VOV4.Jarai - Phun akha Sang bruă pơđoh apui yua lŏn ia ta hăng Grŭp wai lăng rơwang bruă hơdôm ring bruă apui yua kual Tŏng krah dêh čar pơphun pơkă glông hrĕ apui lơtrik 500 kV glông hrĕ apui 3 Dốc Sỏi – Pleiku 2, črăn găn Gialai hmâo rơwang ataih rơbêh  kơ 41 km găn 3 bôh tơring glông Čư̆ Pah, tơring glông Ia Grai hăng plơi prong Pleiku, hăng 99 bôh anih anom pơdŏng gŏng apui. Kiăng pơhlôm bruă pơkra klă, Sang bruă apui lơtrik Gialai amra pơdjai apui glông hrĕ 110kV mơng anom pơkĕ apui 500 kV Pleiku nao pơ̆ anom 110 kV Diên Hồng amăng hơdôm hrơi anai. Sang bruă apui lơtrik Gialai brơi thâo, anom hmâo pok pơhai laih jơlan gah pơkĕ apui brơi rơbêh kơ 200 rơbâo bôh sang anô̆ mơnuih ƀôn sang ƀơi 9 bôh tơring glông bơdjơ̆ nao. Jơlan hrĕ apui 500 kV 3 Dốc Sỏi – Pleiku 2 lĕ ring bruă phun kiăng kơtưn bôh thâo glông pơđoh apui lơtrik dêh čar. Pơkă hlâo, lơ 31/3, ring bruă amra pơkra giong./.  

Siu H’ Prăk: Pô pơblang