Hơdor glăi tal 77 thun Hrơi pioh kơ tơhan rơka rơkač hăng mơnuih pơsăn drơi jăn kơ lŏn ia, mơmŏt lơ 5/8, ƀơi sang adoh suang prong Hà Nội, Khul djru ba sang anŏ mơnuih pơsăn drơi jăn yua kơ lŏn ia Việt Nam, Gong phun pơdah rup mrô VTC, anom bruă Hră pơhing Lao động hăng Xã hội gah Ding jum Bruă mă Tơhan rơka hăng Mơnuih mơnam ngă hrŏm kông ty pơčruh ngăn Pơđĭ kyar pôr tơlơi pơhing Gru grua Việt Nam hăng hơdôm anom bruă pơdjơ̆ nao pơphun hơdră adoh suang anăn “Hơdip na nao hăng lŏn mơnai glai ia dêh čar”.Hơdră adoh suang hrŏm anai anăn “Hơdip na nao hăng lŏn mơnai glai ia dêh čar” dưi pơphun kiăng pơ hơdor glăi bruă ngă hiam hơdor tơngia “Ƀong boh hơdor kơ pô pla, mơñum ia hơdor kơ pô klơi” “Bruă hơdor tơngia tla pran” mơ̆ng djuai ania Việt Nam ta.

Laih dơ̆ng iâu pơthưr djop gưl anom bruă, djop sang bruă kơđi čar, khul mơnuih mơnam, anom bruă mơdrô, mơnuih ƀôn sang amăng dêh čar ăt đing nao djru ba sit nik hơdor tơngia kơ ƀing neh wa amĭ Việt Nam khin hơtai, juăt lăi amĭ VN sông kơtang, ƀing tơhan khi hơtai, sang anŏ hơmâo ngă bruă hơkrŭ. Mơ̆ng anun, pơtô pơhrăm kơ bruă ngă hơkrŭ, pran jua thâo khăp kơ lŏn ia, pơ-ư ang djuai ania laih anun pơđĭ tơlơi pơmin pran jua gơgrong ba mơ̆ng djop gưl čơđai rơnuk anai hăng dĭ da gla kơñ thâo hluh kơ gru grua hiam “Mơnuih ia hơdor kơ pô klơi” mơ̆ng djuai ania Việt Nam.