VOV4.Jarai - Tlam lơ 15/3, Jơnum min khua apăn bruă pơ ala mơnuih ƀon sang dêh čar pơgôp hiăp kơ bruă wai lăng pơsir tơlơi rơkâo đĭ mơng mơnuih ƀon sang  mơit kơ mông jơnum lok 10, Khua pơ ala mơnuih ƀon sang dêh čar tal 14; lăi pơthâo glăi abih bang tơlơi pơgôp hiăp, rơkâo đĭ mơng mơnuih ƀon sang mơit kơ mông jơnum lok 11, Khua pơ ala mơnuih ƀon sang dêh čar tal 14. Jơnum min khua apăn bruă pơ ala mơnuih ƀon sang dêh čar pơtŏng glăi: 5 mơta tơlơi gah tơlơi kiăng, čang rơmang mơng mơnuih ƀon sang lĕ djơ̆ yơh, djơ̆ hăng tơlơi hơmâo, abih bang lĕ bruă prong amăng kơnuk kơna hơmâo mơnuih ƀon sang lăp đing nao. Rơngiao kơ hơdôm tơlơi dưi ngă hăng aka ƀu dưi ngă, Hră lăi pơthâo glăi ăt lăi nao mơn hơdôm bruă khŏm kiăng hơmâo hơdră pơsir hmao kru, tŭ yua pơhlôm pơsir abih bang, kiăng lăng glăi dong, pơtŏng glăi rơđah. Jơnum min khua apăn bruă pơ ala mơnuih ƀon sang dêh čar tŭ ư laih 5 mơta tơlơi rơkâo đĭ, amăng anun hơmâo lu bruă bơdjơ̆ nao bruă pok pơhai Tơlơi pơtrun Jơnum Ping gah dêh čar tal 13. Prăp lui hăng pơphun truh kih jơnum ruah khua pơ ala mơnuih ƀon sang dêh čar tal 15 hăng Jơnum min phun pơ ala brơi mơnuih ƀon sang djŏp gưl rơwang thun 2021-2026. Klah čun glăi mông jơnum lok 54, Khua git gai pơ ala mơnuih ƀon sang dêh čar yă Nguyễn Thị Kim Ngân lăi: sa tơlơi yôm biă mă lĕ ruah mơnuih ngă khua đah mơng prăp lui giong mơnuih khua mua ƀơi mông jơnum lok 11, kiăng hơdôm anom bruă prăp lui klă, biă ñu lĕ bruă lăi pơthâo anăn, ruah, pơdơi ruah hăng pơsit anăn pơhlôm djơ̆ Phiah phiăn hăng tơlơi phiăn dêh čar.

Siu H’Mai: pơblang