VOV4.Jarai-{ing ta phrâo găn rơgao laih sa thun 2020 hăng lu tơlơi lông lăng tơnap tap biă mă, yua bơbe] djơ\ mơ\ng klin kheng Covid 19 ngă laih anun tơlơi truh lo\n adai. Lơ\m tơlơi hơdip mơda ăt do\ lu tơlơi kơ[ah, lu anih tơnap tap, mơnuih mơnam [un rin hning rơngôt le\ hơmâo sa ano\ bơnga] yang hrơi pơ]rang râo pơdưh pran jua ngă bruă khăp pap, djru kơ mơnuih mơnam hơmâo sa tơlơi bơnga] phrâo. Laih anun hơmâo sa khul hlăk ai pran jua kơtang, djru hrom pơtrut tơlơi bơnga] anun amăng [ing tơdăm dra hlăk ai.

Hăng tơlơi hur har khăp kơ bruă, djru mơnuih mơnam tơnap tap, hơtai boh, pran jua kah hăng tu\i apui jă đ^ tơlơi khăp hăng ba glăi tơlơi đăo kơnang amăng lu tơlơi hiam mơak amăng tơlơi hơdip mơda. {rô djơ\ ako\ thun phrâo bơyan phang bơnga mơak, Nam Trang pô ]ih tơlơi pơhing Gong phun jua pơhiăp Việt Nam do\ [ơi kual Dap Kơdư hơmâo bưp laih anun ră ruai glăi gru grua hiam bruă mă djru mơnuih mơnam [ơi Dak Lak, kiăng hmư\ tơlơi gơ`u ră ruai, ba tơlơi tlao mơak arăng pioh kơ [ing gơ`u.

Na nao r^m kơ hrơi tơjuh mơtam, Y Việt Niê, thun tơkeng kơ `u 1987, ră anai do\ mă bruă [ơi sang ia jrao prong tơring glông Krông Năng, pơgiăng nao dơ\ng yơh mơnong [ong, gơnam yua pioh [ơk kơ mơnuih tơnap tap. Tơdah `u hmư\ pơpă thơ hơmâo tơlơi kiăng djru le\, Y Việt Niê ]ih anăn, plơi pla laih anun nao tơl plơi pla tơ`a lăng tơlơi arăng kơ[ah, ano\ kiăng hăng djru hmao kru.

Y Việt Niê [ơk rơdêh tung glung hăng tơngan kơ ]ơđai rơwen rơwo

Y Việt brơi thâo, kiăng dưi hơmâo prăk djru kơ mơnuih tơnap tap, r^m blan `u kle] mă prăk blan `u pô 1 klăk 500 rơbâo prăk, prăk blan aset mơ\n [u lu lơi laih anun jak iâu mơnuih hơmâo pran jua ]ơmah pơko\n djru hrom. Yua kơ anun, hơdôm thun rơgao `u hơmâo djru lu mơnuih ư\ rơpa dưi hơmâo braih huă amăng kơ[ah, hơmâo sum ao amăng hrơi adai rơ-ot, hơmâo rơdêh đ^ kơ [ing mơnuih rơwen rơwo hăng hơdrôm hră kơ ]ơđai [un rin dưi nao hrăm hră…Y Việt pơmin le\, pran jua khăp pap mơ\ `u brơi nao jing sa gơnam djru ngă kơ pô tu\ mă ako\n pơdrong lơi, pô brơi ăt [u jing h^ [un mơ\n:

“Ta [uh lu mơnuih tơnap tap ta djru ba hơmâo [iă đô], bruă ngă anun pran jua ta mơak yơh. Ta hơmâo lu ta djru lu, hơmâo [iă djru [iă. Bruă ngă anun, tơbiă rai mơ\ng pran jua ta pô sit nik”.

Rơbêh 5 thun pơtô hrăm hră [ơi sang hră gưl dua Ngô Mây, să Êa Mdroh, tơring glông }ư\ Mgar, nai pơtô hrăm hră Mai Văn Chuyền thâo hluh dơlăm biă mă tơlơi tơnap tap, kơ[ah mơ\ng [ing ]ơđai sang hră kual ataih anai. Hăng tơlơi ]ang rơmang pơhrua h^ ano\ pleh ploh amăng bruă pơtô hrăm hră kơplah wah kual ataih hăng plơi prong, blan 8 thun 2019, nai Mai Văn Chuyền hơmâo ako\ pơjing khul grup “Yua kơ [ing adơi đeh khăp [u-eng” pioh pơtô thim dơ\ng rơngiao kơ mông hrăm hră sit nik samơ\ [u apah prăk ôh, djru kơ [ing ]ơđai hrăm pơbuă tui kjăp hloh tơlơi hrăm.

