VOV4.Jarai-Hơdor glăi tal 90 thun Hrơi akŏ pơjing Khul tơdăm dra rơnuk Hồ Chí Minh lơ 26/3, mơguah tom brơi, lơ 10/3 ƀơi Hà Nội, Anom bruă hlăk ai tơdăm dra mut phung rơnuk Hồ Chí Minh ngă hrom anom Pơtô bruă ping gah dêh čar, Sang hră Kơđi čar Dêh čar Hồ Chí Minh jơnum bơkơtuai lăng nao rai amăng tivi kơ Boh thâo ia rơgơi “90 thun pơtong hăng pơđĭ tui tơlơi gơgrong sang hră hrăm mơnuih mơnam ngă pô mơ̆ng hlăk ai Việt Nam”.

Ding kơna khul git gai ping gah dêh čar, Khua anom pơtô bruă ping gah dêh čar, ơi Nguyễn Trọng Nghĩa nao jơnum hrom. Lăi pơtong tơlơi djru hrom mơ̆ng hlăk ai tơdăm dra mut phung rơnuk Hồ Chí Minh 90 thun rơgao amăng bruă ba anăp, pơtô brơi, pơđĭ tui tơlơi gơgrong mơ̆ng hlăk ai Việt Nam.

Ơi Nguyễn Trọng Nghĩa lăi pơtong: Anom bruă tơdăm dra hlăk ai rơnuk Hồ Chí Minh kiăng čih pioh, pơtum hĭ tơlơi pơgôp hiăp, ngă anŏ kơsem min pơtô hrăm ƀing khua mua ngă bruă khul tơdăm dra mut phung hăng hơmâo hơdră pok pơhai bruă mă djơ̆ hăng tơlơi gêh gal mơ̆ng rĭm boh tơring čar pơ anăp anai.

Nay Jek: Pơblang