VOV4.Jarai - Pơčrông sai kơ hră lăi pơthâo mơng Kơnuk kơna kơ boh than dưi ngă kơ hơdră pơkrem, pơgăn ngă khưi khai amăng thun 2021 amăng jơnum tlam lơ 27/5, hơdôm tơlơi pơgôp hiăp amăng Jơnum min apăn bruă Khua pơ ala mơnuih ƀon sang dêh čar lêng kơ lăng yôm tơlơi gir run hăng hơdôm boh than dưi ngă amăng thun 2020, biă mă ñu lĕ amăng thun blan ayuh hyiăng ƀu klă ngă hăng klin glăk lar hyu kơtang.

Khua pơ ala mơnuih ƀon sang dêh čar ơi Vương Đình Huệ đĭ pơhiăp amăng mông jơnum

Samơ̆, lu bruă bơdjơ̆ nao hơdră pơkrem, pơgăn ngă khưi khai ăt hơmâo lăi nao tong ten. Pơgôp hiăp lăi nao tơlơi anai, Khua pơ ala mơnuih ƀon sang dêh čar ơi Vương Đình Huệ lăi pơtong, bruă pơkrem, pơgăn ngă khưi khai lĕ hơdră pơtrun yôm phun mơng Ping gah, hơmâo čih amăng tơlơi phiăn, hrŏm hăng kơtưn pơgăn hưp ƀong kông ngăn. Yua anun ƀing ta hơmâo tơlơi phiăn pơgăn hưp ƀong kông ngă hăng tơlơi phiăn pơkrem, pơgăn ngă khưi khai, ƀu djơ̆ pơsit kơnong amăng bruă čar đôč ôh wŏt bruă hơjan pô dong. Tui tơlơi git gai mơng Khua dêh čar lĕ kiăng tong ten, tơpă sit, bruă ngă klă kiăng pơpŭ, hlơi ngă soh khŏm phak yơh.

Siu Đoan: Pơblang