VOV4.Jarai - Amăng mông jơnum lok 48 mơng Jơnum min apăn bruă khua pơ ala mơnuih [on sang dêh ]ar phrâo rơgao, khua mua pơgôp hiăp kơ Tơlơi phiăn pơhlôm hơđong kơjăp, rơnuk rơnua [ơi jơlan nao rai; bruă jao kơ Ding jum kông ang [udah Ding jum wai lăng jơlan glông pơdu\ pơgiăng wai lăng bruă pơtô hrăm, brơi hră mơgăt rơdêh hơmâo lu tơlơi lăi phara.

Jơnum min apăn bruă khua pơ ala mơnuih [on sang dêh ]ar lăi, tơlơi anai bơdjơ\ nao bruă wai lăng kơnuk kơna, rơkâo Kơnuk kơna gơgrong bruă phun amăng bruă git gai, kah pơpha bruă mă. Amăng anun kiăng tum pơ [ut glăi, pơtong lăng rơđah, biă `u le\ bruă bơdjơ\ nao mơnuih mă bruă, prăk kăk; kơsem min tơlơi thâo rơgơi mơng dêh ]ar tac\ rơngiao hăng hơdră jak iâu abih bang mơnuih gum hro\m bruă anai.

{ing khua lăi le\, bruă wai lăng tơlơi pơtô hrăm, pơplông mă hră mơgăt rơdêh hơmâo amăng tơlơi pơkôl wai lăng mơnuih đ^ rơdêh kah hăng: thâo tơlơi phiăn, thâo mơgăt rơdêh hăng tơlơi pơmin ngă tui tơlơi phiăn…bơdjơ\ nao kơ hơđong kơjăp rơnuk rơnua [ơi jơlan nao rai, yua hnun lơ\m kah pơpha jing dua tơlơi phiăn le\ tơlơi anai gah tơlơi pơplih ming mơng Tơlơi phiăn pơhlôm Hơđong kơjăp rơnuk rơnua [ơi jơlan nao rai le\ djơ\ yơh.

Tu\ ư jao kơ Ding jum kông ang kiăng djơ\ hro\m hơdră wai lăng rơdêh hăng mơnuih mơgăt rơdêh nao rai [ơi jơlan; wai lăng tơlơi pơmin thâo hluh kiăo tui tơlơi phiăn mơng [ing mơgăt rơdêh na nao mơtăm, mơng bruă pơtô, pơplông, brơi hră mơgat rơdêh hăng tơdơi kơ hơmâo hră mơgăt rơdêh. Khă hnun, Khua c\ih pioh, Khua anom bruă pơ ala mơnuih [on sang dêh ]ar ơi Nguyễn Hạnh Phúc rơkâo, kơsem min hơdră abih bang mơnuih gum wai lăng bruă pơtô, pơplông mă hră mơgăt rơdêh:

“Bruă pơtô, pơplông mă hră mơgăt rơdêh hơmâo 3 tal. Bruă pơtô, pơplông mă hră mơgăt rơdêh glăk kiăo tui hơdră abih bang mơnuih gum ngă. Tui anun kah hăng [ing ta pơ[ut amăng bruă pơphun pơplông, brơi hră mơgăt rơdêh pơhlôm ano\ klă. Phrâo anai, lu anom bruă pơ[ut mă yua boh thâo mă mok, pơplông mă hră mơgăt rơdêh. Pơplông tui anun klă, huăi hơmâo tơlơi hơget bơbec\ djơ\. Tum pơ[ut glăi Anom bruă pơtô mơgăt rơdêh [ing ta dưi pơhlôm sem lăng tơlơi thâo rơgơi mơng [ing mơgăt rơdêh”.

Hơduah e\p tơlơi phiăn prăp lui, Jơnum min Wai pơgang lo\n ia hăng rơnuk rơnua plơi pla tu\ ư hăng tơlơi pơkôl bruă wai lăng pơtô hrăm pơplông, brơi hră mơgăt rơdêh mơng Ding jum wai lăng jơlan glông pơdu\ pơgiăng hơdai nao Ding jum kông ang. Rơkâo lăng glăi abih bang, hơdôm tơlơi pơplih mơng kơc\ăo bruă Tơlơi phiăn Pơhlôm rơnuk rơnua hơđong kơjăp jơlan nao rai hăng Tơlơi phiăn nao rai [ơi jơlan (pơplih pơkra) kiăng ngă pơgiong, pơhlôm djơ\ kơnar, pơlir hơbit kơplah wah dua Tơlơi phiăn anai, [u dưi ngă bơrơkua nao rai, [u dưi pơ anai lă\i yơh pơ adih lăi glăi dong ôh.

