VOV4.Jarai - Hăng pran pơsit bruă kơđi ]ar prong ngă tui hơdôm tơhnal pơkă kơ bơwih [ong – mơnuih mơnam, rơwang bruă 2015-2020, Ping gah să {ar Măih, tơring glông }ư\ Sê hmâo git gai, khua git gai gong gai, mơnuih [ôn sang să ngă tui hrom hrom hăng jơlan hơdră pơkă mơng lo\n ia pơdo\ng plơi pla phrâo hăng tơhnal pơkă pơhro\ trun [un rin. Hơdôm bôh tơhnal dưi ngă brơi [uh să [un rin {ar Măih mơng sa bôh să [un rin mơng tơring glông }ư\ Sê hmâo pơplih laih [o# mơta, tơlơi hơd^p mơda mơnuih [ôn sang ăt dưi pơdah rơđah mơn.

{ơi jơlan tuh [ê tông prong rơhaih, agaih hiam, tha plơi ơi Đinh Hek [ơi plơi Tơ Drăh, să {ar Măih, tơring glông }ư\ Sê, tơring ]ar Gialai mơ-ak brơi thâo: Hăng 8 km jơlan dưi tuh [ê tông, jơlan mut amăng plơi Tơ Drăh giong laih. }ơđai muai hor biă yua kơ [u hmâo [ui hlu\. Mơnuih prong le\ mơ-ak yua kơ hmâo rơdêh thut, rơdêh thek leng kơ dưi đuăi rơra\ng, [u do# glut hlu\ dong tah. Tui hăng tha plơi Đinh Hek, plơi Tơ Drăh hmâo tơlơi pơplih prong prin anai le\ gơnang kơ tơlơi lăng ba, ]râo ba mơng Ping gah să {ar Măih, gru\p ping gah, gong gai plơi hăng tơlơi gum hrom hơbit, ha pran jua mơng mơnuih [ôn sang [ơi anai. Kơnuk kơna mă yua laih ngăn drăp, mơnuih [ôn sang gum hrom pran mă bruă, Tơ Drăh ră anai [u djơ\ kơnong kơ hmâo jơlan nao rai gêh gal ôh mơ\, `u do# hmâo sang jơnum plơi pla, anih anom ngui bơkơja\p drơi jăn… Ană plơi Tơ Drăh [u djơ\ kơnong kơ gêh gal hăng ba glăi bôh tơhnal prong hloh amăng bruă ngă đang hmua ôh mơ\, `u do# hmâo anih anom ngui ngor, bơkơtuai nao rai tơdơi kơ tơhrơi mă bruă gleh glar dong.

“Tơdơi kơ Ping gah, Jơnum min mơnuih [ôn sang să hmâo hơdră pơtrun pơdo\ng plơi pla phrâo, [ing gơmơi gum hrom hăng jơnum min djop djuai ania mơnuih mơnam amăng plơi pla pơsur neh wa anăp nao. Lom mơnuih [ôn sang tu\ ư hrom laih le\, gơ`u djru pran, djru jua, pe\ pha lo\n pioh pơkra jơlan nao rai, ngă ring bruă. Ră anai jơlan nao rai amăng plơi klă hiam, rơgaih hơdjă laih”.

Mơnuih [ôn sang să {ar Măih, tơring glông }ư\ Sê pơkra jơlan nao rai amăng plơi pla  

Pơsit bôh tơhnal pơdo\ng plơi pla phrâo kơnong kơ sit nik dơlăm kơja\p tơdah ngă klă bruă pơhro\ trun [un rin, mơng blan 4/2018, Gru\p apăn bruă Ping gah să {ar Măih hmâo mă yua laih tơlơi pơtrun pơsit kơ pơhro\ trun [un rin, tơdơi kơ anun iâu pơhrui hơdôm ngăn rơnoh djru neh wa [un rin hơdôm hơdră phun pla, hlô rông anun kah mơng pơke\ hăng ano# gal lo\n mơnai mơng plơi pla; djru pla glăi phun kơ phê. Hrom hăng anun, Ping gah {ar Măih do# pơtô brơi hơdôm gru\p ping gah jao bruă kơ hơdôm mơnuih ping gah, wai lăng phun pla, hlô rông ba glăi bôh tơhnal.

