Găn rơgao 80 thun, Gong phun jua pơhiăp dêh čar Việt Nam hmâo jing laih gơyut juăt biă hăng plơi pla Dap Kơdư. Ƀu kơnong kơ ba truh tơlơi pơhing phrâo, hơdôm tơlơi adôh đưm, er adôh, hmư̆ hơdôm jơlan hơdră mơ̆ng Gong phun jua pơhiăp dêh čar Việt Nam ôh mơ̆, ñu dô̆ djru neh wa hmâo dong bôh thâo tơjŭ pla, čem rông hlô mơnong, pơgang glai klô, djă pioh phiăn juăt klă hiam... Kơnang kơ anun, neh wa khin hơtai hrưn đĭ pơjing tơlơi hơdip mơda phrâo trơi pơđao, yâo mơ-ak.

Neh wa djop djuai ania ƀiă Dap Kơdư lăng Brô̆ kah hăng gơyut jê̆ giăm mơ̆ng pô. Tha plơi Y Thành 68 thun, (să Hra, tơring čar Gia Lai) ol kơdol pran jua lăi pơthâo:

“Rơgao kơ brô̆ mơ̆ drơi pô kâo dưi hmư̆ đok Pơđok tơlơi lăi pơtŏng rơngai lŏn ia mơ̆ng Wa Hồ amăng thun 1945. Sit nik ol kơdol pran jua biă! Ăt kơnang kơ radio mơ̆ lơ 30-4-1975, mơnuih ƀôn sang thâo Kual Dơnung dêh čar dưi tlaih rơngai. Lơm anun ƀing gơmơi ƀơi kual ngă hơkrŭ, lơm hmư̆ hing abih bang ană plơi brơhao mơ-ak, rơnuk rơnua... Dua dong lĕ kâo dưi hmư̆ Brô̆ Gong phun jua pơhiăp dêh čar Việt Nam hmâo tơlơi Bahnar, Jarai, Hơdang hăng sa dua tơlơi djuai ania pơkon... kâo mơ-ak biă lơm bôh pơhiăp djuai ania pô dưi djă pioh, pôr đĭ hăng dlông pôr lŏn ia. Gong phun jua pơhiăp dô̆ pơtô brơi neh wa rông hlô, tơjŭ pla, pơdŏng tơlơi hơdip phrâo... Drơi pô kâo juăt hmư̆ laih anun lăi pơthâo glăi kơ neh wa hơdôm tơlơi klă dưi hmư̆ mơ̆ng Brô̆”./.