Amăng 4 hrơi pơdơi pơdă čơkă mơak Hrơi akŏ pơdong kơnuk kơna lŏn ia thun anai yap mơ̆ng lơ 30/8 truh lơ 2/9/2025, tơring čar Dak Lak hơmâo čơkă giăm 100.000 wơ̆t tuai mut hyu ngui hăng pơdơi pơdă, amăng hơmâo 44.000 wơ̆t tuai dŏ glăi ƀơi sang jưh tuai, lơ̆m anun hơmâo 1000 čô tuai dêh čar tač rơngiao.

Rơnoh prăk pơhrui glăi him lăng truh 160 klai prăk. Pơkă hơnơ̆ng sang jưh tuai hơmâo tŭ jum amăng đơ đam tơring čar lĕ 55%, kơnong kơ sang jưh tuai, homestay giăm ia hang rơsĭ hơmâo mơ̆ng 80-100%, pơhrui glăi rơbêh 28,5 klai prăk. Ơi Trần Hồng Tiến, Khua Gơnong bruă gru grua Pơrơguăt drơi jăn hăng Tuai čuă ngui tơring čar Dak Lak brơi thâo, amăng mông pơdơi pơdă anun, tơring čar hơmâo pơphun lu bruă mă mơak, gru grua hiam, adoh suang, pơrơguăt drơi jăn kiăng pơhưč tuai rơnguai hyu ngui mơak.