VOV4.Jarai-Tlam mơmŏt lơ 28/5, laih mă ia khak ba pơčrang, anom bruă ĕp kman duăm ruă CDC tơring čar Gia Lai hơmâo ƀuh 1 čô mơnuih ƀă kman sars-cov-2 ƀă mơ̆ng Hà Nội. Rơđah biă mă ñu, mơnuih ƀôn sang anăn ñu L.H.L thun tơkeng 1977, dŏ pơ tơring kual Kông Chro, tơring glông Kông Chro, Gia Lai.

Pô anai tom jĕ giăm mơnuih ƀă kman ñu lĕ F1 mơ̆ng pô ruă ƀă kman Covid 19 mrô 5410. Giong arăng hơduah ĕp tui kru, CDC Gia Lai hơmâo pơtong glăi 18 čô mơnuih F1 hăng 95 čô mơnuih F2 mơ̆ng pô anai. Ră anai, hơdôm ƀing arăng jŭ yap anun brơi dŏ pơčlah abih laih djơ̆ tơlơi phiăn; laih dơ̆ng hơdôm anih pô ƀă klin anun dŏ arăng brơi krư̆ bah amăng sang sĭ mơdrô pơtum lu mơnuih, brơi pruih ia jrao pơdjai kman.

Khua mua git gai bruă pơhlôm pơgang klin Covid 19 Gia Lai rơkâo djop anom bruă, tơring glông khom pơđĭ tui bruă mă pơhlôm, pơgang klin; ăt sem lăng tong ten abih bang ƀing glăi mơ̆ng anih hơmâo klin, wơ̆t ƀing mơnuih kơhnâo kơhnăk djru bruă hai, mơnuih dêh čar tač rơngiao dŏ mă bruă amăng tơring čar, hơmâo hơdră ĕp mă ia khak ia bah ba pơčrang kman hăng pơgang pơhlôm tong ten hŭi ƀă klin.

Nay Jek: Pơblang