VOV4.Jarai - Thun 2020, ngă tui Tơlơi ]râo ba mrô 5 mơng Ding jum kơđi ]ar kơ “Kơtưn gum hrom hơbit abih bang djuai ania, pơdo\ng Ping gah hăng glông bruă kơđi ]ar klă hiam kơja\p kơtang tui tơlơi pơmin, pran jua, kơnuih Hồ Chí Minh”. Tơring glông Dak Song, tơring ]ar Daknông hmâo pok pơhai laih hơdră “5 ]ô mơnuih ping gah djru sa bôh sang ano# tơtlaih mơng [un rin”. Rơgao 1 thun ngă tui, hơdră hmâo djru lar hyu kơtang laih bruă hro\ trun [un rin, djru hơdôm rơtuh bôh sang ano# hrưn đ^ hơđong amăng tơlơi hơd^p mơda. Hơdôm hrơi ako# bơyan bơnga, [ing ta gum hrom pel e\p lăng hơdră ngă mơng [ing adơi ayong ping gah [ơi tơring glông Dak Song, tơring ]ar Daknông, amăng bruă gum tơngan hrom djru mơnuih [un rin hrưn đ^.

Sang pơdo\ng mă tơyă tơyơl mơng sang ano# ayong Điểu Truyền, djuai ania Bơnông, [ơi [ôn Yang Bơ, să Trường Xuân, tơring glông Dak Song, ik ak hăng tơlơi pơhiăp tlao mơng [ing ]ơđai muai. ~u brơi thâo, rơkơi bơnai trun do# sang pha rơbêh kơ 6 thun hlâo adih, dưi hmâo am^ ama brơi 8 ar đang kơ phê hrom hăng sa blah lo\n anet pioh pơdo\ng sang do# jăng jai. Mrô prăk ]an pơdo\ng sang ăt akă tla abih mơ\, 2 ]ô ană gơ`u tơkeng rai ngă tơlơi hơd^p sang ano# kơ[ah [ap. Samơ\ sa thun rơgao, gơnang kơ tơlơi pơtô ba djru gum abih pran jua mơng gru\p mơnuih ping gah [ơi să Trường Xuân mơ\ tơlơi hơd^p mơda sang ano# `u hơđong hloh laih. Ayong Điểu Truyền ră ruai:

“Rơkơi bơnai kâo trun sang pha le\ tơlơi hơd^p mơda tơnap tap biă. Ăt gơnang kơ hmâo nai Hùng hăng [ing adơi ayong gum djru, pơtô brơi bruă tơju\ pla, djru brơi ană mơnu\ ană bip rông, tơlơi hơd^p sang ano# kâo hơđong đăi laih. Kâo amra gir run hơkru\ pơsir hơdôm tơlơi tơnap pioh jai hrơi jai pơđ^ kyar hloh, hro\ trun rin rơpa kơja\p phik”.

Dong mơng tơlơi gum djru mơng mơnuih ping gah, sang ano# ayong Điểu Truyền glăk gir run hrưn đ^ tơtlaih mơng [un rin

Djru gum sang ano# Điểu Truyền tơtlaih mơng [un rin le\ gru\p 5 ]ô mơnuih ping gah, yua kơ ơi Nguyễn Nhân Hùng, nai pơtô [ơi Sang hră gưl sa Võ Thị Sáu, să Trường Xuân, ngă khua gru\p. Gru\p do# hmâo 3 ]ô mơnuih ping gah gơnong bruă pơtô pơhra\m, ia jrao, prăk kak mơng tơring glông Dak Song hăng sa ]ô mơnuih ping gah djuai ania [ia\ hơđăp [ơi anai pơ\ [ôn Yang Bơ. Nai Nguyễn Nhân Hùng brơi thâo, pel e\p thâo rơđah tơlơi hơd^p mơda sang ano# Điểu Truyền, [ing mơnuih ping gah hmâo pơpha nao rai bruă hyu tơ`a bla, pơtô brơi hơdră mă yua prăk bơwih kơ phun kơ phê. Hrom hăng anun djru pơkra war rông hlô, djru 100 drơi mơnu\, 20 drơi bip sim rông, hăng rim dua tlâo wot hrơi tơjuh le\ glăi blơi hlok kuăi ba glăi pơtô brơi rơkơi bơnai gơ`u hơdră rông hlô:

