VOV4.Jarai - Ngă tui Tơlơi pơtrun pơkă mrô 80/2011 mơng Kơnuk kơna ta 3 thun rơgao, să Hương Lâm, tơring glông Dă Teh, tơring ]ar Lâm Đồng po\k pơhai klă laih hơdôm bruă pơhlôm po\t glăi hăng plơi pla pioh kơ mơnuih phrâo glăi mơng sang mơnă. Amăng anun, Kông ang să Hương Lâm le\ khul tơhan phun, hmâo hơdôm tơlơi gum hơgo#p yôm phăn djru mơnuih jrôk jơlan [ơi plơi pla.

            Kiăng djru hơdôm ]ô mơnuih phrâo tơbiă mơng sang mơnă ta` găn rơgao tơlơi tơn^t drơi pô, Kông ang să Hương Lâm pơ phô brơi laih kơ gưl Ping gah, go\ng gai plơi pla ngă gal brơi kiăng gơ`u ngă tui hơdôm tơlơi dưi hăng bruă mă mơng ană mơnuih. Biă `u, tơdơi rơbêh kơ 2 thun pơdo\ng truh kơ ră anai, Hơdră pkă “Gru\p mă bruă hyu ]oa\ jơmư, pơsur pơtrut, ngă pơplih pran joa, djru gum mơnuih phrâo tơbiă mơng sang mơnă” [ơi să Hương Lâm ngă tui ba glăi bôh tơhnal laih. Amăng hơdôm thun rơgao, lom hmâo mơnuih tơbiă mơng sang mơnă le\ go\ng gai [ơi anai iâu pơhrui hơdôm gru\p, gơnong bruă gum tơngan hrom djru gum gơ`u. Rơngiao kơ bruă hyu ]oa\ jơmư, lăi pơthâo djru gơ`u thâo hơdră pơtrun, jơlan gah mơng Ping gah hăng hơdră bruă, tơlơi phiăn mơng Kơnuk kơna, go\ng gai plơi pla do# gơgrong hlâo djru gơ`u wot gơnam tam hăng pran joa.

            Ơi Hồ Hỷ, Khoa Sang să Hương Lâm, brơi thâo: “Wai lăng, pơtô pơhra\m, djru gum mơnuih phrâo tơbiă mơng sang mơnă po\t glăi hăng plơi pla jing bruă gơrong hrom mơng abih bang mơnuih mơnam. Mơng anun, să git gai hơdôm gru\p, gơnong bruă pơ pha mơnuih apăn bruă, mơnuih ping gah gum hrom hăng sang ano# kiăng wai lăng, pơtô juăt hăng djru gum gơ`u. Kiăo tui anun, să mă yua ngăn drap plơi pla kiăng djru pơdo\ng sang do# khăp păp kơ 2 ]ô mơnuih hăng mrô prak 25 klak prak; ba tơbiă hăng Jơnum min m[s tơring glông pha brơi 5 ektar lon ngă đang hmua; ngă gal kơ 2 ]ô mơnuih dưi ]an prak ngă kông ngăn bơwih [ong hăng lăi pơthâo bruă mă kơ 3 ]ô mơnuih hăng rơnoh prak pơhrui glăi 5 klak prak lom sa ]ô mơnuih amăng sa blan”.

