VOV4.Jarai-Tal blung a, mơnuih ngă hmua să Ia Piơr, tơring glông }ư\ Prong, tơring ]ar Gialai ngă hră blơi tơbâo a`rong mơ\ng kông ty djet ia tơbâo pơkra sik Daklak bưp tơlơi tơnap amăng bruă blơi tơbâo a`rong.

Bơyan phang truh laih, lu đang tơbâo apui [ong, samơ\ bruă hyu blơi tơbâo mơ\ng sang măi sư\ rơbư\, ngă kơ mơnuih ngă hmua răm [ăm kơtang biă mă.

Lăng nao kơ đang tơbâo apui [ong abih, ơi Phùng Văn  Hương, do\ pơ să Ia Piơr, tơring glông }ư\ Prong, tơring ]ar Gialai, brơi thâo, pran jua sang ano\ `u tuh rơyuh amăng sa thun anai rơngiă soh sel yơh.

Abih bang 8 ektar đang tơbâo sang ano\ `u apui [ong pôt kơnong amăng ha tlam đô]. Tơdơi kơ sa wơ\t hrơi tơjuh laih apui [ong, 8 ektar đang tơbâo sang ano\ ơi Hương ăt aka [u hơmâo mơnuih nao blơi lơi, khă `u hơmâo hơduah djop jơlan kiăng lăi pơthâo hăng khua mua sang măi giăm anun:

‘’Sang ano\ gơmơi hơmâo 8 ektar tơbâo apui [ong abih. Tơbâo apui [ong abih djơh hăng anai, krô abih laih, sang măi lăi le\ răm hiư\m pă thơ anun, [u rai blơi ôh tơbâo ană plơi, lui soh đô] yơh, tơbâo krô abih laih, ră anai djet [u hơmâo ia ôh.

Tơbâo apui [ong

Prăk kăk ]an ling tuh pơ alin abih kơ đang tơbâo baih, ră anai apui [ong abih rơngiă soh sel đô].

 }ang rơmang khua mua pơ dlông hơmâo hơdră djru kơ ană plơi, thun anai [u hơmâo tơlơi mơak [ong têt dong tah’’.

Dơ\ng mơ\ng blan 11/2017 truh ră anai, [ơi să Ia Piơr, tơring glông }ư\ Prong hơmâo na nao apui [ong đang tơbâo, giăm 80 ektar, răm [ăm [u [iă ôh kơ mơnuih [on sang, anun lu sang ano\ ngă hmua rơngiă abih.

  Tơbâo khiă apui [ong

Lu đang tơbâo [u thâo s^ dong tah. Ơi Nguyễn Xuân Lộ, Khua plơi, thôn Yên Hưng, să Ia Piơr, brơi thâo, bơyan phang truh laih, amu` biă mă apui [ong đang tơbâo;

 sit hơmâo apui [ong đang tơbâo rôk hyu prong biă mă [u anăm hơprah ôh, yua dah hla tơbâo krô kơpal, hơmâo angin kơtang bơyan puih phang, apui jă [ong rôk ta` biă mă.

‘’Hơmâo apui [ong le\, khua mua amăng să iâu [ing tơhan plơi, mơnuih [on sang nao djru hơprah apui samơ\ [u anăm ôh yua apui [ong kơtang đơi.

Apui [ong kơtang, jơlah apui hlia pơngo\, rôk truh pơ đang pơko\n baih, tơl ba nao wơ\t rơdêh kai, măi [ôp ia bruih, pơgiăng kơthung tơnô ba pơ]ruih apui ăt [u anăm lơi’’.

Bơyan tơbâo thun 2017-2018, să Ia Piơr, tơring glông }ư\ Prong mơnuih [on sang pla năng ai 350 ektar đang rơbâo, lu hloh klâo wơ\t pơkă hăng thun hlâo.

Yua hơge\t mơnuih [on sang khin tuh pơ alin pla tơbâo le\, yua kông ty pơ]ruh ngăn tơbâo sik Daklak phrâo pơdong sang măi pơ tơring glông Ea Sup, giăm hăng tơring glông }ư\ Prong, tơring ]ar Gialai, k^ hră pơkôl blơi abih tơbâo mơnuih [on sang să Ia Piơr.

