VOV4.Jarai - Lơ 27/5, Khua anom bruă hră pơhlôm nua mơnuih mơnam Việt Nam Nguyễn Thế Mạnh pơ âl brơi ƀing apăn bruă, mơnuih mă bruă amăng gơnong bruă hră pơhlôm nua mơnam mơnam hơmâo jao 2 klai prăk djru amăng keh prăk pơgang klin Covid-19 hluai tui Jơnum min djop djuai ania mơnuih mơnam Việt Nam. Anai lĕ mrô prăk pơgôp mơng abih bang mơnuih apăn bruă amăng gơnong bruă hră pơhlôm nua mơnuih mơnam Việt Nam.

Hră pơhlôm nua mơnuih mơnam jao 2 klai prăk djru pơgang klin Covid-19

Ƀơi anăp kơ klin Covid-19 glăk tơnap tap, aka ƀu dưi pơgang hĭ, hrŏm hăng bruă pơhlôm brơi tơlơi dưi kơ mơnuih yua hră pơhlôm nua mơnuih mơnam, hră pơhlôm nua ia jrao, hră pơhlôm lơ̆m rơngiă bruă mă, anom bruă hră pơhlôm nua mơnuih mơnam Việt Nam lêng kơ ngă gêh găl djru brơi ƀing mơnuih yua hră pơhlôm nua mơnuih mơnam, hră pơhlôm nua ia jrao, hră pơhlôm brơi mơnuih rơngiă bruă mă. Tơdơi kơ klin Covid-19 hơđuh đĭ tal 4, hră pơhlôm nua mơnuih mơnam hơmâo hmao tlôn  git gai hơdôm tơring čar gum hrŏm hăng hơdôm anom bruă bơdjơ̆ nao kiăng pơhlôm djơ̆ tơlơi dưi khăm pơjrao lơ̆m yua hră pơhlôm nua ia jrao.

Siu Đoan: Pơblang