“Jơnum amăng gru\p le\ [ing gơmơi tu\ ư hrom le\ djru gơ`u [u tơnap ôh, samơ\ khom ngă hiưm hơpă pơtô brơi hơdră phrâo kơ gơ`u thâo hơdră ngă. Sa thun rơgao [ing gơmơi hmâo ngă laih bruă pơsur hăng pơsit brơi gơ`u amra gir run hrưn đ^ amăng bruă ngă đang hmua hăng rông hlô mơnong kiăng hmâo dong prăk pơhrui glăi hăng tơtlaih mơng [un rin. Hăng phrâo tom adih anai gơ`u ro\ng ngă hră rơkâo gong gai tơbiă mơng sang ano# [un rin. Phrâo anai nao ]ua\ sang ano# le\ [ing gơmơi hmâo tơlơi pơmin djru dong, blơi dua drơi un pioh ngă djuai, rơwang hrơi tơjuh pơ\ anăp gơ`u pơkra war rông [ing gơmơi amra blơi un rông [u brơi prăk dong tah kơ gơ`u”.

Tơlơi to\ng ten abih pran jua mơng hơdôm gru\p mơnuih ping gah [ơi Dak Song hmâo djru dong pran jua pioh mơnuih [un rin hrưn đ^  

Ơi Nguyễn Văn Anh, Khua git gai Ping gah să Trường Xuân, brơi thâo, 1 thun rơgao, Ping gah să hmâo gum hrom laih hăng hơdôm gru\p ping gah dưi hmâo Ping gah tơring glông pơpha bruă, pơphun pơjing 110 gru\p mơnuih ping gah djru 110 bôh sang ano# [un rin. Rim gru\p hơduah e\p dơlăm tơlơi hơd^p mơda sang ano# kiăng hmâo jơlan gah djru djơ\ hloh. Hmâo hơdôm gru\p mơnuih ping gah do# gum hơgo#p dong [ơ [ia\ prăk pioh djru sang ano# [un rin pơkra glăi sang do#, nao pơjrao tơlơi duam ruă, [udah djru phun pla hlô rông, djă tơngan ]râo bruă … djru mơnuih [un rin hmâo pran pơtrut hăng ngă gal brơi pô gơgrong hrưn đ^.

“Rơgao thun blung a ngă tui le\ lom ngă ăt do# mơn hơdôm tơlơi akă [u thâo. Khă hnun hai bruă pok pơhai hơdră anai dưi hmâo mơnuih ping gah hăng mơnuih [ôn sang tu\ ư hrom prong biă. Hrom hăng anun hmâo laih hơdôm bôh tơhnal lăp mơ-ak, anun le\ sa dua bôh sang ano# hmâo laih tơlơi pơmin hrưn đ^ tơtlaih mơng [un rin. Thun 2020 le\ hmâo laih 68/110 bôh sang ano# tơtlaih mơng [un rin hăng hmâo 19 bôh sang ano# pơplih mơng [un rin jing [un rin [ơ [ia\”.

