VOV4.Jarai- Hơdôm thun laih rơgao, hro\m hăng bruă pơđ^ kyar bơwih [ong huă, anom bruă mơng Binh đoàn 15, Ding jum ling tơhan gir pơđ^ kyar hơdôm boh anih hrăm hră, sang hră [ơi hơdôm grup pơkra gơnam tam kơtoai guai Pơngo\ C|ư\ Siăng.

Tơlơi anai [u kơnong ngă gêh gal kơ ană bă [ing mă bruă dưi nao sang hră đôc\ ôh mơ\ djru hơkru\ kjăp anih mơnuih [on sang do\ [ơi guai lo\n ia, ngă pơnăng pơgăn kjăp guai lo\n ia.

Khă mơng bơyan pơdơi sang hră, samơ\ hơdôm anih muai [ơi sang hră Phan Đăng Lưu, plơi Goòng, să Ia Puch, tơring glông C|ư\ Prông (Gialai) ăt c\ơđai tlao hao hac\.

Yua dah, [ing c\ơđai [ơi anai lêng kơ ană bă [ing công nhân, mơnuih mă bruă gah grup pơkra pơjing gơnam tam mrô 14,15 hăng 19 kông ti Bình Dương, Binh đoàn 15.

Hrơi am^ ama [ing c\ơđai do\ ngă bruă na nao le\, lơ\m anun [ing c\ơđai ăt nao pơ sang hră mơ\n.

Ayong Lê Văn Hoàn, công nhân pơgang lo\n ia grup 15, kông ti Bình Dương brơi thâo, rơgao mơng anai hơdôm thun, ană bă `u nao hrăm hră ataih biă truh kơ 14 km jơlan lo\n c\i nao pơ să Ia Puch, tơring glông C|ư\ Prong.

Amăng bơyan hơjan, lơ\m tơdrông toa ia dăo h^ amăng ako\ bơyan hơjan, hơdôm pluh c\ô c\ơđai kho\m pơdơi sang hră yơh, hrăm hră pơdơi h^ mơ-ai.

Lu sang ano\ amra pioh ană pơ sang kơnung djuai ataih [udah pơdơi bruă nao do\ pơ pơko\n dong yơh kiăng ană bă hrăm hră amu` [iă.

Khă hnun hai, dong mơng thun 2013 truh ră anai, lơ\m sang hră hơmâo ako\ pơdong, abih bang c\ơđai mơng 6 blan truh 6 thun lêng hrăm [ơi sang hră giăm grup pơkra gơnam soh yơh.

Tơlơi anai djru `u hăng lu mơnuih mă bruă hơđong pran, gir bơwih [ong pơlir hơbit hăng anom bruă. Ayong Lê Văn Hoàn brơi thâo:

‘’Mă bruă [ơi anai, ană bă hơmâo anih wai c\ơđai, hơmâo sang hră, [ing nai pơtô ba klă biă.

Khă mơng kual asuek, kual ataih, tơnap tap samơ\ Hrơi Jar kmar pioh kơ [ing c\ơđai, [ing nai ăt pơphun ngui ngor hăng [ing c\ơđai mơ\n, tui anun kâo hơđong pran jua laih c\i mă bruă [ơi anai’’.

Sang hră muai Phan Đăng Lưu, grup 15, kông ti Bình Dương, Binh đoàn 15

Ră anai, Kông ti Bình Dương hơmâo man pơdong 13 boh anih wai c\ơđai, 4 boh sang hră muai hăng 4 boh sang hră gưl sa [ơi 11 grup pơkra gơnam tam.

Ri\m thun, mrô sang hră anai hơmâo c\ơkă 400 c\ô c\ơdai anet le\ ană bă [ing công nhân, mơnuih mă bruă amăng kông ti nao hrăm.

Abih bang c\ơđai hrăm anih muai lêng do\ glăi [ong huă pơ sang hră. Hro\m hăng anun, hơdôm boh sang hră hơmâo djo\p mơta gơnam c\i pơtô tui hăng tơlơi phiăn mơng Ding jum pơtô pơjuăt.

Kơnong thun 2017, kông ti blơi phrâo hăng pơkra ming sang hră rơbêh 2 klai 500 klăk prăk.

Amai Nguyễn Thị Kim Duyên, nai pơtô anih muai [ơi grup pơkra gơnam 15 brơi thâo: Anih anom kjăp hiam [ơi hơdôm anih pơtô c\ơđai djru [ing nai pơtô hơđong pran jua ngă bruă mơ\n:

‘’Kông ti ngă gêh gal pok sang hră muai pơhlôm klă hiam, khă bưp lu tơnao tap amăng bruă pơtô blang, samơ\ yua tơlơi hiam klă kơ [ing c\ơđai, ta le\ pô ngă nai, jing [ing gơmơi gir ngă giong bruă arăng jao wai lăng, c\em rông pơtô ba [ing c\ơđai [ơi anai djo\p mơta tơlơi hiam klă hloh’’.

Man pơdong sang hră kơtoai grup pơkra gơnam djru hơđong kjăp anih plơi pla do\, hơđong kjăp rơnuk rơnua lo\n ia

Rơngiao mơng bruă tuh pơ alin man pơdong anih hrăm, sang hră, kông ti Bình Dương gơ`ăm nao blơi hnă gơnam, pơkra ming jơlan nao rai, apui lơtrik, man pơdong sang ia jrao tơhan mơnuih [on sang c\i wai lăng tơlơi suaih pral kơ [ing mă bruă.

Rôk tui 12 km jơlan guai lo\n ia, [u kơnong hơmâo phun kơsu mơtah [lip đôc\ ôh mơ\, ră anai hơmâo anih plơi pla do\ lu biă, hơmâo apui yua, jơlan hiam, sang ia jrao jing pơnăng pơgang kjăp guai lo\n ia.

Trung tá Nguyễn Phúc Khính, Khoa Kông ti Bình Dương, Binh đoàn 15 brơi thâo:

‘’Ngă tui jơlan hơdră ba mơnuih [on sang nao do\ pơ guai lo\n ia jing anih plơi pla do\ hơđong, ngă pơnăng pơgang guai lo\n ia, [ing gơmơi pơsit, kiăng mơnuih mă bruă pơlir hơbit hăng kông ti, anom bruă le\ kho\m gleng nao tơlơi hơdip mơda [ing gơ\.

Ană bă [ing công nhân lêng kơ hrăm hră, hră truh anih laih anun hơmâo wai lăng ba tơlưoi suaih pral kah am^ ama [ing c\ơđai mơng hơđong pran jua ngă bruă sui thun hăng anom bruă’’.

Hơdôm [ut sang hră mơng kông ti Bình Dương, Binh đoàn 15 hơmâo man pơdong kjăp hiam

Hơdôm bruă ngă hiam klă mơng Kông ti Bình Dương, Binh đoàn 15 [ơi kual guai lo\n ia Gialai djru yôm biă mă amăng bruă pơhlôm rơnuk rơnua lo\n ia [ơi tơring ]ar.

                                                                Siu H’Mai: Pô c\ih hăng pôr