VOV4.Jarai-Hơdôm thun rơgao, hăng tơlơi gir run [u pơdơi ôh amăng bruă mă hyu hơduah e\p, pơdah kơ mơnuih [on sang lăng, truh bruă pơtô tơlơi adoh soang djuai ania [iă, [ing mơnuih kơhnâo kơhnăk bruă atông ]ing adoh tơlơi đưm mơng plơi Kon Klôk, hơmâo ba apui jă, pơđ^ tui tơlơi hiam, pran jua hor kơ gru grua đưm djuai ania pô  lu plơi pla djuai ania Sedang, să Đak Mar, tơring glông Đak Hà, Kontum.

Pơđ^ tui ia rơgơi tơlơi thâo gru grua, [ing tha rơma pô hyu e\p djă pioh, pơtô glăi; [ing ]ơđai nao hrăm tui, pơtop hrăm tong ten, pơdah tơlơi pe\ gông atông bro#, ]ing hơgor djuai ania pô laih anun adoh tơlơi adoh djuai ania pô mơng đưm pioh glăi…

Grup atông ]ing hăng adoh đưm plơi Kon Klôk, să Đak Mar, tơring glông Đak Hà, tơring ]ar Kontum ako\ pơdong mơng anai 17 thun pơ klôn adih laih.

          Pe\ gông ting ning

Ră anai grup hơmâo 20 ]ô mơnuih, klâo gưl rơnuk thun: Pô tha hloh le\ ơi A Bôm, 81 thun, anet hloh le\ mo# Y Thuật 21. Thun 2016 laih rơgao, hơmâo 2 ]ô mơnuih amăng grup, dưi hơmâo kơnuk kơna pơpu\ jing mơnuih kơhnăk gru đưm, anun le\ ơi A Bôm hăng yă Y Khar.

Mơnuih kơhnăk gru đưm ơi A Bôm, pô pơkra hăng pơđ^ jua gông bro#, `u brơi thâo, [u djơ\ kơnong pơtô glăi kơ ană tơ]ô amăng plơi đô] ôh, `u amra djru ba kơ mơnuih [on sang plơi pla iao gah dong, kiăng djă pioh gru grua yôm đưm djuai ania pô:

‘’Tơdah ]ing pơ]ah [udah dlưh thơ kâo pô tia hăng tul glăi. Hơdôm gông bro# pơko\n kah hăng tơrưng ăt kâo mơn pô pơkra, gông klông put tơdah hmư\ [u mơak ăt kâo pô pơkra phrâo hăng ming glăi.

Lơ\m pơkra ming glăi, kâo pơtô kơ ană tơ]ô [uh, brơi gơ`u hrăm tui, thâo pơkra glăi kơ` pơgi. Ră anai, amăng plơi hơmâo laih hơdôm ]ô mơnuih thâo pơkra gông bro#’’.

Atông tơrưng

Mơnuih kơhnăk gru grua đưm, ơi A lang, grup atông ]ing-adoh đưm djuai ania plơi Kon Klôk, brơi thâo, yua kiăo tui ơi yă nao hlâo, thâo adoh lu er tơlơi adoh đưm, thâo pe\ gông bro# djuai ania pô. Ră anai, `u gir pơtô glăi kơ ană tơ]ô ]ơđai muai thâo djă pioh gru grua djuai ania ta. Ơi A Lang lăi:

‘’Kâo [uh bruă mă mơng grup atông ]ing-adoh tơlơi đưm anai tu\ yua biă mă. Kâo kiăng grup hrăm na nao, kiăng thâo lu hloh, ngă hiư\m pă djă pioh hăng pơđ^ tui boh yôm gru grua ơi yă ta đưm pioh glăi, hơmâo ]ing hơgor, hơmâo gông bro#, đing ayup, tơrưng, tơlơi adoh đưm mơak biă mă.

Kâo pô anai, thâo mơn pe\ gông, atông ]ing kah hăng pe\ ting ning, atông ]ing arap, atông hơgor…Phrâo anai, kâo hơmâo pơtô kơ [ing ană tơ]ô adơi đeh pơkra hăng atông tơrưng, atông ]ing, pe\ ting ning, kâo pơtô [ing gơ`u klâo blan hăng anai, hơmâo 9 ]ô ]ơđai tui hrăm, gơ`u thâo atông klâo mơta tơlơi atông ]ing hơgor’’.

