Tơlơi pơhiăp mơ̆ng Khua dêh čar hăng akŏ ñu “Kơtưn bruă ngă giăng mah gum hrŏm hlom bom Việt Nam-India yua tơlơi rơnuk rơnua, ngă hrŏm hăng pơđĭ kyar amăng kual ia rơsĭ Ấn Độ Dương hăng Thái Bình Dương laih anun đơ đam rŏng lŏn tơnah”. Khua dêh čar kah pơpha 3 mơta boh yôm phun anun lĕ: Tơlơi pơhing amăng rŏng lŏn tơnah hăng amăng kual; Lăng nao kơ bruă ngă giăng mah tong ten hlom bom Việt Nam-India thun blan pơ anăp.

Tui hăng Khua dêh čar dơ̆ng mơ̆ng hơdôm tơlơi pơdjơ̆ hrŏm ƀơi rŏng lŏn tơnah, khom hơmâo tơlơi pơmin lăng nao djơ̆ rơ-ua, abih bang, kiăng djop dêh čar khom sơ̆n pran jua bưp nao rai, bơkơtuai hĭ hăng ngă hrŏm tui pran jua thâo gum pơgôp, tŭ ư sa hnơ̆ng. Amăng anun, tơlơi rô nao rai thâo gum pơgôp, ngă hrŏm giăng mah Việt Nam-India pơđĭ kjăp na nao. Tlam mơmŏt lơ 1/8, rơdêh por pơgiăng khua dêh čar ơi Phạm Minh Chính pơpĕ đuăi laih mơ̆ng plơi prong jưh jom New Delhi, pơđut hiam klă tal nao čuă dêh čar India.