Tơlơi jơnum ngui anai hơmâo ba pơdah 12 boh kơdung blôm prong khinh khí cầu, amăng anun 10 boh bơwih brơi ƀing tuai apah đĭ ngui, lông hyu ĕp lăng amăng ngŏ lŏn glai, 2 boh pioh pơdă lui ƀơi tơdron lăk 10/3 plơi prong Ƀuôn Ma Thuôt. Sa wơ̆t đĭ amăng 5-10 mơnit, por đĭ pơngŏ 50 met, rơnoh prăk apah mơ̆ng 140 rơbâo truh 800 rơbâo prăk.

Him lăng amra čih pơkra 1.500 pok wĕ. Hrŏm hăng bruă pơpor đĭ pơgiăng tuai ĕp lŏn glai, ƀing tuai amra ngui hrŏm, ƀong huă hăng adoh suang gru grua amăng tơring. Tơring čar pơphun lu bruă mă, tơlơi ngui ngor gru grua hiam, pơrơguăt drơi jăn, atông čing suang arap, adoh suang ƀơi jơlan plơi prong, pơdă rup, sĭ mơdrô mơnong ƀong huă jơman, kiăng akŏ pơjing anih ngui ngor brơi kơ ƀing tuai mơak, djă jă gru grua hiam đưm ƀơi kual Dap Kơdư.