Nai Mai Văn Chuyền ( buh ao tơdăm dra mut phung) pơtô hrăm hră [u apah prăk amăng tlam mơmo\t pioh kơ ]ơđai sang hră nao hrăm

Tơdơi kơ grup `u ngă bruă sa thun, pơphun hơmâo 8 boh anih hrăm “Khăp pap” pơtô amăng tlam mơmo\t [ơi 2 boh să Êa Hđing hăng Êa Mdroh. Nao hrăm hơmâo 300 ]ô mơ\ng anih 6-9 kiăng hrăm glăi hơdôm tơlơi hrăm Toán, Ngữ văn, tơlơi Angle hrom hăng hơdôm tơlơi hrăm pơko\n kah hăng: Pe\ gông ghitar, hrăm taih. {u kơnong dơ\ anun ôh, r^m wơ\t hrăm giong, [ing nai pơtô do\ pơtô kơ ]ơđai sang hră hơdră pơphun bruă grup, tơpuôl, adoh suang, pơtop rơjang drơi jăn, hrăm pơhiăp hruaih [ơi anăp mơnuih lu.

Hrom hăng anih hrăm “Khăp pap”, Grup ngă hrom “Yua kơ adơi dêh khăp [u-eng” do\ ba yua Sang thâo rơgơi [ớiă Quảng Hiệp hăng anih pơtô tơlơi Angle, ngă ano\ r^ Cờ vua hăng hơmâo 1000 sop hră djop mơta, djru kơ [ing adơi đeh hrăm rah, ngui rah, pơđok hră, hơdơ\ hor hơduah e\p kiăng thâo r^m rơnu] rơwang hrơi tơjuh.

Khul ngă hrom ăt jak iâu pơdong anih kơ ]ơđai ngui ngor mơak, sang khăp pap, hơdôm hră hrăm, gơnam yua hrăm hră, hơdôm anung gơnam djru, prăk hrăm hră pioh djru kơ ]ơđai sang hră [un rin. Rơbêh 1 thun mă bruă, Khul ngă hrom jak iâu arăng djru 3000 sop hơdrôm hră hrăm, rơbêh 10000 pok hră ]ih hăng lu anung prăk hrăm hră, gơnam djru kơ ]ơđai sang hră [un rin. Yua kơ anun, rơbêh hơdôm rơtuh ]ô ]ơđai sang hră [un rin pơ anai hơmâo tu\ mă laih gơnam drju, hơdră hrăm hră phrâo ba glăi boh tu\ yua mơak hrăm hră. Nai Mai Văn Chuyền Khua khul ngă hrom “Yua kơ adơi đeh khăp [u-eng” lăi:

“Tơlơi kiăng blung a mơ\ng kâo le\ kơnong pơjing rai hơdră hrăm hră kơ adơi đeh ]ơđai sang hră thâo djop tơlơi gơ`u hrăm huăi tơ\i đưn h^. Samơ\ laih ta ngă bruă, jai ngă le\ kiăng bơblih phrâo na nao. Tal blung a kơnong pơtô hrăm hră kah hăng mơ\ng anai pơ klôn đô], pơtô pơhrua tơlơi thâo kơ adơi đeh hrăm tơlơi Angle, pơtô brơi hră hrăm amăng internet, pơtô hơdră do\ dong [ong huă. Mơ\ng anun, [uh tơlơi hrăm hră, pran jua kiăng mơ\ng ]ơđai bơblih lu biă mă. Hăng boh tơhnal anun, sa tơlơi mơak pơtrut pran jua [ing nai pơtô, lu mơnuih hur har djru hrom pơtô hrăm hră gah rơngiao mông hră [u apah prăk”.

Phạm Thành Tuấn jao kơdung hră, gơnam yua hrăm hră hăng ia tơsâo rơmô kơ ]ơđai sang hră kual ataih [ơi Dak Lak

Amăng măi telephôn rơgơi mơ\ng ayong Phạm Thành Tuấn, Khua anom bruă bơwih kơ mơnuih mơnam [ơi Dak Lak, rup mơ\ng plơi pla kual ataih tơnap tap hăng gơnam djru gơ`u pơgiăng nao jai hrơi lu.

Anun le\ rup `u ]ơphil pioh sang joh drung, gut tơmeh, tơ\i bơbung, sang răm laih; rup [ing ]ơđai tơnap tap hmraih [u hơmâo eng ao, yua sang ano\ [un rin, drơi jăn rơ-ot yua găng mă; [ing ]ơđai sang hră [u hơmâo hră pơar, [udah rup mông huă [ong mơ\ng sang ano\ kual ataih asơi [u hơmâo, kơnong hơbơi pơtơi, aka lăi ôh kơ a`ăm mơnong [udah akan hơdang kah hăng [ing do\ pơ [ôn prong, anun le\ mông hă asơi a`ăm mơ\ng sang ano\ mơnuih djuai ania [iă….Hơdôm rup rap anun yơh pơtrut pran jua [ing gơ`u hur har mă bruă, hyu djru tơlơi khăp pap kơ mơnuih tơnap tap.

