blan rơgao ăt hơmâo pơhlôm klă biă mă’’.

Ơi K’Biêng do\ [ơi să kual ataih Quảng Khê, tơring Dak Glong brơi thâo, yua kơ hơmâo tơhan pôlih pơgang jơlan glông nao tơl sang pơtô pơblang anun yơh neh met wa hrưn đ^ tơlơi pơmin lơ\m đuăi rơdêh [ơi jơlan glông.

‘’{ing tơhan pôlih pơgang jơlan glông rai tơl pơtô pơblang kâo lăng djơ\ biă mă hăng thâo hluh rơđah dơ\ng kơ Tơlơi phiăn pơhlôm [ơi jơlan glông kiăng tơdơi pơtô glăi ană bă hu\i kơ hơmâo tơlơi truh [ơi jơlan glông kah hăng ngă hu\i rơhyưt kơ ană plơi pla.

Kâo hok mơ-ak biă mă yua kơ thâo hluh rơđah dơ\ng kơ Tơlơi phiăn pơhlôm [ơi jơlan glông hăng mơ\ng anai pơ anăp amra ngă tui djơ\ Tơlơi phiăn [ơi jơlan glông’’.

Hro\m hăng bruă pơtrut kơtang hyu pơtô pơblang, amăng 3 blan pơphun bruă anai, tơhan pôlih pơgang jơlan glông, Kông ang tơring c\ar Daknông hơmâo pơ[ut mơnuih apăn bruă, gơnam tam măi mok kơtưn hơdôm bruă hyu tir, wai pơgang, pơsir kho\p [ing hlơi ngă soh.

Mơ\ng anun [uh, ngă hră pơ-ar phăk rơbêh 20.000 wo\t, hơmâo tơlơi pơsit phăk 17.677 wo\t, nô|p sang keh prăk kơnuk kơna  giăm 8,3 klai prăk.

Mơ\ng tong krah blan 7 truh pơ plah blan 10 rơgao, amăng đơ đam tơring c\ar Daknông [uh 14 wo\t tơlơi truh [ơi jơlan, ngă 12 c\ô mơnuih djai hăng 6 c\ô mơnuih rơka rơkac\. Pơhmu hăng tơđar thun hlâo hro\ trun 32 wo\t, 8 c\ô mơnuih djai hăng 36 c\ô mơnuih rơka rơkac\.

Hro\m hăng bruă pơhlôm rơnuk rơnua [ơi jơlan glông, amăng blan pơphun bruă mă anai, tơhan pôlih pơgang jơlan glông gah Kông ang Daknông ăt abih pran jua gơgrong, dec\ hmar, pơc\eh phrâo pơkơdo\ng glăi [ing ngă soh ba glăi boh tu\ yua.

Thiếu tá Phạm Văn Tuấn – Kơ-iăng khoa tơhan pôlih pơgang jơlan glông mrô 2, Anom bruă tơhan pôlih pơgang jơlan glông Daknông, ră ruai glăi lơ\m hyu mă [ing kle\ do\p rơdêh thut.

‘’{ing gơmơi glăk hyu tir wai lăng [ơi să Quảng Tín, tơring glông Dak Rlâp laih anun hơmâo tơlơi lăi pơthâo mơ\ng mơnuih [on sang le\ phrâo rơngiă rơdêh thut Vision kô|.

{ing gơmơi pơphun hyu e\p, truh 3 mông 15 mơnit [uh 1 c\ô mơnuih đ^ rơdêh hru\p hăng rơdêh rơngiă, laih anun [ing gơmơi kiăo tui hăng rơkâo pô đ^ rơdêh do\ glăi.

Pô anai [u tu\ ôh hăng đuăi h^. {ing gơmơi hơmâo pơpha kiăo tui mă tuc\ rơnuc\ kho\m dưi mă pô anai hăng rơdêh thut’’.

Bơ Trung tá Dương Phan Trường, Khoa Gru\p tơhan pôlih pơgang jơlan glông gah Kông ang tơring glông C|ư\ Jut brơi thâo:

 ‘’Truh 7 mông 30 mơnit mơmo\t lơ 23/7/2018, lơ\m glăk hyu tir wai lăng, [ing gơmơi [uh hăng mă pơko\ng 1 c\ô mơnuih hăng rơdêh thut yua kơ pô anai kle\ [ơi tơring glông Ea Kar, tơring c\ar Daklak. {ing gơmơi hơmâo jao glăi pơ kông ang tơring glông Ea Kar pơsir tui tơlơi phiăn.

Amăng 3 blan pok pơhai bruă ngă pơhlôm [ơi jơlan glông, rơnuk rơnua mơnuih mơnam amăng tơring c\ar Daknông, tơhan pôlih pơgang jơlan glông hơmâo [uh, mă pơko\ng 18 c\ô mơnuih ngă soh hăng [u djơ\ tơlơi phiăn, mă pơko\ng 11 c\ô mơnuih, pơhrui lu gơnam yua ngă sat.

Mơ\ng anai truh pơ rơnuc\ thun, amăng tơring c\ar Daknông pơphun lu hrơi jơnum, ngui ngor anun le\ hơdor glăi 15 thun hrơi ako\ pơjing tơring c\ar Daknông, Jơnum gru grua rơwơi mơ`am Việt Nam tal sa, Hrơi kơphê Việt Nam tal 2, Jơnum sang c\ơ s^ mơdrô jar kơmar Việt Nam – Kur thun 2018 …

Trung tá Vũ Tiến Thuỳ - Kơ-iăng Khoa anom bruă tơhan pôlih pơgang jơlan glông gah Kông ang tơring c\ar Daknông brơi thâo, hro\m hăng bruă jơnum ngui ngor, anai le\ hrơi blan giăm abih thun, rơdêh đuăi nao rai kah hăng bruă bơwih [ong huă, s^ mơdrô lu biă mă.

Bruă pơhlôm hơđong [ơi jơlan glông hăng pơgăn [ing ngă soh kiăng kơđiăng.

‘’{ing gơmơi hơmâo đing nao pơphô bruă ako\ pơjing hơdôm kơc\ăo bruă gơgrong pơgăn hơdôm tơlơi ngă soh [ơi jơlan glông.

Git gai [ing anom bruă, [ing tơhan kiăng đing nao amăng bruă pơtô pơblang brơi [ing c\ơđai sang hră kah hăng am^ ama gơ`u; pơ[ut mơnuih apăn bruă, gơnam măi mok kah hăng pơsir abih bruă ngă soh bơdjơ\ nao tơlơi truh [ơi jơlan glông’’./.

 Siu Đoan: Pô c\ih hăng pôr