Tơbâo apui [ong koh pơdă lui aka [u hơmâo pô blơi

Khă hnun, tui hăng yă Nguyễn Thị Trúc, thôn Yên Hưng, să Ia Piơr, tơring glông }ư\ Prong le\, truh bơyan koh tơbâo, sang măi hyu blơi tơbâo rơnang rơne đô]\.

Tơl đang tơbâo apui [ong hai, bruă hyu blơi tơbâo ăt rơnang rơne\, dit dut đô], anun đang tơbâo mơnuih [on sang apui [ong jai hrơi prong.

Kơnong sang ano\ [ing bơn yă Trúc hơmâo 5 ektar đang rơbâo apui [ong h^ samơ\ [u [uh sang măi nao blơi ôh, gơ`u rơngiă soh sel hơdôm rơtuh klăk prăk.

‘’Tơdah sang măi blơi hmao kru, mơnuih [on sang hmao mơn tla hnưh 150 klăk prăk ]an mơ\ng sang măi, ta [u dong hnưh lu ôh, anai rơngiă soh sel 200 klăk prăk.

Ră anai, sang măi aka [u rai blơi mơn, jai kraih lu hnưh, rơngiă abih bang mơtam, sa thun mă bruă tah tơkai hơdai tơngan soh. Sang ano\ hning biă mă, hơdôm hrơi hăng anai [u hor đuăi hyu ôh’’.

Tui hăng yă Bùi Thị Hồng Thắm, Kơ-iăng khua să Ia Piơr, tơring glông }ư\ Prong, hlâo adih, mơnuih [on sang amăng să ngă hră pơkôl hăng sang măi pơkra sik Ayun Pa, sang bruă pơ plơi prong Ayun Pa, Gialai djop bruă ăt klă soh mơn.

 Mông anai, thun hlâo, sang măi ngă pơgiong laih bruă hyu blơi tơbâo mơ\ng mơnuih [on sang.

Samơ\ bơyan anai, tal blung a mơnuih [on sang k^ pơkôl hăng kông ty pơ]ruh ngăn tơbâo sik Daklak, bruă blơi tơbâo tơnap tap biă mă.

Kông ty anai, kơnong ngă hră hăng mơnuih ngă hmua mơ\, [u ngă hră gơgrong hăng khua mua să ôh anun yơh tơnap tap pơsir tơlơi truh hơmâo.

                        Tơlơi bơngơ\t apui [ong đang tơbâo jai hrơi lu yua dah truh bơyan phang laih

‘’Sang măi Ea Sup ngă hră hăng ană plơi pla mơtam yua kơ anun tơlơi răm [ăm kơ mơnuih [on sang prong biă mă, tơbâo apui [ong djơh hăng anai samơ\ khua mua să tơnap biă mă pơsir kơđi hăng kông ty.

Tơdah gơ`u kơnang kơ khua mua amăng să, lơ\m ngă hră pơkôl pơkă hăng mơnuih [on sang, khua mua amăng să thâo, hơge\t tơlơi gun amu` mơn pơsir.

Samơ\ sang măi [u kơnang kơ khua mua amăng să ôh’’.

Mă bruă gleh glar abih ha thun, jik rok pơgang đang tơbâo kiăng hơmâo lu ia tơbâo, samơ\ ră anai mơnuih ngă hmua pla tơbâo [ơi să kual giăm guai dêh ]ar ]i Ia Piơr, tơring glông }ư\ Prong, Gialai anai glăk do\ dong kah hăng [ơi jơlah apui.

Hrom hăng nua tơbâo trun dơ\ng, đang tơbâo apui [ong na nao. Lơ\m anun, bruă hyu blơi tơbâo mơ\ng sang măi ngă dit dut, kaih biă mă anun mơnuih [on sang jai kraih bơngơ\t lu.

Nay Jek: Pô ]ih hăng pôr