VOV4.Jarai-Ƀrô hơdor glăi 50 thun Blah dưi ƀơi jơlan 9-Dơnung Lao 1971, mơguah lơ 19/3, Ding jum ling tơhan ngă hrŏm anom bruă ping gah tơring čar Quảng Trị jơnum, hơduah ĕp boh thâo ia rơgơi hăng akŏ “Blah dưi ƀơi jơlan 9-Dơnung Lao 1971-Rơnoh yom gru đưm hăng ƀuh sit”.

Rơbêh 80 mơta tơlơi čih lăi pơthâo, rôk ruai ƀơi mông Jơnum bơkơtuai lăi nao tong ten djop djel tơlơi tom găn rơgao, tơlơi hrăm gru đưm yom čih pioh tơlơi pơtô djơ̆ hăng bruă ngă ƀuh sit nik kơ tơlơi git gai mơ̆ng Ping gah dêh čar, Ding jum kơđi čar, Anom bruă ping gah ling tơhan hăng Ding jum ling tơhan hơmâo ngă, bruă ba truh Blah dưi ƀơi jơlan 9-Dơnung Lao 1971.

Pơhiăp ƀơi mông jơnum, Thượng tướng, ơi Nguyễn Tân Cương, ding kơna apăn bruă ping gah dêh čar, Kơ-iăng Khua ding jum ling tơhan lăi: Boh tơhnal jơnum bơkơtuai anai djru hrom amăng bruă ngă tui truh kih bruă bơblih phrâo lŏn ia, ba yua măi mok man pơdong lŏn ia hăng pơgang dêh čar Việt Nam mơnuih mơnam bơkơnar amăng rơnuk phrâo.

Nay Jek: Pơblang