VOV4.Jarai-Plơi Yam pơ tơring kual Ia Kha, tơring glông Ia Grai, tơring ]ar Gialai hmư\ hing jing anih juăt rung răng gah kơđi ]ar, tơlơi rơnuk rơnua, [ing ngă fulro hơđăp hăng [ing đăo soh Tin lành Đê Ga pơtrut pơsur ană plơi, brơi đuăi nao pơ dêh ]ar ta] rơngiao ]a ]ot.

Hăng tơlơi gir run mơ\ng djop anom bruă kơđi ]ar plơi pla, tơring glông, plơi Yam glăk rơnuk rơnua hơđong glăi yơh, mơnuih [on sang gleng nao bruă pưk hmua, pla pơjing pơđ^ kyar bơwih [ong huă, hrưn đ^ pơklaih mơ\ng tơlơi ư\ rơpa.

Hmư\ hiăp [ing soh sat plư, jing [ing ngă fulro, [ing đăo soh Tin lành Đê Ga do\ pơ dêh ]ar ta] rơngiao, thun 2015, Ksor Win hrom hăng pă ]ô tơdăm amăng plơi Yam, tơring kual Ia Kha, tơring glông Ia Grai đuăi nao pơ dêh ]ar Kur tơguan arăng nao tu\ mă ]i nao pơ ]ar Mi.

Samơ\, truh pơ lo\n pha ia pơko\n, plơi pla dêh ]ar arăng kah `u mơ\ng thâo hơmâo [ing soh sat plư ba.

Sa thun tơdơi kơ anun, abih grup gơ`u [u hơmâo bruă mă, [u hơmâo prăk kăk, gơnam [ong huă, do\ kơdop amăng glai klô, amăng rơnưh do\ jăng jai pioh kơ mơnuih đuăi dêh ]ar ta] rơngiao.

Hơdôm hrơi blan ataih mơ\ng sang ano\, rơngôt hning kơ ană bơnai [u hơmâo pô lăng ba, Ksor Win hơ[lo\k biă mă hăng thâo hluh dlam yơh tơlơi pơluk mơgu, tơlơi soh ta pô.

Ksor Win buh ao ju\ ră ruai kơ hrơi blan `u jrôk jơlan, kiăo tui tơlơi đăo soh Tin lành Đê Ga, nao pơ dêh ]ar ta] rơngiao

Blan 7 thun 2015, Ksor Win hăng [ing gop `u glăi yơh. Dơ\ng mơ\ng sa ]ô mơnuih le# luh [ong ia bah, liah ia mơdung arăng, ră anai Ksor Win jing mơnuih ba gru hlâo mơtam, pơtô lăi ană plơi pla, plơi Yam thâo hluh tơlơi soh sat [ing đăo soh Tin lành Đê Ga:

‘’Hlâo adih hơmâo mơnuih mơ\ng ]ar Mi pơtrut pơsur brơi ta nao. Samơ\ lơ\m truh pơ ]ar Kur [u hơmâo pô nao tu\ ta ôh.

Abih bang [lor soh, [u djơ\ kah hăng gơ`u lăi ôh. Tơdah ta thâo hnun, ta nao ngă hơge\t, lui h^ ană bơnai, am^ ama ta.

Ta do\ pơ sang ano\ mă bruă pưk hmua đô]. Lơ\m ta glăi pơ plơi, khua mua kơnuk kơna ăt rai pơ sang ano\ tơ`a bla, pơtô lăi gir mă bruă bơwih [ong đô], anăm pơmin tơlơi hơge\t ôh, anai le\ lo\n ia ta pô’’.

Plơi Yam hơmâo 190 boh sang ano\ djuai ania Jarai. Thun 2004, [ơi anai, hơmâo ha mơkrah mrô sang ano\ tui đăo soh Tin lành Đê Ga jing h^ anih rung răng bruă kơđi ]ar.

Ơi Rmah Thê, Khua git gai ping gah plơi Yam lăi, sui mơ\ng anai hơdôm thun pơklôn adih, [ing đăo soh Tin lành Đê Ga juăt pơtum jơnum, pơtô lăi, pơ]ut pơ]ao, brơi ană plơi hiăp sat kơ [ing apăn bruă kơnuk kơna, ngă rơngiă tơlơi mơak, rung rang biă mă.

