VOV4.Jarai - Mơguah tom brơi, lơ 15/3, Anom bruă wai lăng jơlan glông tơring čar Gialai pơphun mông ngă lơphet pok pơhai bruă hyu pơtô pơblang, lăi pơthâo tơlơi phiăn brơi ƀing hlăk ai mơnuih djuai ania ƀiă huăi mơgăt rơdêh đuăi kơtang amăng jơlan glông mơng anun pơgăn hŭi kơ hơmâo tơlơi truh sat amăng jơlan glông ƀơi kual mơnuih djuai ania ƀiă amăng tơring čar. Tui hăng Anom bruă wai lăng jơlan glông tơring čar Gialai, kơnong amăng 2 blan akŏ thun anai, ƀơi tơring čar ƀuh 56 wŏt pơjrŏm rơdêh ngă djai 46 čô mơnuih hăng lu mơnuih rơka rơkač.

Ha mơkrah bruă pơjrŏm rơdêh  lĕ yua ƀing hlăk ai mơnuih djuai ania ƀiă mơgăt rơdêh. Anom bruă wai lăng jơlan glông tơring čar Gialai brơi thâo tal hyu pơtô pơblang, lăi pơthâo tơlơi phiăn brơi ƀing hlăk ai mơnuih djuai ania ƀiă thâo hluh rơđah dong, mơng anun ngă tui djơ̆ tơlơi phiăn lơ̆m mơgăt rơdêh đuăi amăng jơlan glông pơhlôm rơnuk rơnua, hơđong amăng plơi pla, kual mơnuih djuai ania ƀiă dŏ hơdip, biă mă ñu lĕ amăng jơlan tuh kơsu prong găn nao rai kual dŏ hơdip.

Siu Đoan: Pơblang