Tơdơi kơ 3 thun ngă tui, hmâo laih lu hơdră rông be\ tuh ană hăng phun kơ phê pla glăi, pla pơtơi prang, pla lu mơta phun bôh troh ba glăi lu prăk hơdôm pluh truh hơdôm rơtuh klăk prăk amăng sa thun. Thun 2020, să ngă giong 16/16 tơhnal pơkă mơ\ tơlơi pơtrun pơsit ping gah să ba tơbiă. Amăng anun tơhnal pơkă pơhrui hmâo 190%, hăng 38 klăk prăk sa ]ô mơnuih sa thun. Mrô sang ano# [un rin do# 6,6%, hloh kơ tơhnal pơkă 0,4%. Ơi Đinh Phát, Khua plơi Tơ Drăh, să {ar Măih brơi thâo:

“Gru\p ping gah plơi ]râo ba glông bruă kơđi ]ar wai lăng, gum djru, djru hơdôm bôh sang ano# [un rin. {ing gơmơi hyu lăi pơhing pơsur mơnuih [ôn sang pơplih phun pla, hlô rông; pơplih tơlơi pơmin, hơdră ngă. Ră anai ngă [u kah hăng hlâo adih ôh mơ\, ngă tui glông hơdră pơkă hlâo, kiăng ba glăi bôh tơhnal bơwih [ong prong”.

Ơi Lê Quang Chiến, Kơ-iăng Khua git gai Ping gah să {ar Măih brơi thâo, bruă pơdo\ng Ping gah [ơi plơi pla dưi đing nao na nao. Ră anai, Ping gah să {ar Măih hmâo 161 ]ô mơnuih ping gah, jơnum [ơi 8 gru\p ping gah, amăng anun hmâo 5 gru\p ping gah plơi. Amăng 5 thun rơgao Ping gah să ]râo ba na nao hơdôm gru\p ping gah ngă tui thâo [uh, pơhra\m brơi mơnuih mơbruă, pơmut brơi mơnuih amăng plơi mut ping gah; jao tơhnal bruă rim gru\p ngă tui bruă pơmut mơng 1 ]ô truh kơ 2 ]ô mơnuih mut ping gah le\ mơnuih amăng plơi amăng 1 thun. Bôh nik, truh ră anai, Ping gah să {ar Măih hmâo sut lui laih plơi [u hmâo mơnuih ping gah, pơdo\ng abih bang gru\p ping gah kơ gưl Ping gah. Ơi Lê Quang Chiến brơi thâo:

“Rim thun, [ing gơmơi mă yua tơlơi pơtrun pơsit mă yua hơdôm gru\p ping gah amăng plơi. Rơgao kơ ]râo ba, lăng tui, pel e\p, gum djru, pơtô ba kơ gưl ping gah gru\p, pơdo\ng glông bruă kơđi ]ar jai hrơi kơja\p kơtang. Khă do# lu tơlơi tơnap, samơ\ pơ\ anăp anai, [ing gơmơi ]râo ba dong bruă ]ih pơkra mă yua hơdôm tơlơi pơtrun pơsit, kơ]a\o bruă rim thun pok pơhai truh abih bang gru\p ping gah, mơnuih ping gah hăng mơnuih [ôn sang pioh pơđ^ dlông tơlơi hơd^p mơda pran jua, gơnam tam kơ mơnuih [ôn sang”.

Hơdôm bôh tơhnal dưi ngă amăng rơwang mơng thun 2015-2020 hmâo pơsit laih bruă git gai mơng Ping gah, gong gai, jơnum min djop djuai ania hăng hơdôm khul gru\p să {ar Măih. Biă `u hăng pran jua gum hrom hơbit, tơlơi mut hrom sa jua, pran pơsit mơng mơnuih apăn bruă, mơnuih ping gah hăng mơnuih [ôn sang, Ping gah să {ar Măih amra kơja\p pran yak mut rơwang bruă phrâo hăng hơdôm truh kih phrâo lom ngă tui hơdôm tơhnal pơkă mơng Jơnum Ping gah să tal 13 rơwang bruă 2020-2025 phrâo ba tơbiă./.

            Nguyễn Thảo: Pô ]ih – Siu H’ Prăk: Pô pơblang