Tơring čar Lâm Đồng glăk ječ ameč prăp rơmet, pok prong anih dưm pơdă bơnga hăng ngui ngor gru grua, adoh suang. Čơkă jơnum ngui Festival, truh kơ mông anai, rơbêh 70 boh să, phường mơ̆ng Lâm Đồng pơphun bruă “Djŏp mơnuih pla bơnga, djŏp sang pla bơnga, phun kyâo mơtah čơkă Festival Bơnga Đà Lạt tal 11 - thun 2026”.

Kơnong hơdôm boh phường amăng Đà Lạt glăk prăp rơmet lu glông jơan bơnga, pơhrup hiam, kiăng pơjing anŏ mơtah mơda, hơdjă rơgoh kơ plơi prong čơkă tuai Đà Lạt. Festival bơnga Đà Lạt 2026 ăt hơmâo pơčeh lu tơlơi phrâo mơn, kah hăng pơmut hrŏm bơnga hăng yŭ goong brô̆ hluai tui hơdôm jơlan hơdră, mông jơnum: “Kơnuih bơnga”, “Yŭ mơak goong brô̆ mut hrŏm bơnga Đà Lạt”; “Yŭ goong brô̆ hăng Bơnga”. Ơi Đinh Văn Tuấn, Kơ-iăng khua jơnum min mơnuih ƀon sang tơring čar Lâm Đồng brơi thâo, bruă pok prong anih pơphun ngui, hơmâo lu mơnuih nao lăng, čang rơmang ngă hmư̆ hing hloh kơ Festival thun anai./.