VOV4.Jarai-Tui hăng hơdră pơkă tơlơi pơplông abih anih 12 gưl dêh ]ar ta thun 2017, yua Ding jum pơtô pơhrăm dêh ]ar ta phrâo lăi pơthâo, hơmâo lu tơhnal pơkă phrâo yôm kiăng c\ơđai sang hră nao pơplông thâo hăng amu` hloh ngă tui.

Amăng anun, [ing c\ơđai nao pơplông dưi c\ih anăn dua tơlơi hrăm ruah mă, dưi mă puang mơng tơlơi hrăm anun lu hloh, ruah mă sang hră nao hrăm gưl prong hro\m hăng hrơi mông c\ih anăn nao pơplông laih anun huăi pơkă hơnong mrô tơlơi c\ang rơmang, mrô sang hră c\ih anăn ruah ]i nao hrăm.

Kiăo tui tơlơi pơkă tơlơi pơplông gưl 3 dêh ]ar ta thun 2017, rơgao mơng hơdôm mơta tơlơi hrăm pơplông khom ngă kah hăng Tóan, Ngữ văn, ngoại ngữ, [ing c\ơđai nao pơplông dưi c\ih anăn pơplông tom 2 tơlơi hrăm pơplông ruah mă le\ Khoa học tự nhiên hăng khoa học xã hội. Hơdôm tơlơi pơplông amra hmâo tơlơi hrăm kiăo tui laih anun hơdôm tơlơi hrăm pơplông kiăo tui anai hmâo hơdôm sang hră gưl prong, gưl [rô mă puang mơng tơlơi pơplông ruah mă kiăo tui tơlơi juăt. Anai jing hơdră pok prong kiăng kơ [ing c\ơđai hmâo tu\ mă lu tơlơi gêh gal hloh c\i mut hrăm amăng sang hră gưl prong, gưl [rô, lain anun dong djru kơ [ing c\ơđai hrăm hră hlom bom hloh. Yă Vũ Thị Phương Anh, khoa sang hră gưl 3, Nguyễn Thị Minh Khai, Kuân Bắc Từ Liêm, Hà Nội brơi thâo:

“Kâo pơmin anai le\ hơdră pok prong mơng Ding jum pơtô pơhrăm dêh ]ar ta, brơi kơ [ing c\ơđai hrăm hră dưi ruah mă hơdôm tơlơi hrăm gah khoa học xã hội, khoa học tự nhiên, djơ\ hăng tơlơi thâo kơ [ing gơ`u mơn.

Ding jum pơtô pơhrăm dêh ]ar ta ăt pok prong brơi kơ pô hlơi kiăng ruah hơdôm tơlơi hrăm gah khoa học tự nhiên hăng khoa học xã hội ăt dưi pơplông laih.

{ing gơmơi c\râo brơi gum djru lăi rơđah brơi kơ [ing c\ơđai, tơdah dưi ruah mă  kho\m pơmin kơjăp kiăng ngă klă tơlơi gêh gal kơ [ing ta, anai jing boh thâo rơgơi blung a, boh thâo rơgơi ta pô kiăng ruah mă hơdră djơ\ lăp.

Sa tơlơi pơplih dơng amăng tơlơi pơkă pơplông gưl 3 [ơi dêh ]ar ta thun 2017, c\ơđai nao pơplông amra c\ih anăn ruah mă hrăm pơ sang hră gưl prong hro\m hăng c\ih anăn nao pơplông mơtam. Thun anai, c\ơđai nao pơplông dưi c\ih anăn ruah mă [u pơkă hơnong mrô bruă c\i hrăm, mrô sang hră gưl prong.

Tơlơi c\ang rơmang hơmâo dap ako\ tlôn pơpu\ djơ\ hơnong mơng ngo\ truh pơ yu\. Tui hăng kơ-iăng khoa Sang hră gưl prong Đại học Bách khoa Hà Nội, ơi Trần Văn Tớp lăi le\, c\ơđai sang hră lui tu\ mơn bruă ruah mă lu đơi sang hră laih anun kiăng lăng tơlơi pơhing pơplông ruah c\ơđai hrăm hră [ơi plang tơlơi pơhing  pơplông mơng Ding jum pơtô pơhrăm dêh ]ar ta, amăng plang internet mơng djo\p sang hră hơmâo soh:

C|ơđai nao pơplông dưi ruah mă lu tơlơi kiăng, lu sang hră, samơ\ kho\m pơmin sit, dlăng lăng boh thâo hră [ing ta hiưm pă, yua anun, [ing ta kho\m tong ten hlâo c\i ruah mă.

Kiăo tui tơlơi pơmin kâo le\, khă [u pơkă hơnong ôh mrô tơlơi c\ang rơmang, mrô sang hră, samơ\ biă `u le\, ]ơđai nao pơplông dưi ruah mă 6 truh pơ 7 tơlơi c\ang rơmang [udah lu biă mă le\ 8 truh 9 [rô lăp laih kiăng dưi dăi mut hrăm [ơi sang hră gưl prong amăng grup sang hră gưl prong hmư\ hing, gưl [rô, gưl prong anet hloh dong, tui hloai mrô puang mă mơng tơlơi pơplông kơ [ing gơ`u.

Tơlơi phrâo dong mơng tơlơi pơplông abih anih 12 [ơi dêh ]ar ta thun 2017 anai le\, [ing c\ơđai kiăng kơđiăng tui anai, mrô puang mơng tơlơi pơplông amra c\o\m puang kơ hơdôm tơlơi pơplông kiăo tui hăng c\o\m puang kơ abih bang tơlơi pơplông.

Kiăng huăi hơmâo c\ơđai hrăm [u tơphă, Ding jum pơtô pơhrăm pơkă puang le\ brơi tơlơi hrăm pơplông phun le\ 1 puang amăng 10 puang.

Kơ-ăng khoa ding jum pơtô pơhrăm dêh ]ar ta, ơi Bùi Văn Ga brơi thâo tui anai:

Tơdah tơlơi c\ih pơplông 1 amăng 3 tơlơi hrăm pơ[ut hơmâo puang aset đơi le\, pô nao pơplông anai amra [u dưi yap abih anih 12 ôh laih anun [u hơmâo tơlơi gêh gal kiăng ruah mă sang hră hrăm gưl prong, gưl [rô dong tah.

Hăng c\ơđai nao pơplông tui hluai yua dah hrăm abih gưl 3 laih, dưi pơplông sa tơlơi hrăm phun kiăng djơ\ hăng bruă ruah mă mơng djo\p anom bruă hơmâo sang hră gưl prong, gưl [rô git gai.

C|ơđai pơplông hmâo c\ih anăn sa tơlơi hrăm pơplông ruah mă tui hluai kiăng ruah mă hrăm abih gưl 3, ( abih anih 12) [ing c\ơđai kiăng pơplông tơlơi hrăm phara hăng tơlơi hrăm kiăo tui mơng tơlơi pơplông abih tih le\ kho\m nao c\ih anăn, tơdah [ing ta kiăng pơđ^ tui tơlơi dưi mut amăng sang hră gưl prong, gưl [rô kah hăng kiăng pơđ^ tui rơnoh pơkă hrăm abih le\ dưi pơplông dua tơlơi  pơplông ruah mă.

Hrơi pơplông abih anih 12 dêh ]ar ta thun 2017 amra pơphun mơng lơ 22/6 truh 24/6 pơ anăp anai.

Siu H’Mai-Nay Jek: Pô ]ih hăng pôr