VOV4.Jarai-Tom brơi, lơ 2/3, Kơ-iăng Khua dêh čar, Khua ding jum pơtom hiăp ơi Phạm Bình Minh ba jơlan hlâo grup khua mua Việt Nam jơnum Khua ding jum pơtom hiăp ASEAN ƀu sit nik tui hơdră lăng nao rai amăng tivi.

 Pơhiăp ƀơi mông jơnum, ơi Phạm Bình Minh lăi lĕ tơlơi pơhing rung răng hăng blah ngă tơdruă ngă djai brŭ ruă nuă rơka rơkač kơ mơnuih ƀôn sang ƀơi Myanmar giăm anai, pơhŭi kơ tơlơi hơđong laih anun rơnuk rơnua ƀu djơ̆ kơnong kơ Myanmar đôč ôh, wơ̆t amăng kual dơ̆ng.

Kơ-iăng khua dêh čar ta rơkâo ASEAN ngă hrom kjăp, pơdah tui tơlơi glăm ba, mă yua djơ̆ tơlơi kơtang ngă hrom, djru dêh čar Myanmar ăt kah hăng pơgang tơlơi rơnuk rơnua hơđong amăng kual, pơgang anŏ tŭ yua kơ ană plơi pla laih anun lŏn ia Myanmar wơ̆t hăng pơgang hơđong, rơnuk rơnua amăng kual, djă bong kơnuih ASEAN.

Nay Jek: Pơblang