VOV4.Jarai - Anom bruă Khua pơ ala mơnuih ƀon sang phrâo lăi pơthâo, lơ 15/3/2021, jơnum lok 54 mơng Jơnum min apăn bruă Khua pơ ala mơnuih ƀon sang dêh čar amrra pơphun ƀơi Sang jơnum Tân Trào, Ƀirô khua pơ ala mơnuih ƀon sang dêh čar, plơi prong jưh jom Hà Nội. Khua pơ ala mơnuih ƀon sang dêh čar ta yă Nguyễn Thị Kim Ngân đĭ pơhiăp pơphun mông jơnum hrŏm hăng ƀing kơ-iăng khua pơ ala mơnuih ƀon sang dêh čar pơplih nao rai git gai mông jơnum.

Tui hăng jơnum hơdră bruă mă him lăng, Jơnum min apăn bruă Khua pơ ala mơnuih ƀon sang amrra jơnum kiăng kơ sem lăng, pơgôp hiăp kơ črăn hră lăi pơthâo klah čun bruă mă rơwang tal XIV mơng Khua mua pơ ala mơnuih ƀon sang dêh čar, Jơnum min apăn bruă khua pơ ala mơnuih ƀon sang; lăi pơthâo boh than dưi ngă lơ̆m lăi glăi tơlơi rơkâo đĭ mơng mơnuih ƀon sang amăng jơnum lok 10, Khua pơ ala mơnuih ƀon sang tal XIV; lăi pơthâo abih bang tơlơi pơgôp, rơkâo đĭ mơng mơnuih ƀon sang mơ-it nao Jơnum lok 11, Khua pơ ala mơnuih ƀon sang tal XIV; pơgôp hiăp hăng hră mơ-it hăng hơdôm tơlơi lăi pơthâo kơ bruă pơhrua ngă tui akŏ bruă pơđĭ kyar tơlơi bơwih ƀong huă - mơnuih mơnam hăng ngăn drăp kơnuk kơna thun 2020. Amăng mông jơnum, Jơnum min apăn bruă khua pơ ala mơnuih ƀon sang pơgôp hiăp kơ bruă ruah khua mua kiăng kơ mơ-it nao Khua pơ ala mơnuih ƀon sang dêh čar ta.

Siu Đoan: Pơblang