VOV4.Jarai - Rơbêh kơ sa thun je# hăng anai, [ơi tơring ]ar Gialai hmâo laih 2 mơta tơlơi klin ruă le\ bơbrah rơkông đok hăng Covid-19. Amăng tơlơi klin ruă ngă, hơdôm rơtuh ]ô mơnuih apăn bruă, mă bruă ia jrao [ơi anai hmâo rơkâo mă pô nao mă bruă hơdôm hrơi Tết amăng kual klin ngă, ngă tui bruă hyu hơduah e\p mơnuih bơdjơ\ nao mơnuih [a\ djơ\ kơman, pơ]rang lăng hăng pơjrao brơi kơ mơnuih ruă. Truh ră anai, phun `u tơlơi ruă bơbrah rơkông đok hăng Covid-19 [ơi Gialai dưi wai lăng laih lu mơnuih ruă hmâo pơjrao suaih.

Sa hrơi pha ra hăng wa Mười, pô ruă tal 1719 (67 thun [ơi [u\t mrô 4, phường Cheo Reo, plơi prong Ayun Pa), yua kơ `u dưi hmâo Khua sang ia jrao mă yua lom kiăng pơjrao mơnuih djơ\ kơman Covid-19 tơring ]ar Gialai [ơk hră tu\ yap pơjrao suaih, kiăng tơbiă mơng sang ia jrao. Wa Mười brơi thâo, hơdôm hrơi blung a nao pơ\ sang ia jrao, `u pơ-iă drơi jăn, drơi jăn dlêh glar hăng bral bơngat dong. ~u dưi hmâo [ing ơi nai ia jrao [ơi sang ia jrao pơjrao brơi hăng tơ`a bla na nao, pơtrut pơsur pran jua, anun wot tơlơi suaih pral hăng pran jua hơđong laih. Dưi pơwo\t glăi hăng sang ano#, wa Mười mơ-ak biă hăng ol kơdol pran jua:

“Kâo dưi mơ`um ia jrao, vitamin C, mơguah le\ phang pơ-iă hăng pơhra\m drơi jăn. Kâo jai hrơi hmâo pran hloh [u [uh dleh glar dong tah. {ing ơi ia jrao hmâo pioh laih pran jua pơjrao brơi kơ kâo, djru kâo, kâo bơni [ing ơi ia jrao”.

Gru\p hyu e\p mơnuih bơdjơ\ nao mơnuih [a\ kơman mơng ơi ia jrao Lê Văn Vinh nao pơ\ hmua e\p mơnuih hăng ba hơdôm F1 nao pơ\ kual ]ơlah đuăi hơbit

Kiăng pơhlôm tơlơi suaih pral mơng mơnuih ruă kah hăng wa Mười hăng wai lăng [u hmâo klin Covid-19 lar tưp hyu amăng mơnuih mơnam, hmâo laih giăm truh 1 blan hăng anai, ơi ia jrao Lê Văn Vinh (gah Anom wai lăng tơlơi duam ruă tơring ]ar Gialai) dưi iâu nao pơ\ kual klin ngă plơi prong Ayun Pan hyu hơduah e\p mơnuih bơdjơ\ nao mơnuih [a\ kơman. Ơi ia jrao Vinh brơi thâo, khă tơhrơi [udah mơmăm mơmot, tơdah hmâo bôh tơhnal kơ pô [a\ kơman Covid-19, gru\p mơng `u leng kơ nao e\p lăng hăng ba abih mơnuih F1 nao pơ\ anih ]ơlah đuăi hơbit. Tal blung a, gru\p bưp [u [ia\ ôh tơlơi tơnap yua kơ neh wa hmâo tơlơi pơmin alah biă ]ơlah đuăi, bơngot hu^ ara\ng pơpe\ đuăi, bruă hyu hơduah e\p mơnuih bơdjơ\ nao mơnuih [a\ kơman khom nao hrom hăng pơtrut pơsur, lăi pơhing, pơblang brơi kiăng mơnuih [ôn sang thâo hluh hăng ro\ng ngă tui. Amăng hơdôm mông kiăng, sa hrơi hmâo lu mơnuih ruă, [udah hơdôm hrơi [ing F1 nao mă bruă [ơi đang hmua ataih mơng sang rơbêh kơ pluh rơwang km, [u dưi lăi pơthâo hăng telephone, gru\p hyu hơduah e\p khom yua tơdăng rơdêh thek pơhiăng gơnam tam mă mơng đang hmua mơnuih [ôn sang kiăng găn ia, găn dlai klô hyu hơduah e\p mơnuih. Bruă mă amra truh kơ mơguah hrơi tơdơi:

“Kâo ăt pơsur mơn adơi ayong le\ bruă mă anai do# sui dong, hơdôm hrơi anai [u hmâo hlơi phrâo [a\ djơ\ kơman klin ôh, [ing ta ]ih pioh [u dưi lui raih ôh. Lom hmâo mơnuih ruă [a\ kơman le\, [ing gơmơi amra nao mơtăm yơh”.

