VOV4.Jarai - Tơdơi 24 hrơi rơgao, hơdôm bôh anom bruă, khul grŭp mơng Kông ang tơring čar Gialai hmâo ngă giong laih hră pơ-ar pơsit hră căn cước klă čip điện tử brơi rơbêh kơ 120 rơbâo čô mơnuih. Hrom hăng anun, khul kông ang hmâo laih lu tơlơi gir run amăng bruă lăi pơhing, pơđĭ tui bruă bơwih brơi kơ mơnuih ƀôn sang.

Truh abih lơ 24/3, hăng bruă mă yua 29 bôh măi yua kơ Ding jum kông ang pơsit brơi, 18 bôh anom phun mơng Kông ang tơring čar Gialai hmâo ngă giong laih hră pơ-ar pơsit hră căn cước hlă čip điện tử brơi rơbêh kơ 120 rơbâo čô mơnuih. Hrơi hmâo lu mơnuih hloh, hơnong ñu hơdôm anom bruă dưi ngă 338 pok hră căn cước sa măi sa hrơi, hloh kơ tơhnal ba tơbiă 38 pok hră căn cước sa măi sa hrơi. Amăng anun, kông ang hơdôm bôh tơring glông Čư̆ Păh, Čư̆ Sê, Kbang, Krông Pa, Phú Thiện, Ia Pa, Mang Yang… lĕ hơdôm bôh anih anom hmâo mrô pơsit hră căn cước lu hloh./.

Siu H’ Prăk: Pô pơblang