Amăng đơ đam tơring glông Dak Song, thun phrâo rơgao hmâo laih rơbêh kơ 650 bôh sang ano# dưi djru tơtlaih mơng [un rin (mrô hro\ trun [un rin giăm truh 3%, hloh kơ ha mơkrah bơhmu hăng kơ]a\o bruă). Tơlơi truh kih anun, hrom hăng bruă ngă tui ha amăng ple\ hơdôm hơdră bruă mơng kơnuk kơna, hmâo ]ra\n ba glăi bôh tơhnal mơng hơdră 5 ping gah djru sa bôh sang ano# [un rin yua kơ Ping gah tơring glông Dak Song pok pơhai. Tui hăng ơi Đoàn Văn Sự, Kơ-iăng Khua git gai Ping gah tơring glông Dak Song, hơdră hrom le\ 5 ]ô mơnuih ping gah djru sa bôh sang ano# m[s tơtlaih mơng [un rin, samơ\ tui hluai kơ tơlơi hmâo sit mơ\ amra hmâo gru\p 4 [udah 6, 7 ]ô mơnuih ping gah gum hrom djru sa bôh sang ano#. Rim gru\p amra hmâo 3 ]ô mơnuih ping gah [ơi hơdôm gru\p gơnong bruă mơng tơring glông, 1 mơnuih ping gah [ơi să hăng 1 mơnuih ping gah do# hơd^p hrom amăng kual hăng sang ano# [un rin.

Truh kih mơng hơdră le\ [ing mơnuih ping gah kơtưn hyu pơ\ plơi pla, giăm mơnuih [ôn sang hloh, [u djơ\ kơnong kơ thâo tơlơi kiăng yua mơng sang ano# kiăng gum djru ôh mơ\, thâo hluh hloh kơ tơlơi hơd^p mơda [ơi plơi pla, mơng anun hmâo hơdôm tơlơi pơphô kơ hơdră pơtrun, hơdră bruă gum djru djơ\ hăng bôh nik [ơi plơi pla. Sang ano# [un rin dưi lăi pơthâo djru abih bang hơdôm tơlơi gah pơđ^ kyar bơwih [ong, bơwih brơi tơlơi suaih pral sang ano#, kơ ană bă hrăm hră… Ơi Đoàn Văn Sự lăi le\, mơng hơdră anai hmâo pơjing laih jơlan brơi kơ hơdôm bruă mă mơng abih bang glông bruă kơđi ]ar hăng mơnuih [ôn sang amăng pơđ^ kyar bơwih [ong, hro\ trun [un rin kơja\p.

“Tơdah kơnong kơ sa jơlan hơdră hro\ trun [un run mơng gong gai hă [u anăm ôh. Hơdră 5 ]ô ping gah djru sa bôh sang ano# [un rin le\ gah Ping gah, laih anun Jơnum min djop djuai ania mơnuih mơnam lo\n ia hăng hơdôm khul gru\p ăt hmâo mơn jơlan hơdră anăp nao plơi pla, amăng anun hmâo bôh yôm gah hro\ trun [un rin. Mơng anun [ơi hơdôm bôh plơi ăt anăp nao kơtang mơn bruă hro\ trun [un rin, hăng pô phun ăt le\ mơnuih [un rin gơ`u khom gơgrong pô hrưn đ^. Mơng bruă klah ]un hơdră anai [ing gơmơi [uh tu\ yua biă hăng ba glăi bôh tơhnal dong, neh wa mơnuih [ôn sang ăt ]ang rơmang mơn, khul ping gah le\ ăt mă bruă klă mơn. {ing gơmơi ngă tui dong amăng thun 2021, amra `u do# to# tui mơn amăng hơdôm thun tơdơi anai”.

Hơdră 5 ]ô ping gah djru sa bôh sang ano# tơtlaih mơng [un rin [ơi Dak Song glăk pơjing jua angin phrâo pơtrut kơtang bruă bơkơtưn pơđ^ kyar bơwih [ong, hro\ trun [un rin kơja\p phik. Tơlơi pơmin ping gah djơ\ hăng pran jua mơnuih [ôn sang, sa bơyan bơnga phrâo glăk rai bă kơ tơlơi [uan djă ba hơdôm tơlơi pơplih trơi pơđao yâu mơ-ak [ơi kual djuai ania [ia\ pơ\ tơring glông Dak Song, tơring ]ar Daknông./.

Minh Huệ: Pô ]ih – Siu H’ Prăk: Pô pơblang