Tơlơi ngă yang kiăo tui tơlơi phiăn sô̆ ia amăng bơyan bơnga, laih anun jing bruă yôm pơphun brơi jơlan hơdră “Tơlơi ngui ngor čuă lăng anih đưm Pác Bó” thun 2023. Tơlơi phiăn sô̆ ia amăng akŏ thun phrâo jing gru hiam hơmâo djuai anai Tày, Nùng ƀơi lu anih pơ Cao Bằng djă pioh laih anun bruă sô̆ ia dưm ƀơi pra yang hơ-ŭ kơ Khua mir sir Hồ Chí Minh hơmâo neh met wa pơphun ngă amăng lơ 1 blan 2 (blan ta) mơng đưm hlâo laih.

Nao lăng tơlơi ngui ngor glăi čuă anih đưm Pác Bó thun 2023, ƀing tuai hơmâo lăng tơlơi adoh suang djă gru djŏp djuai ania ƀơi tơring glông Hà Quảng; ngui tơlơi ngui đưm kah hăng tung còn, lảy cỏ, đĭ gai sưng, rơbat hăng jep rơnap...; ƀong huă, nao lăng anih pơdă eng ao mơñam hăng lu bruă ngui ngor mơ-ak pơkŏn dong mơng djuai ania ƀơi anai.