VOV4.Jarai-Gong gai kơnuk kơna hăng djop sang bruă tơring glông Ia Grai, Gialai pok pơhai lu bruă mă kiăng djru 42 boh sang ano\ hơmâo anăn kơnuk kơna djru, mơnuih [on sang hơmâo gum kơnuk kơna đưm dưi pơklaih mơ\ng tơlơi [un rin rư\ rơpa thun anai.

Ră Rmah H’Blem plơi Jam, tơring kual Ia Grai, am^ Rơgom H’Ya` djai pơsăn drơi jăn yua kơ lo\n ia thun 1971 hlăk blah ayăt Mi.

Sang ano\ gơ`u jơngum lu  ană tơ]ô, samơ\ kơnong kơnang kơ lo\n hmua aka truh 1 ektar mơn, [u hơmâo bruă mă pơko\n dơ\ng tah, anun yơh lu thun hăng anai [u pơklaih [ơ\i mơ\ng [un rin.

Phrâo anai, Jơnum min mơnuih [on sang tơring glông Ia Grai hơmâo brơi 30 klăk prăk pioh blơi rơmô djuai prong giu hăng sa pok hră pơkrem prăk 15 klăk prăk, sang ano\ yă H’Blem hok mơak biă mă.

Yă Rmah H’Blem tal 4 gah hnuă blơi 3 drơi rơmô ania prăk kơnuk kơna djru kơ `u

Yă H’Blem lăi kơ ană tơ]ô khom ]em rông rơmô klă, kiăng ta` prong, pioh lui ngă ngăn rơnoh bơwih [ong huă kơ sang ano\:

’’Sang ano\ gơmơi rin biă mă. Phrâo anai, sang ano\ gơmơi hơmâo gong gai kơnuk kơna djru prăk blơi 3 drơi rơmô pioh pơđ^ kyar bơwih [ong huă.

Kâo le\ arăng brơi sa pok hră pơkrem prăk pioh kơ tha rơma. Kâo bơni biă mă kơnuk kơna djru sang ano\ gơmơi. Kâo amra rông rơmô klă brơi `u tuh ană’’.

Tui hăng tơlơi e\p lăng mơ\ng anom wai lăng bruă mă tơhan rơka hăng mơnuih mơnam tơring glông Ia Grai, ră anai, tơring glông anai hơmâo 2.700 boh sang ano\ [un rin.

Amăng anun, 42 boh sang ano\ hơmâo anăn kơnuk kơna djru hăng sang ano\ gum kơnuk kơna đưm.

Lu mơnuih hơmâo gum kơnuk kơna, sang ano\ mơnuih djai pơsăn drơi jăn yua kơ lo\n ia lêng kơ lu thun laih soh, pran jua mă bruă [u anăm dơ\ng tah, prăk kăk tuh pơ alin bơwih [ong huă do\ kơ[ah.

Hăng tơlơi kiăng khut khăt pơsir abih 42 boh sang ano\ hơmâo gum kơnuk kơna amăng tơring glông, Jơnum min mơnuih [on sang tơring glông Ia Grai brơi e\p glăi, pơkă lăng, dơ\ng mơng anun, hơmâo hơdră djru.

Tui hăng anun, hơdôm sang ano\ hơmâo lu lo\n samơ\ kơ[ah prăk, arăng djru brơi pơjeh phun pla djơ\ hơdră, kah hăng djru pơjeh pla boh mit thái, boh [ơr [ut, boh sầu riêng hăng djru kmơ\k pruai;

sang ano\ rơbêh mơnuih mă bruă le\ arăng jao prăk blơi mă ană un ]i  rông, rơmô ania tuh ană. Ơi Kpuih Uên, mơnuih ayăt krư\ kơđol rơnuk blah Mi đưm, do\ plơi Ngai Ngo\, să Ia Hrung, sang ano\ `u hơmâo lo\n ngă hmua samơ\ [u hơmâo prăk tuh pơ alin.

Phrâo anai, dưi hơmâo jơnum min mơnuih [on sang tơring glông djru brơi 5 klăk prăk blơi pơjeh phun pla, gal hăng tơlơi kiăng mơ\ng sang ano\, `u lăi:

 ‘’Kâo hơmâo hơdôm ar hmua aka [u hơmâo prăk blơi pơjeh ôh pioh pla.

Bưng mơn, kâo hơmâo gong gai kơnuk kơna djru pơjeh phun pla boh [ơr, boh sầu riêng hăng mit thái pioh pla.

Kâo mơak biă mă. Kâo amra pla wai lăng đang boh troh klă đah mơ\ng plai [iă [un rin’’.

5 thun laih rơgao, tơring glông Ia Grai, Gialai hơmâo man pơdong phrâo hăng ming pơkra glăi 280 boh sang kơ sang ano\ gum kơnuk kơna rơnuk blah ngă.

Kơnong tal hơdor glăi 71 thun Hrơi rơka hăng djai pơsăn drơi jăn kơ lo\n ia thun anai, tơring glông djru hơdôm rơtuh anung gơnam, hơdôm rơtuh drơi rơmô, un tuh ană hăng hơdôm rơbâo anah phun pla abih tih rơnoh prăk truh kơ 1 klai 700 klăk prăk, djru sang ano\ hơmâo anăn kơnuk kơna lăng ba dưi pơklaih mơ\ng tơlơi [un rin.

Ơi Ngô Khôn Tuấn  Kơ-iăng Khua anom wai lăng bruă mă tơhan rơka hăng mơnuih mơnam tơring glông Ia Grai lăi:

‘’Tơdơi kơ tal anai, djop anom bruă, djop să, tơring kual ăt pơtrut djop sang ano\ kơnuk kơna [ơk brơi rơmô rông.

Amăng plơi, hơdôm sang ano\ hơmâo tơlơi bơwih [ong huă plai [iă, djru pơtô ba mơne] mă bruă kiăng gơ`u pơklaih mơ\ng tơlơi ư\ rơpa, hrưn đ^ bơwih [ong huă.

Hơdôm anom bruă jing ding kơna ngă bruă djru pơhro\ tơlơi [un rin hơmâo jao wai lăng djop să, plơi pla, tăp năng truh pơ sang ano\ mơnuih gum kơnuk kơna kiăng djru pơklaih mơ\ng tơlơi [un rin, djru gơ`u pơkra ming bruă mă pơhro\ tơlơi [un rin tui hăng tơhnal pơkă hnun kah dưi pơklaih mơ\ng tơlơi ư\ rơpa hơđong kjăp’’.

Nay Jek: Pô c\ih hăng pôr