VOV4.Jarai-Mơguah lơ 16/3, ƀơi sang bruă kơnuk kơna, ơi Nguyễn Xuân Phúc khua dêh čar git gai jơnum lăng nao rai amăng tivi hăng lu anih amăng dêh čar pơƀut bruă mă 5 thun Grup khua dêh čar. Hăng anăp mă bruă akŏ pơdong kơnuk kơna tơpă, thâo rơgơi, ngă bruă, bơwih brơi kơ mơnuih ƀôn sang hăng anom bruă sĭ mơdrô, Khua dêh čar brơi akŏ pơjing Grup mă bruă mơ̆ng Khua dêh čar blan 8/2016 hăng Grup anai mă bruă tong ten djru ngă tui tơlơi kiăng mơ̆ng Kơnuk kơna dêh čar.

Lăng yôm bruă mă mơ̆ng Grup, hơmâo ngă djơ̆ tơlơi pơtrun mơ̆ng Khua dêh čar, Khua dêh čar lăi lĕ, Grup mă bruă hơmâo djă pioh gru kơđom yôm biă mă, pơgôp prong amăng bruă mă tŭ yua lơ̆m git gai mơ̆ng kơnuk kơna, Khua dêh čar amăng rơwang bruă anai.

Samơ̆ Khua dêh čar pơtrun hiăp djop ding jum, djop tơring čar anăm ngă amưng, anăm čơđŏp ôh hăng boh tơhnal dưi ngă laih, ăt khom gir run hloh pơtrut pơđĭ kyar tui laih anun ngă giong bruă jao. Djop ding jum khom pơtrut pơsir tañ hnưh dong ƀu anăm tla, ngă hră čih tum teč, jao glăi bruă mă tong ten djơ̆ hơdră kơ kơnuk kơna rơwang bruă phrâo.

Nay Jek: Pơblang