Gru\p pơ]rang lăng kơman mơng amai Nguyễn Thị Ngọc Châu mă ia khak ia adung pơ]rang lăng kơman Covid-19 amăng sa hrơi kiăng pơhlôm thâo ta` 

Hrom hăng gru\p hyu hơduah e\p mơnuih bơdjơ\ nao mơnuih [a\ kơman mơng ơi ia jrao Vinh le\, gru\p pơ]rang lăng amai Nguyễn Thị Ngọc Châu (tơkeng thun 1990, gah sang ia jrao mă yua lom kiăng pơjrao mơnuih ruă [a\ kơman Covid-19 Gialai ăt glăk mă bruă kơtưn đ^ mơn amăng kual klin ngă plơi prong Ayun Pa. Amai Châu brơi thâo, kiăng djơ\ hăng bruă pơ]rang lăng kơman hơdôm rơbâo ]ơđeh ia khak ia adung 1 hrơi, hơnong `u, `u hăng [ing go\p `u khom mă mơng 200 truh kơ 400 ]ơđeh ia khak ia adung amăng sa hrơi. Mut amăng kual hmâo klin ngă akă thâo hrơi hơpă dưi tum jơnum sang ano#, samơ\ amai Châu ăt rơnăk mơn kơ pô tơlơi mơ-ak hăng pran jua gơgrong mơng mơnuih mă bruă ia jrao:

“Hơdôm hrơi hmâo klin ngă kơtang, [ing gơmơi khom ngă ta`, mă bruă truh 11 mông, 12 mông mlăm, asơi huă ăt [u hmao mơn. Hmâo hơdôm wot, pô [u dleh tơnap đơi, ataih mơng sang ano# samơ\ lăng glăi hmâo hơdôm mơnuih [ôn sang mlăm 30 Tết ăt khom do# glăi [ơi kual ]ơlah đuăi, [u djơ\ kơ drơi pô ôh [ong Tết ataih mơng sang pô. Lom kâo buh ao blu ko#, hrom hăng [ing go\p mă bruă abih pran jua kiăng ngă giong bruă hmâo jao”.

Hơdôm rơbâo mơnuih bơdjơ\ nao mơnuih [a\ kơman Covid-19 [ơi Gialai dưi ]ơlah đuăi, bơwih brơi gah ia jrao

Ră anai, [ơi 5 bôh tơring glông, plơi prong hmâo klin Covid-19 ngă [ơi Gialai glăk hmâo giăm truh 300 ]ô mơnuih mă bruă gah ia jrao [ơi anai hăng hơdôm pluh ]ô mơnuih mă bruă ia jrao mơng Đà Nẵng, hơdôm bôh Anom kơsem min klin ruă Dăp Kơdư, Anom kơsem min Pasteur Nha Trang, Anom Pasteur [ôn prong Hồ Chí Minh, Sang ia jrao Chợ Rẫy ([ôn prong Hồ Chí Minh) glăk djru tơring ]ar guang dar kual, pơgăn klin.

Ơi Ia jrao Nguyễn Đình Tuấn, Kơ-iăng Khua Gơnong bruă ia jrao tơring ]ar Gialai brơi thâo, hrom hăng klin Covid-19 ngă, Gialai hmâo găn rơgao laih tal pơgăn klin ruă bơbrah rơkông đok mơng blan 7/2020 truh krah blan 1/2021. Anai leng kơ tơlơi klin ruă hu^ rơhyư\t, amra ngă lar hyu amăng mơnuih mơnam hăng leng kơ hmâo lu [ơi kual neh wa djuai ania [ia\. Yua anun, bruă pơgang guang dar, pơgăn klin mơng hơdôm khul abih pran jua tơnap tap biă. Khă hnun hai, hăng pran jua gơgrong prong hăng pran pơsit [u pioh klin lar hyu amăng mơnuih mơnam, khul ơi ia jrao [ơi anai hmâo pok pơhai laih ha amăng ple\ lu jơlan gah pơsir, yak blung a dưi wai lăng klin ruă laih. Yap truh ră anai, Gialai hmâo pơgăn tu\ yua laih klin ruă bơbrah rơkông đok, tla#o jrao pơgang brơi rơbêh kơ 24 rơbâo ]ô mơnuih [ôn sang, pơjrao suaih kơ 56/57 ]ô mơnuih ruă. Bơ\ hăng klin Covid-19, tơring ]ar hmâo pel e\p pơ]rang brơi rơbêh kơ 47 rơbâo ]ơđeh ia khak ia adung pô ruă [ơi 5 bôh tơring glông, plơi prong:

“Khul ơi ia jrao hmâo mă bruă laih [u yap hrơi mlăm, mă bruă abih pran jua, pioh abih mông pô kơ bruă mă, [u hmâo tết hăng sang ano#. Truh kơ ră anai, phun `u klin hmâo pơgăn laih, samơ\ tơlơi anai ăt akă [u hơđong mơn. Tơlơi anun kiăng khul mă bruă ia jrao khom gir run abih pran jua kiăng ngă hiưm hơpă pơgăn abih klin [ơi tơring ]ar”.

Hơdôm pran jua tuh rơyuh mơng [ing ơi ia jrao [ơi anih klin ngă pơ\ Gialai glăk djru pơgăn klin ruă, pơhlôm tơlơi suaih pral kơ mơnuih [ôn sang [ơi tơring ]ar./.

Nguyễn Thảo: Pô ]ih – Siu H’ Prăk: Pô pơblang