Kơnong kơ rơbêh 2 blan, hăng tơlơi gir run mơ̆ng ƀing khua, mơnuih dăp hơdră pơhing, ƀing kĭ sư hăng mơnuih apăn bruă măi mok pôr pơhing mơ̆ng Gong phun jua pơhiăp Việt Nam ječ ameč čih pơkra không ngă bruă, ruah mă hơdôm tơlơi adoh, pơkra giong măi mok pôr pơthâo, prăp rơmet kơ sa anih pơtui jua pơhiăp phrâo, anih tơlơi adoh, er goong brô̆ mơak dưi pơtruh, ngă pơhưč pran jua mơnuih pơhmư̆. Mơ̆ng hơdôm tơlơi adoh er goong brô̆ mơak amăng mơguah blung a pơtui jơlan hơdră “Jua mơñi yang hrơi”, truh kơ yŭ, er goong brô̆ hmư̆ hing đưm adih mơ̆ng “Giai điệu huyền thoại - Jing yŭ er hmư̆ hing kơđŏm amăng pran”, ƀudah anih hmư̆ arăng atông goong brô̆, adoh amăng jơlan hơdră “Sang adoh hơmâo yŭ goong brô̆” - Concert Hall, rim jơlan hơdră anai leng kơ hơmâo anŏ mơak phara ñu.

Kiăng hơdôm yŭ er goong brô̆, tơlơi adoh thính phòng, Jazz ƀu kơnong mơñi amăng anih pĕ atông goong brô̆ đôč ôh, ăt hơmâo hmư̆ amăng tơlơi hơdip rim hrơi; kiăng rim čô mơnuih dưi hmư̆, ĕp lăng anŏ mơak, anŏ hiam mơ̆ng yŭ goong brô̆, mơ̆ng anun juăt hmư̆, laih anun ngă bơmơak pran jua. Anun jing yom mơ̆ VOV Sonata FM89 anăp kiăng ngă - kiăng hơdôm anŏ yom gru grua hơđong kjăp amăng mơnuih tơpuôl. VOV Sonata FM89 pôr pơhing 24/24 (hrơi mlăm) mơtăm yơh amăng plang FM 89 MHz.