            Hăng khul ba jơlan hlâo mơng hơdră pơkă anai, Kông ang să Hương Lâm pơ pha laih bruă kơ hrim kông ang lăng ba gum djru, pơsur gơ`u “gah lui h^” tơlơi tơn^t drơi pô, [u kah pha hăng djru gơ`u po\t glăi hăng plơi pla. Biă `u ơi Trần Văn Nhiệm (56 thun, do# [ơi thôn Thanh Hương). Thun 2000, yua kơ sa mơn^t jrôk jơlan mơ\ khom pơ ala glăi kơ hơdôm tơlơi soh pô hăng rơnoh 17 thun do# amăng sang mơna\. Gơnang kơ pơplih pơhra\m drơi klă hăng dưi hmâo Kơnuk kơna păp `ai, thun 2010, `u dưi hmâo ara\ng brơi tơbiă mơng sang mơnă hlâo kơ thun pơkă do# amăng sang mơnă 7 thun. Hăng hơdôm tơlơi gir run mơng drơi pô hăng tơlơi gum djru mơng go\ng gai plơi pla djru laih ơi Nhiệm gah lui h^ tơlơi tơn^t drơi pô kiăng jing sa gru phrâo amăng hơdôm ]ô mơnuih do# amăng sang mơnă, dưi hmâo Kông ang tơring ]ar Lâm Đồng bơni amăng thun 2014. Ơi Nhiệm lăi pơthâo: “Po\t glăi plơi pla, kâo khom kơdo\ng glăi hăng tơlơi sang ano# klah gah, kông ngăn [u do# hơge\t lăp yap ba ôh rơngiao kơ 2 ektar đang leng kơ rok rôm. Lom anun, abih bang hăng kâo jing jơlan đut laih, [u hmâo jơlan pơtlaih dơng tah. Samơ\, gơnang kơ tơlơi lăng ba, pơtrut pơsur, djru gum mơng go\ng gai plơi pla pơtrut laih pran joa kâo găn rơgao tơlơi tơnap tap, pơ phun glăi tơlơi hơd^p mơda bruă mă!”.

            Hrom hăng ơi Nhiệm le\, tơlơi hơd^p tơnap tap mơng sang ano# amai Huỳnh Thị Gái (42 thun, [ơi thôn Hương Phú). Hlâo dih, rơkơi bơnai amai Gái hơd^p hăng bruă hyu du` ge\t ]ai, mong jam kơ su răm, djah ara\ng glom lui pioh s^. Samơ\ yua kơ [u thâo tơlơi phiăn blơi djơ\ glăi gơnam tam ara\ng kle\ do\p mơ\, rơkơi `u hmâo ara\ng phăk [u dưi đuăi hyu pơ\ anai dih; bơ\ amai Gái le\ do# amăng sang mơnă 9 blan. Tơdơi kơ tơbiă mơng sang mơnă, `u po\t glăi plơi pla amăng tơlơi hơd^p kơ[ah tơnap yua kơ [u hmâo lon ngă đang hmua. {ơi anăp tơlơi tơnap anun, Sang să rơkâo hăng Jơnum min m[s tơring glông Dă Teh pe\ pha lon ngă đang hmua kơ sang ano# `u. Hmâo lon ngă đang hmua, anun rơkơi bơnai gơ`u kreh gru` bơwih [ong huă hăng tơlơi hơd^p ră anai hơđong laih. Ơi Trần Phúc Chính, Khoa Kông ang să Hương Lâm, brơi thâo: “Tơdơi kơ pơplih pơkra drơi pô po\t glăi plơi pla, Gru\p Kông ang să hăng hơdôm gru\p, gơnong bruă, lăng ba, wai lăng gum djru gơ`u po\t glăi hăng plơi pla mu\t hrom djo\p mơnuih; hrom hăng anun, djru gơ`u huăi jrôk glăi jơlan hơđăp”.

            Hăng bôh tơhnal lăi [ơi ngo#, amăng 3 thun mơng thun 2012 – 2014, să Hương Lâm ư-ang dưi hmâo Jơnum min m[s tơring ]ar Lâm Đồng [ơk Hră bơni kơ bruă “Abih bang pơgang rơnuk rơnoa Lon ia”. Blan 10/2014, Kông ang să Hương Lâm dưi hmâo {irô ding jum Kông ang [ơk Hră bơni “Ngă giong prong bruă djru mơnuih tơbiă mơng sang mơnă po\t glăi plơi pla, mu\t hrom djo\p mơnuih”.

Siu H’ Prăk: Pô ]ih hăng pôr