Festival ia rơsĭ Khánh Hòa thun pơ anăp, him lăng ba akŏ boh pia hrŏm lĕ “Pă bơyan pơtruh nao rai-Bă blai sa tơlơi đăo kơnang”. Rĭm kơ bơyan festival hơmâo dơ̆ng sa akŏ boh pia phara hơjăn : “Bơyan bơnga ba tơlơi tơphă ia rơsĭ”, “Ia rơsĭ iâu bơyan pơdơi prong mơak”, “Bơyan akŏ puih boh troh mih” hăng "Bơyan puih phang ngă pơđao pran jua đĭ da gla kơñ”.

Rĭm kơ bơyan, tơring čar him lăng ruah mă sa tơlơi ngui ngor ƀudah bruă ngă ba gru hlâo amăng kual ia rơsĭ ngă anŏ đing nao phun. Bruă pơphun tơlơi jơnum ngui Festival ia rơsĭ kiăo tui abih amăng pa bơyan, sa tơlơi čang rơmang či pơhưč kơ bruă tuai čuă ngui laih anun pôr pơthâo rơnoh yom gru grua hiam, anih anom hyu ngui, ĕp lăng amăng plơi pla, anih hyu ngui ter hang ia rơsĭ thâo pơčeh phrâo ngă mơak pran jua ƀing tuai rơnguai; pơtrut pơsur djop sang bruă mơdrô hăng khul mơnuih ngă hrŏm pơkra ming gơnam sĭ mơdrô, bơwih bơwăng lir hơbit hăng bruă tuai čuă ngui. Thun anai, Festival ia rơsĭ Khánh Hòa pơphun amăng blan 7 laih rơgao hơmâo pơhưč truh 800.000 wơ̆t tuai hyu ngui, prăk pơhrui glăi him lăng truh 1.300 klai prăk.