Hăng tơlơi gơgrong ngă khua kông ty TNHH jơlan dưm hơdrôm hră {uôn Ma Thuôt, Tuấn pơphun lu bruă mă anăp nao kơ kual plơi pla ataih r^m tlam mơmo\t hrơi năm hăng hrơi tơjuh. Hlăk hrơi blan [ă klin Covid 19, Tuấn ngă hrom Khul hlăk ai mut phung tơring ]ar Dak Lak pok pơhai dưm măi ATM braih djru kơ mơnuih [un rin. Mơ\ng măi ATM braih anun dưm blung a [ơi jơlan hơdrôm hră đường sách, kơnong 2 blan Tuấn hơmâo dưm 12 boh măi ATM dơ\ng, pơ lu anih anom phara; djru wơ\t mơnong [ong huă hăng bơnal gôm [o#, ia jrao rao rơgoh kman hăng muk pơgang hu\i djơ\ ia bah sit pơhiăp nao rai kơ mơnuih [ôn sang do\ pơ kual ataih, [ing hyu djru kơ mơnuih [ôn sang kual ataih tơring glông Mdrak.

{u pơdơi dơ\ anun ôh, bruă mă hyu djru tơlơi khăp pap, Tuấn kiăng ako\ pơdong kông ty djru tơlơi khăp pap pioh pơphun bruă mă djru tơlơi khăp pap prong hloh, lu hloh, kiăng ba tơlơi mơak kơ mơnuih mơnam, laih dơ\ng pơphun hyu djru tơlơi khăp pap hơđong kjăp. Laih anun anom bruă djru mơnuih mơnam pơphun ako\ pơdong lơ\m blan 5 thun 2020 tơlơi mơ\ Tuấn kiăng.

Tơlơi tlao hok mơak mơ\ng adơi đeh ]ơđai muai lơ\m tu\ mă hơdrôm hră djru sa tơlơi mơak mơ\ng Tuấn mơ\n

Tui hăng Tuấn, lơ\m pơphun sang bruă s^ mơdrô djru mơnuih mơnam, hơdôm mơnuih ngă hrom `u amra ngă bruă anăp nao kơ bruă djru mơnuih mơnam đô], pơ ala kơ bruă e\p kơmlai kơ hơjăn. Tơdơi kơ 6 blan ngă bruă, anom bruă s^ mơdrô djru mơnuih mơnam mơ\ng Tuấn ako\ pơdong 20 boh anih pơđok hră kơ 20 boh plơi amăng tơring ]ar Dak Lak. Hơdôm boh sang pơđok hră anai hơmâo 500 hơdrôm hră pơđok hăng hơmâo 600 ]ô ]ơđai sang hră juăt pơđok:

“Kâo hrăm tui mơ\ng bruă ngă r^m hrơi kiăng ako\ pơdong sang bruă s^ mơdrô djru kơ mơnuih mơnam sa bruă mă bưng bôt djơ\ ano\ kiăng. Ta [u ngă bruă hơdơ\ kiăng ôh, [u ngă abih bruă ta ruah ôh, kơnong djru kơ bruă pơtô hrăm, kah hăng kơ]ăo bruă nao hrom hăng hơdrôm hră pơar, anun le\ ngă brơi anih pioh kơ ]ơđai ngui ngor pơđok hră. Kâo ako\ pơdong anom bruă blan 5/2020. Tơdơi kơ mơkrah thun mă bruă, kơnong pơphun 2 bruă mă phun anun le\ ba hơdrôm hră truh pơ plơi pla, dua dơ\ng le\ pơjing rai anih pioh pơtruh nao rai tơlơi ngui ngor djru nao rai tơdruă”.

Thâo mơ\n, pơ anai pơ anun do\ lu mơnuih tơnap tap. Samơ\, hăng bruă mă tu\ yua mơ\ng anai pơ klôn, [ing hlăk ai ngă lu bruă hyu djru mơnuih mơnam tơnap tap, kiăng ba tơlơi mơak klă amăng tơlơi hơdip mơda. Bơnga ăt blang, ]uh na nao amăng tơlơi hơdip mơda r^m hrơi, kiăng pơtrut abih bang mơnuih je\ giăm hloh, djru nao rai tơdruă.

Pran jua tơlơi pơđao mơak mơ\ng ană mơnuih kah hăng sa tơlơi bơnga] pơ]rang kơ lo\n adai mut tơma hrom hơbit ba tơlơi hiam mơak kơ kual lo\n Dap Kơdư sa bơyan phang bơyan ]uh blang bang rơđah pran jua trơi pơđao.

Nam Trang: Pô ]ih-Nay Jek-Pơblang