Amăng mông mơnit mơak čơkă Hơkrŭ blan čơpăn tŭ yua thun 1945 hăng anŏ kiăng hơmâo rơnuk ngă sang rơnang ngă hmua kơ djuai ania ta đưm adih, hơmâo pơdah thâo gru grua hiam bruă mă mơ̆ng djop djuai ania ƀơi Gia Lai hrŏm hăng amăng dêh čar pơƀuh brơi bruă mă pơgang tơlơi rơngai kơ dêh čar.

Biă mă ñu, jơlan hơdră adoh suang anăn “Wa Hô hơdip na nao hăng kual Dap Kơdư”, hơmâo pơdah thâo hră mơ-it mơ̆ng Wa Hô, brơi ba nao tal jơnum gum pơgôp djop djuai ania ƀiă kual dơnung ƀơi Plei Ku thun 1946, hrŏm hăng rup Wa Hô arăng pơdah thâo amăng kual čư̆ siăng, glai klô, rup ƀô̆ mơta pĕ tlao mơak kah hăng dŏ lăng tui anŏ pơblih phrâo mơ̆ng Gia Lai ră anai. Pơđut jơlan hơdră adoh suang hơmâo lu hơdră adoh suang ƀing tơdăm dra hlăk ai rơnuk anai tui hơdră phrâo anăn “Glăi pơ Gia Lai-Dua gah mơta Plei Ku” hăng “Gia Lai-Anih lu ia iom pơtum glăi”, pơdah thâo kual lŏn lăp dŏ hơdip mơda, đĭ kơtang, hik hăk mut phung. Mlam adoh suang lăng mơak, dlưh pran jua, pơpŭ kơ gru grua tơlơi mơak hăng anŏ kiăng hrưn đĭ ta pô kơjăp, hing ang pơdrong sah hrŏm djuai ania ƀơi tơring čar Gia Lai phrâo.