VOV4.Jarai - Ƀơi să Yên Bài, tơring glông Ba Vì, ƀon prong Hà Nội, Ding jum ling tơhan phrâo pơphun ngă tui jơlan hơdră pla 1 klai phun kyâo mơtah - “Yua sa Việt Nam mơtah”. Pơ ala kơ Ping gah Ling tơhan, Ding jum Ling tơhan, Thượng tướng Phan Văn Giang kiăng abih bang anom bruă ling tơhan ngă klă hloh dong bruă pôr pơhing, pơtô pơblang, ngă tui klă Tơlơi pơtrun mơng Khua dêh čar hăng tơlơi pơtrun mơng Khua ding jum Ling tơhan; pơđĭ tui tơlơi thâo pơmin mơng rim čô khua, ling tơhan, mơnuih ngă bruă pơgang lŏn ia kơ tơlơi gêh gal prong hăng anŏ yôm mơng bruă pla kyâo, pla glai, pơgang glai, pơjing anih hơdip hiam, plai ƀiă bưp tơlơi pơplih ayuh hyiăng. Kiăng hơdôm abom bruă khul ling tơhan pok pơhai bruă pla kyâo, pla glai tui hăng akŏ bruă 5 thun 2021-2025.

Thượng tướng Phan Văn Giang gum pla kyâo tơdơi hrơi pơphun bruă.

Siu H’Mai: Pơblang