Rơngiao kơ anun, kah pơpha rơđah tơlơi gơgrong bruă wai lăng kơnuk kơna hăng gơgrong bruă mơng hơdôm anom bruă, mơnuih apăn bruă đah mơng pơhlôm tơlơi dưi, tu\ yua, djơ\ hăng tơlơi gơgrong bruă, mă arăng jao. Kơ-iăng khua git gai pơ ala mơnuih [on sang dêh ]ar ơi Uông Chu Lưu git gai, kiăng lăng glăi rơđah yua hơdôm boh dêh ]ar [ơi ro\ng lo\n tơnah, bruă anai [u kơnong jao kơ Ding jum kông ang ôh:

“Brơi hră mơgăt rơdêh, pơplông mă hră mơgăt rơdêh tui hăng lu dêh ]ar jao kơ kông ang wai lăng, djơ\ hnun mơn? {ing gih kho\m hơduah tơ`a rơđah rơđông. Kâo lăng [ơi dêh ]ar Khac\ le\ Anom bruă wai lăng jơlan; Singapore le\ jao kơ anom bruă wai lăng kơđi tơlơi mơnuih [on sang. Sa, dua dêh ]ar le\ jao kơ Khul grup. Dêh ]ar Mi le\ jao kơ Gong gai tơring ]ar…{u djơ\ ôh tơlơi hơget lêng jao kơ ling tơhan, kông ang ôh? Tơlơi phiăn ră anai pơkôl jao kơ 3 ding jum: Ding jum wai lăng jơlan glông pơdu\ pơgiăng, Ding jum kông ang hăng Ding jum ling tơhan. Bơdjơ\ nao bruă pơgang lo\n ia, wai lăng rơnuk rơnua le\ Ding jum ling tơhan. Bơ bơdjơ\ nao wai lăng jơlan nao rai le Ding jum wai lăng jơlan glông pơdu\ pơgiăng”.

Lăi glăi [ơi mông jơnum, Kơ-iăng khua Ding jum kông ang ơi Nguyễn Duy Ngọc brơi thâo, Tơlơi phiăn anăp nao tơlơi pơmin pơhlôm djop mơta tơlơi dưi pơphun pơplông, laih dong pơgăn h^ đah mơng plai [iă hloh hơmâo hră mơgat rơdêh ngă mă c\a:

“Tơlơi pơmin mơng Grup c\ih pơkra tơlơi phiăn, pơtô pơhrăm le\ abih bang mơnuih gum ngă. {ing ta hơmâo tơlơi pơkôl kiăng gơ`u ngă bruă tui hơdră abih bang mơnuih gum ngă. Hrăm pơpă tu\ mơn, hlơi pơtô ăt dưi soh. Arăng kiăng c\ih anăn pơplông pơpă lêng kơ dưi soh. Gơmơi amra pơphun pơplông hăng ba tơlơi pơkă pơplông kiăng pơhlôm mơnuih pơplông mơgăt rơdêh kơ thun pơkă, kiăng djơ\ hăng mơnuih đ^ rơdêh ră anai.

Gơmơi amra hla tui tơlơi rơgơi mơng hơdôm boh dêh ]ar, anun le\ c\om puang hăng bruă pơplông mă hră mơgăt rơdêh c\i lăi pơthâo tơdah dưi. Tal 3, brơi hră mơgăt rơdêh gơmơi pơhlôm plai [iă hloh bruă arăng ngă hră mơgăt rơdêh c\a c\ot. Amăng bruă wai lăng hăng brơi hră mơgăt rơdêh gơmơi lăng dưi hloh pơgăn bruă arăng ngă hră mơgăt rơdêh c\a c\ot”.

Kơ-iăng khua git gai pơ ala mơnuih [on sang dêh ]ar ơi Đỗ Bá Tỵ lăi le\, kơc\ăo bruă Tơlơi phiăn hơmâo lu tơlơi phrâo, bơdjơ\ nao pơ mơnuih [on sang, mơnuih đ^ rơdêh [ơi jơlan, hơmâo mơnuih [on sang lăp đing nao.

Yua hnun kiăng lăng glăi abih bang, pơhlôm ano\ djơ\, pơhlôm ngă amu`, pơplih phrâo bruă ngă hră pơ-ar, plai [iă ngă tơnap kơ mơnuih [on sang; pơhlôm djơ\ hro\m, dưm kơnar hăng hơdôm tơlơi phiăn pơko\n bơdjơ\ nao. Jơnum min apăn bruă khua pơ ala mơnuih [on sang dêh ]ar git gai, Kơnuk kơna ngă rơđah hloh dong kiăng lăi pơthâo kơ Khua mua pơ ala mơnuih [on sang dêh ]ar sem lăng, pơsit pioh hơnong tui tơlơi phiăn ră anai hă [udah kah pơpha jing 2 tơlơi phiăn.

Lại Hoa: C|ih – Siu H’Mai: Pơblang