Pô ]ơđai hloh amăng grup atông ]ing-adoh tơlơi adoh đưm plơi Kon Klôk le\, mo# Y Thuật, `u lăi, r^m wơ\t [ing anong wa, jak ba nao hrăm adoh, adoh hrom hăng [ing gơ`u mơak biă mă, hor hrăm hrom hơbit hăng grup tơl thâo hroaih kah glăi:

‘’Ngă hrom grup anai kâo mơak biă mă. Lơ\m do\ pơ sang ăt adoh tơlơi đưm djuai ania ta pô, ]ih pioh hrăm adoh glăi.

Kâo pơmin khom hrăm đut abih lu tơlơi adoh, djă pioh er tơlơi adoh đưm djuai ania pô. R^m wơ\t hrăm adoh kâo adoh abih pran jua.

Kâo hor adoh tơlơi adoh đưm, am^ ama kâo brơi nao hrăm adoh, kâo pơmin yua kơ djă pioh gru grua đưm djuai ania ta, ta khom thâo djă pioh’’.

Lu thun rơgao, hơmâo tơlơi pơtô ba tong ten mơng [ing mơnuih kơhnâo kơhnăk gru grua, mơnuih tha rơma, Grup atông ]ing-adoh tơlơi đưm plơi Kon Klôk jai hrơi pơđ^ kyar, djă pioh a apui tơlơi hor khăp kơ gru grua đưm amăng pran jua [ing ană tơ]ô ]ơđai muai, kiăng ru\ pơdong, djă pioh pơđ^ kyar na nao tơlơi adoh mơak mơnuih [on sang.

      Hrăm adoh tơlơi adoh đưm

Ră anai [ing ding kơna phun amăng grup hơmâo 20 ]ô mơnuih kơhnăk laih. Lơ\m hyu pơdah amăng mông ngă yang jơnum prong plơi pla, kiăng pơtum lu mơnuih, [ing gơ`u hơmâo dong lu tơdăm dra amăng plơi Kon Klôk nao suh mơak hrom.

Er tơlơi adoh, jua ]ing hơgor tơ-oa hyu hmư\ mơak truh pơ anih pơko\n pơ ataih, ba gru grua hiam klă kual }ư\ siăng truh pơ lu mơnuih thâo amăng dêh ]ar ta.

Mơnuih kơhnâo kơhnăk gru đưm yă Y Khar, Khoa khul adoh soang, atông ]ing hơgor plơi Kon Klôk, brơi thâo:

‘’Truh ră anai, kâo hơmâo djă pioh hăng pơđ^ tui 10 mơta tơlơi adoh đưm, dưi ba hyu pơdah brơi arăng hmư\. Tơlơi lăp hơdor pioh mơng grup le\, hlăk nao pơdah brơi mông jơnum 1000 thun Thăng Long-Hà Nội thun 2010, Festival ]ing hơgor kual }ư\ siăng [ơi Pleiku, Gialai thun 2012, pơdah pơ Long Xuyên thun 2013, Nghệ An thun 2014, Thanh Hoá thun 2015…amăng tơring ]ar le\ gơmơi hyu pơdah na nao’’.

Ră anai, bruă hyu e\p djă pioh, pơtô hrăm pơdah tơlơi adoh soang, pơtô glăi er tơlơi adoh jing bruă mă khom ngă re se [u dưi kơ[ah ôh amăng tơlơi hơdip mơda mơnuih [on sang, [ing ding kơna grup adoh soang atông ]ing plơi Kon Klôk, să Đak Mar, tơring glông Đak Hà, Kontum.

R^m ]ô [ing gơ`u mơnuih adoh soang anun, kah hăng a apui jă, jơlah apui [ong prong tui, tơlơi mơak pran jua khăp kơ gru grua djuai ania Sedang pioh glăi kơ rơnuk ană tơ]ô mô ya pơ anăp anai pơđ^ tui kơtang hloh dong.

Nay Jek: Pô ]ih hăng pôr