{u djơ\ kơnong hnun ôh, [ing anai, plư ană plơi, brơi đuăi nao pơ ]ar Mi adih, pơtrut pơsur lu khul tơdăm dra đuăi nao pơ dêh ]ar ta] rơngiao ]a ]ot.

Lu biă mă thun 2015, amăng anun hơmâo 8 ]ô tơdăm dra đuăi nao pơ dêh ]ar Kur. Lu sang ano\ lui pưk sang đang hmua, [u mă bruă bơwih [ong huă ôh.

Plơi pla Jarai do\ tong krah tơring glông Ia Grai, samơ\ hơmâo truh 90% boh sang ano\ [un rin.

Kiăng djru ană plơi thâo hluh tơlơi plư ple] mơ\ng [ing đăo soh Tin lành Đê Ga, ơi Rmah Thê hrom hăng tơhan kông ang tơring kual laih anun [ing khua mua amăng plơi nao tơl sang phang tơl adring pơtô lăi, pơblang tong ten kiăng ană plơi thâo hluh tơlơi sat mơ\ng [ing ayăt rong plư:

‘’Djop anom bruă khul grup mơnuih mơnam wơ\t khua mua amăng plơi pơtô lăi, anăm hmư\ hiăp [ing soh sat plư, arăng pơ]ut pơ]ao ta đô].

Nao pơ dêh ]ar Mi [u djơ\ lăi amu` ôh. Arăng hơmâo prăk kah dưi nao. Ta do\ pơ sang ano\ bơwih [ong huă, mă bruă pla kơphê, rah pơdai, e\p prăk [ong huă rông sang ano\ đô] be\’’.

Khut khăt pơkơdong glăi hăng [ing ngă Fulro laih anun Tin lành Đê Ga, hơdôm thun rơgao, Jơnum min mơnuih [on sang tơring kual Ia Kha ako\ pơjing grup hyu pơtô lăi mơnuih [on sang.

Tui hăng anun, jơnum plơi, pơ]râo rơđah bruă ngă soh glăi mơ\ng [ing jrôk jơlan, đuăi nao pơ dêh ]ar ta] rơngiao laih anun thâo hluh rơđah bruă ngă mơ\ng [ing Fulro, Tin lành Đê Ga hăng tơlơi hơdip mơda pơ dêh ]ar ta] rơngiao.

Dơ\ng mơ\ng anun djru mơnuih [on sang thâo hluh tơlơi djơ\, tơlơi dlăi, kiăng răng kơđiăng hăng tơlơi plư mơ\ng [ing soh sat.

Ră anai, r^m ]ô khua apăn bruă amăng tơring glông, plơi pla, khom krăo lăng mơ\ng 1-3 ]ô mơnuih, jing [ing đăo Tin lành Đê Ga.

{ing ding kơna amăng grup juăt hyu tơ`a bla, pơtô lăi  djru ba sang ano\ [ing anun hrưn đ^ bơwih [ong huă.

Thun 2017, khul khua mua hơmâo djru ba 66/85 ]ô mơnuih khom lui h^ tơlơi đăo soh anăn Tin lành Đê Ga, ba 21 ]ô hơmâo anăn khom wai lăng, pơtô lăi [ơi anăp ană plơi pla.

Ơi Cao Minh Quyết, Khua kông ang tơirng kual Ia Kha, tơring glông Ia Grai brơi thâo:

‘’Thun 2017, [ing gơmơi lăi pơthâo hăng khua mua tơring kual pok 2 anih pơtô lăi kơ 21 ]ô mơnuih ngă soh anun.

Thun anai, gơmơi klah ]un bruă mă 6 blan ako\ thun amăng bruă anai. Amăng anun hơmâo 7 ]ô ngă tui klă.

Thun anai, gơmơi lo\m lui anăn 3-4 ]ô mơnuih amăng hră krăo lăng pơtô lăi na nao’’.

Hăng hơdră pơđ^ tui tơlơi kơtang mơ\ng djop anom bruă kơđi ]ar, tơring kual Ia Kha glăk pơtrut kơtang bruă mă lom lui tơlơi đăo soh Tin lành đê Ga [ơi tơring glông anai.

Nay Jek: Pô c\ih hăng pôr