VOV4.Jarai - “Amăng hơdôm bruă phun thun anai, bruă yôm hăn ba jơlan hlâo mơng Jơnum min djop djuai ania mơnuih mơnam le\ pơphun bơkơtuai ruah mă, lăi pơthâo mơnuih tơbiă anăn pioh ruah ngă Khua pơ ala mơnuih [ôn sang hăng Jơnum min pơ ala mơnuih [ôn sang”. Ding kơna Ding jum kơđi ]ar, Khua Jơnum min djop djuai ania mơnuih mơnam dêh ]ar Việt Nam ơi Trần Thanh Mẫn lăi rơđah laih tui anun amăng mông Jơnum đơ đam dêh ]ar ta pok pơhai bruă Jơnum min djop djuai ania mơnuih mơnam thun 2021 pơphun amăng mơguah lơ 2/3 [ơi Hà Nội. Ơi Trần Thanh Mẫn brơi thâo, mơng ră anai truh hrơi ruah khua lơ 23/5, Jơnum min djop djuai ania mơnuih mơnam dêh ]ar Việt Nam hơdôm gưl đing nao prong pioh pok pơhai ngă tui bruă Jơnum min gum hrom ruah khua pơ ala mơnuih [ôn sang dêh ]ar tal 15 hăng khua pơ ala Jơnum min pơ ala mơnuih [ôn sang hơdôm gưl rơwang bruă 2021-2026. Git gai pơphun bơkơtuai, ruah mă lăi pơthâo mơnuih tơbiă anăn pioh ruah ngă Khua pơ ala mơnuih [ôn sang, Jơnum min pơ ala mơnuih [ôn sang; Pơphun jơnum mơnuih [ôn sang [ơi anih anom do#, kiăng mă tơlơi gum pơhiăp pơsit hăng tơlơi đăo gơnang mơng mơnuih [ôn sang hlâo kơ pơphun jơnum bơkơtuai tal 3 ruah mă, ]ih anăn sit nik lăi pơthâo mơnuih tơbiă anăn. Pơphun hơdôm bruă jơnum mơnuih [ôn sang kiăng mơnuih tơbiă anăn bưp, ră ruai hăng mơnuih [ôn sang, ngă tui tơlơi dưi pơsur ruah khua. Gum hrom lăi pơhing, pơtrut pơsur mơnuih [ôn sang ngă tui tơlơi dưi ruah khua, drơi pô nao ple\ hră ruah amăng hrơi ruah khua./.

Siu H’ Prăk: Pô pơblang