VOV4.Jarai- Kiăng kơ djru brơi ƀing čơđai hrăm hră hăng ƀing amĭ ama ba čơđai nao pơplông abih anih 12 thun 2021, hrơi pơphun jơlan hơdră djru brơi tal pơplông thun anai amra pơphun mơng 6/7 truh pơ 9/7 pơ anăp anai. Anai lĕ tơlơi lăi pơthâo amăng jơnum hăng ƀing mă tơlơi pơhing phrâo yua kơ Khul čođai hrăm hră gưl prong Việt Nam, Ding jum pơtô hrăm, grup Thiên Long pơphun lơ 27/5. Jơlan hơdră “Djru čơđai nao pơplông” hơmâo pơphun ƀơi abih bang anih pơphun pơplông abih anih 12 thun 2021, ƀơi 63 boh tơring čar, ƀôn prong. Tui anun, khul pơphun jơlan hơdră amra đing nao pơtrut pơtô pơblang, lăi pơthâo amăng hơdôm plang hrăm lăng nao rai arăng đăo gơnang hăng hơmâo pơdah rup kơ bruă pơtô hrăm pral lui tal pơplông amăng plang mơnuih mơnam. Hrŏm hăng anun, pok pơhai hơdôm bruă gum djru amăng plang pơhing, pơlir hơbit kơplah wah mơuih hyu djru hăng ƀing čơđai hrăm hră; pơjing hơdră djru brơi kơ ƀing čơđai sang anŏ tơnap tap mơng kual ataih, asuek, kual giăm guai, bul pơtâo, kual tơnap tal hloh.

Siu Đoan: Pơblang