VOV4.Jarai - Mơguah tom brơi, lơ 17/3 Jơnum min djop djuai ania mơnuih mơnam dêh čar Việt Nam tơring čar Daknông pơphun Jơnum Bơkơtuai tal 2 kiăng tŭ ư hrom hră čih anăn hơdôm mơnuih tơbiă anăn kơ khua pơ ala mơnuih ƀôn sang dêh čar tal 15 hăng Jơnum min pơ ala mơnuih ƀôn sang rơwang bruă 2021-2026.

Amăng mông jơnum bơkơtuai tal 2, ƀing khua pơ ala tŭ ư hrom pel ĕp hră čih anăn, hrơi tơkeng, tơlơi hơdip, bruă mă mơng mơnuih tơbiă anăn hăng rŏng tơbiă mă anăn pô kơ khua pơ ala mơnuih ƀôn sang dêh čar tal 15 hăng khua pơ ala Jơnum min pơ ala mơnuih ƀôn sang tơring čar rơwang bruă 2021-2026. Hăng mơnuih tơbiă anăn kơ khua pơ ala Jơnum min pơ ala mơnuih ƀôn sang tơring čar, rơwang bruă 2021-2026, jơnum hmâo tŭ ư čih anăn 96 čô mơnuih tơbiă anăn (21 čô mơnuih djuai ania ƀiă, 3 čô mơnuih tui đăo, 10 čô mơnuih gah rơngiao kơ Ping gah, 36 čô mơnuih hlăk ai, 31 čô mơnuih tơbiă glăi anăn). Amăng mông Jơnum Jơnum min djop djuai ania mơnuih mơnam dêh čar Việt Nam tơring čar Daknông ăt hmâo pơtô brơi laih Jơnum bư̆p mơnuih ƀôn sang ƀơi anih dô̆ hăng mơnuih tơbiă anăn hăng rŏng tơbiă mă anăn pô kơ khua pơ ala mơnuih ƀôn sang dêh čar hăng khua pơ ala Jơnum min pơ ala mơnuih ƀôn sang tơring čar, rơwang bruă 2021-2026. Tui hăng tơlơi pơkă, bruă pơphun amrra dưi pơphun mơng lơ 21/3 truh lơ 13/4 pơ̆ anăp./.

Siu H’ Prăk: Pô pơblang